लूका 4:23 - Garhwali

²³ तब यीशु न ऊंकू बोलि, “तुम जरुर मि खुणि या औखाण बोलिल्या कि, ‘हे बैद, पैलि खुद तैं खूब कैर।’ अर तुम इन भि बोलिल्या कि, ‘जौं चमत्कारिक कामों का बारा मा हमुन सुणी, कि तुमुन कफरनहूम नगर मा कैरी, ऊंतैं इख अपणा नगर मा भि कैर।’

गढवली नयो नियम

²³ यीशु ल ऊंमा बोलि, “तुम मेरा बारा मा ईं मिसाल जरुर दीला कि हे वैद अफ तैं खूब कैर जु कुछ हम ल सूंणि कि कफरनहूम शहर मा क्य कियेगे उन ही इख अपड़ा मुल्क मा भि कैर।”

लूका 4:23 Referans Kwoze

मरकुस 6:1

अर वेका बाद यीशु कफरनहूम नगर बटि निकळि के अपणा नगर नासरत मा ऐ, अर वेका चेला भि वेका दगड़ा मा ऐनी।

मत्ती 4:13

अर नासरत नगर तैं छुड़ण का बाद उ कफरनहूम नगर मा रौण लगि गै। अर कफरनहूम नगर झील का छाला पर बस्यूं च, अर जबूलून और नप्‍ताली का गोत्र का लोग ये मुलक मा रौन्दा छा।

2 कुरिन्थि 5:16

हे मेरा भै-बैंणो, हम कै भि मनखि का बारा मा इन नि सोचद्‍यां, जन कि ईं दुनियां का लोग सोचदिन। पैलि हम लोगु न भि यीशु मसीह का बारा ठिक उन्‍नि सोची छौ जन कि ईं दुनियां का लोग सोचदिन, मगर अब हम वेका बारा मा इन नि सोचद्‍यां।

यूहन्ना 4:28

तब वा जनानि अपणा भाँडा तैं उखि छोड़ि के नगर मा चलि गै, अर लोगु मा बोन्‍न लगि गै,

लूका 6:42

अरे, जब तेरा ही आंख मा जांठु च, त तू कनकै अपणा भै कू बोलि सकदी कि, ‘भैजी, ला मि तुमरि आंखा बटि तिण निकाळि द्‍यूं?’ हे ढोंगि, पैलि अपणा आंखा बटि वे जांठा तैं त निकाळ। तब जैके तू अपणा भै की आंख को तिण अच्छी तरौं देखि के निकाळि सकलि।”

लूका 4:16

फिर यीशु नासरत नगर मा ऐ, जख उ पाली-पोसि के बड़ु ह्‍वे छौ। अर हमेसा की तरौं उ सब्त का दिन प्रार्थना भवन मा गै अर पवित्रशास्‍त्र पढणु खुणि खड़ु ह्‍वे गै।

मत्ती 13:54

अर जब उ अपणा नगर मा ऐ जख उ बड़ु ह्‍वे छौ, तब उ उखा प्रार्थना भवन मा जैके लोगु तैं उपदेस देके सिखौण लगि गै। पर ऊ लोग हकदक ह्‍वेके बोन्‍न लगि गैनी, “अरे, येतैं यू ज्ञान कख बटि मिली गै, अर येतैं चमत्कार करण की ताकत कख बटि मिली होलि?

मत्ती 4:23

अर यीशु पूरा गलील मुलक मा घूमणु रै। अर यहूदी लोगु का प्रार्थना भवनों मा जैके उपदेस देणु रै, अर परमेस्वर का राज को शुभ समाचार परचार कनु रै। अर उखा लोगु की हरेक किसम की बिमारियों तैं अर कमजोरियों तैं दूर कनु रै।

लूका 2:39

अर जब मरियम अर यूसुफ न प्रभु का नियम-कानूनों का मुताबिक सब रीति-रिवाजों तैं पूरु कैरी दिनी, तब ऊ फिर से अपणा गौं नासरत कू ऐ गैनी जु कि गलील मुलक मा च।

लूका 2:51

तब उ ऊंका दगड़ा मा नासरत नगर कू वापिस ऐ। अर ऊंकी आज्ञाओं का अधीन मा रै, अर वेकी माँ न यों सब बातों तैं अपणा मन मा रखी।

लूका 4:31

फिर यीशु गलील मुलक का कफरनहूम नगर कू गै, अर जब सब्त को दिन ऐ त उ लोगु तैं उपदेस देणु छौ।

लूका 4:35

तब यीशु न वेतैं झिड़की के बोलि, “चुप रौ, अर वेमा बटि निकळि जा।” तब वे खबेस न वेतैं लोगु का बीच मा पटकी, अर बगैर कुई नुकसान पौंछयां उ वे मनखि मा बटि निकळि गै।