लूका 4:6 - Garhwali

⁶ अर वेन यीशु कू बोलि, “मि यों सब राज्यों पर अधिकार अर येकी सब धन-दौलत त्वेतै द्‍यूलु। किलैकि यू सब मि मा सौप्युं च, अर मि जैतैं चान्दु वेतैं दे सकदु छौं।

गढवली नयो नियम

⁶ शैतान ल यीशु कु बोलि, “यु सब धन दौलत अर अधिकार मि तैं सौंप्युं च अर मि जै तैं चौं वे तैं ही दे दींदु।

लूका 4:6 Referans Kwoze

इफिसुस 2:2

बल्किन मा वे बगत त तुम ईं दुनियां का मुताबिक अपणा जीवन तैं बुरै का मुताबिक चलौन्दा छा, अर आसमान पर सासन करण वळा शैतान की बातों तैं मणदा छा। अर आसमान पर सासन करणु वळु वु बुरु आत्मा आज भि ऊं लोगु का जीवनों मा काम करदु, जु आज्ञा को पालन नि करदिन।

यूहन्ना 14:30

अर अब मिन तुमरा दगड़ा मा जादा बात नि करण, किलैकि ईं दुनियां पर राज करण वळु औण वळु च। फिर भि वेको मि पर कुई भि अधिकार नि च।

यूहन्ना 12:31

अब ईं दुनियां को न्याय होणो को बगत ऐ गै। अर जु ईं दुनियां पर राज कनु च, वेतैं भैर निकळे जालु।

1 यूहन्ना 5:19

अर हम या बात जणदा छां कि हम परमेस्वर की औलाद छां, अर पूरि दुनियां वे शैतान का वस मा च।

दिब्य दरस 13:7

अर वेतैं इन इजाजत दिये गै कि उ बिस्वासी लोगु का दगड़ा मा युद्ध कैरो अर ऊं पर जीत हासिल कैरो, अर हरेक गोत्र, जाति, अर भाषा अर देस-देस का लोगु पर वेतैं अधिकार दिये गै।

दिब्य दरस 13:2

मिन देखि कि उ एक चीता की तरौं छौ, मगर वेका खुटा भालु की तरौं छा, अर वेको मुख शेर की तरौं छौ। अर खुंखार रागस न ये दैंत तैं अपणी सामर्थ, राजगद्‍दी अर अपणु पूरु अधिकार दे दिनी।

दिब्य दरस 12:9

अर खुंखार रागस अर वेका दूतों तैं धक्‍का मारी के धरती पर ढुळै गै। अर यू वु च जु दुनियां का लोगु का दगड़ा मा छल-कपट करदु, भौत पुरणु गुरौ, दुसरो पर दोष लगौण वळु, जैकू शैतान बुले जान्दु।

1 पतरस 1:24

अर जन कि पवित्रशास्‍त्र मा भि लिख्यूं च कि, “सब मनखि घास की तरौं छिन, अर ऊंकी सुन्दरता घास का फूल का जन च। घास सूखि जान्दु, अर फूल झेड़ी जनदिन।

2 कुरिन्थि 11:14

अर यां मा हैरान होण कि कुई बात नि च, किलैकि शैतान भि चमकदार स्वर्गदूत को रुप धारण करदु।

यूहन्ना 8:44

अर तुम अपणा बुबा शैतान की तरफा बटि छाँ अर वेकी मनसा तैं पूरि करण चान्दा छाँ। उ त पैलि बटि हत्यारू च अर सच्‍चै पर नि टिक्यूं रौन्दु, किलैकि सच्‍चै वेमा छैई नि च। अर जब उ झूठ्‍ठ बुल्दु, त अपणा ही सभौ बटि बुल्दु। किलैकि उ त झूठ्‍ठु च, बल्किन मा झूठ्‍ठों को बुबा च।

लूका 4:7

अगर जु तू मेरी पूजा करली, त यू सब कुछ तेरु ह्‍वे जालु।”