लूका 4:43 - Garhwali

⁴³ पर यीशु न ऊंकू बोलि, “मितैं परमेस्वर का राज को शुभ समाचार दुसरा नगरों मा भि जैके सुनौण जरुरी च, किलैकि मितैं ये ही मकसद खुणि भेज्यूं च।”

गढवली नयो नियम

⁴³ यीशु ल चेलों मा बोलि, “मि तैं और-और शहरों मा भि परमेश्वर कु राज्य कु शुभ सन्देश प्रचार सुनौंण जरूरी च किलैकि मि इलै भिज्युं छौं।”

लूका 4:43 Referans Kwoze

यूहन्ना 9:4

अर जबरि तक दिन च तबरि तक यू जरुरी च कि हम वेका कामों तैं पूरु कैरी द्‍या जैन मितैं भेजि च, किलैकि देखा, रात होण वळी च तब कुई भि काम नि कैरी सकदु।

खास चेलों 10:38

अर पिता परमेस्वर न नासरत गौं का यीशु तैं अपणी पवित्र आत्मा अर सामर्थ देके चुणी के ठैरै, अर उ जग-जगा जैके के भलै का काम करदु छौ, अर जु लोग शैतान का द्‍वारा सतयां छा, यीशु ऊं लोगु तैं खूब करदु छौ, अर यू सब उ इलै करदु छौ, किलैकि परमेस्वर वेका दगड़ा मा छौ। अर ईं बात का बार मा भि तुम जणदा ही छाँ।

यूहन्ना 20:21

अर यीशु न ऊंकू फिर से बोलि, “तुमतै शान्ति मिलु। अर जन पिता न मितैं भेजि, उन्‍नि मि भि तुमतै भेजदु छौं।”

मत्ती 4:23

अर यीशु पूरा गलील मुलक मा घूमणु रै। अर यहूदी लोगु का प्रार्थना भवनों मा जैके उपदेस देणु रै, अर परमेस्वर का राज को शुभ समाचार परचार कनु रै। अर उखा लोगु की हरेक किसम की बिमारियों तैं अर कमजोरियों तैं दूर कनु रै।

मरकुस 1:35

अर दुसरा दिन सुबेर होण से पैलि, यीशु उठी अर एक निर्जन जगा कू चलि गै अर उ उख जैके प्रार्थना करण लगि गै।