लूका 5:10 - Garhwali

¹⁰ अर ठिक उन्‍नि शमौन का दगड़्या याकूब अर यूहन्‍ना भि हकदक रै गैनी अर याकूब अर यूहन्‍ना जबदी का नौना छा। तब यीशु न शमौन कू बोलि, “डौऽर ना, मि त्वेतै मनखियों तैं पकड़ण वळु बणौलु।”

गढवली नयो नियम

¹⁰ अर शमौन पतरस का दगड़िया, याकूब अर यूहन्ना जु जब्दी का नौंनो छो उ भि हकदक रै गै तब यीशु ल ऊंकु बोलि, “मेरा पिछनै चला मि तुम तैं शिष्य बणोलू अर मनिख्युं तैं शिष्य बंणौण सिखौलु।”

लूका 5:10 Referans Kwoze

मत्ती 13:47

तब यीशु न एक और उदारण देके बोलि, “स्वर्ग को राज्य एक बड़ा जाल का जन च जु झील मा डळै गै, अर वेमा बन्‍नि-बन्‍नि किसम का माछा फंसी गैनी।

मत्ती 4:19

तब यीशु न ऊंकू बोलि, “मेरा पिछनै आ, अर मि तुमतै मनखियों तैं पकड़ण वळु बणौलु।”

लूका 5:7

तब ऊंन अपणा दगड़्यों तैं जु कि दुसरि नाव पर छा इसारा कैरिके बोलि, “इख ऐके हमरि मदद कैरा।” तब ऊ ऐनी, अर दुई नावों मा इथगा माछा भोरी दिनी की ऊ डुबण लगि गैनी।

2 कुरिन्थि 8:23

अर अगर तीतुस भै का बारा मा कुई भि सवाल च, त मि तुमतै बतै देन्दु कि वु मेरु मददगार च अर सेवा का काम मा इमानदार मनखि। अर वेका दगड़ा मा जु दुई भै औणा छिन ऊ बिस्वासी समुदाय का लोगु का द्‍वारा भिजे जाण छिन। अर यू दुईया का दुई यीशु मसीह की सेवा का द्‍वारा वेतैं आदर-सम्मान देन्दिन।

खास चेलों 2:4

अर ऊ सभ्या का सभि पवित्र आत्मा से भरपूर ह्‍वे गैनी। अर पवित्र आत्मा न अपणा मुताबिक ऊंतैं बोन्‍न की ताकत दिनी, अर वु बन्‍नि-बन्‍नि किसम की भाषा बोन्‍न लगि गैनी।

लूका 6:14

अर ऊ बारह चेला यू छिन, शमौन जैतैं वेन पतरस नौ भि देई, वेकू भै अन्द्रियास, याकूब अर यूहन्‍ना, फिलिप्पुस अर बरतुल्मै,

मत्ती 20:20

येका बाद जबदी की घरवळी अपणा दुई नौनो का दगड़ा यीशु का पास ऐ। अर वींन वेका खुटों मा पोड़ि के वेसे बिन्ती कैरिके कुछ मांगि।

मत्ती 14:27

पर यीशु न तुरन्त बात कैरिके ऊं से बोलि, “हिम्मत रखा, डौऽरा ना, मि छौं।”

मत्ती 4:21

अर जब यीशु उख बटि अगनै गै, त वेन याकूब अर यूहन्‍ना तैं देखि जु कि जबदी का नौना छा, अर यू दुई भै नाव मा बैठि के अपणा बुबा का दगड़ा मा जाल ठिक कना छा। तब यीशु न ऊंतैं भि अपणा दगड़ा मा बुलै।

लूका 5:9

अर यू वेन इलै बोलि, किलैकि इथगा माप माछा पकड़ण की वजै से उ अर वेका दगड़्या भौत हकदक ह्‍वे गै छा।

यूहन्ना 21:2

एक दिन शमौन पतरस, अर थोमा जैकू जौंळ्या भि बुल्दिन, अर गलील मुलक का काना गौं को नतनएल, अर जबदी का दुई नौना अर यीशु का दुई और चेला भि जमा होयां छा।