लूका 3:23 - Garhwali

²³ अर जब यीशु न अपणी सेवा शुरु कैरी, त उ तकरीबन तीस साल को छौ। अर लोग इन समझदा छा कि यीशु यूसुफ को नौनु छौ, अर यूसुफ पितर एली को नौनु छौ।

गढवली नयो नियम

²³ जब यीशु अफ उपदेश दींण लगि गै जु कि लगभग तीस बरस को छो अर जन समझे जांदु छो कि उ यूसुफ कु नौंनो च अर उ एली को।

लूका 3:23 Referans Kwoze

मत्ती 13:55

अरे, यू त बड़ई को नौनु च, येकी माँ को नौ मरियम च, अर येका भै त याकूब, शमौन, यूसुफ अर यहूदा छिन।

खास चेलों 1:1

प्रिय थियुफिलुस, मिन अपणी पैलि किताब मा यीशु मसीह का ऊं सब कामों का बारा मा लिखी, जु कुछ भि वेन करण की अर सिखौण की शुरुवात कैरी,

यूहन्ना 6:42

अर ऊंन बोलि, “क्या यू यूसुफ को नौनु यीशु नि च? अरे, हम त येका ब्वे-बबों तैं भि जणदा छां। फिर यू कनकै बोन्‍नु च कि मि स्वर्ग बटि अयूं छौं?”

लूका 4:22

अर सभ्यों न वेकी तारीफ कैरी, अर जु भलै की बात वेन बुलिनी, ऊंतैं सुणी के सब लोग हकदक ह्‍वे गैनी। अर ऊ बुलण लगि गैनी, “अरे यू त यूसुफ को नौनु च?”

मरकुस 6:3

अरे, यू त बड़ई च, अर मरियम को नौनु च, अर, यू त उई च जैका भै याकूब, योसेस, यहूदा अर शमौन छिन। अर येकी बैंण त इख हमरा बीच मा रौनदिन?” इलै ऊंन यीशु तैं स्वीकार नि कैरी।

मत्ती 4:17

अर ये बगत बटि ही यीशु परचार करण लगि गै। अर वेन बोलि कि, “अपणा-अपणा पापों से पस्ताप कैरा, किलैकि परमेस्वर को राज नजदीक ही च अर उ राज करण वळु च।”

मत्ती 1:16

अर याकूब बटि यूसुफ को जनम ह्‍वे। अर यूसुफ न मरियम बटि ब्यौ कैरी, अर मरियम बटि यीशु को जनम ह्‍वे। अर वे ही यीशु कू मसीह बुले जान्दु।

लूका 3:31

अर इलयाकीम मलेआह को नौनु छौ, अर मलेआह मिन्‍नाह को नौनु छौ, अर मिन्‍नाह मत्तता को नौनु छौ, अर मत्तता नातान को नौनु छौ, अर नातान राजा दाऊद को नौनु छौ।

मत्ती 1:6

अर यिशै बटि राजा दाऊद को जनम ह्‍वे, अर दाऊद बटि सुलैमान राजा को जनम ह्‍वे। (अर यू वीं जनानि बटि पैदा ह्‍वे जु पैलि ऊरिय्याह कि घरवळी छै)।

मत्ती 1:1

प्रभु यीशु मसीह का पितरों का नौ की सूची इन च, कि यीशु जु की राजा दाऊद का वंश मदि, अर राजा दाऊद अब्राहम का वंश मदि छौ। अर पितर अब्राहम बटि यीशु मसीह तक जनम्यां लोगु का नौ कुछ इन छिन।

लूका 2:48

तब वेतैं देखि के वेका ब्वे-बाब भि हकदक रै गैनी। अर वेकी माँ न वेकू बोलि, “बेटा, तिन हमरा दगड़ा मा इन किलै कैरी? देख, तेरु बुबा अर मि त्वेतै खुज्यान्द-खुज्यान्द परेसान ह्‍वे गै छा।”

यूहन्ना 1:45

तब फिलिप्पुस नतनएल बटि मिली अर वेन वेकू बोलि, “जैका बारा मा मूसा न अपणा नियम-कानून मा अर परमेस्वर का रैबर्यों न अपणी किताबों मा लिख्यूं च, उ हमतै मिली गै। अर उ यूसुफ को नौनु नासरत गौं को यीशु च।”