लूका 3:10 - Garhwali

¹⁰ तब भीड़ का लोगु न यूहन्‍ना बटि पूछी, “त हमतै क्या करण चयेणु?”

गढवली नयो नियम

¹⁰ अर लुखुं ल वेमा पूछि, “त हम ल परमेश्वर की सजा से बचणु कु की कन”

लूका 3:10 Referans Kwoze

खास चेलों 2:37

अर जब ऊं लोगु न यों बातों तैं सुणी, त या बात ऊंका दिलों मा लगि गै। तब ऊंन पतरस अर दुसरा खास चेलों से पूछी, “हे भैयों अब हमतै इन बता कि हम क्या जि कैरा?”

लूका 3:14

तब सिपयों न भि वे बटि पूछी कि, “हमतै क्या करण चयेणु?” वेन ऊंकू बोलि, “कै बटि भि जबरदस्ती कैरिके पैसा नि ल्या, अर ना ही झूठ्‍ठों इळजाम लगा। पर अपणी ही कमै पर संतुष्‍ट रा।”

खास चेलों 16:30

अर ऊंतैं भैर लेके ऐ अर बोलि, “श्रीमान, अपणा जीवन तैं बचौणु खुणि मि क्या कैरुं?”

लूका 3:8

पर तुम इन्द्रया काम कैरा, ज्यां से इन पता चलु कि तुमुन मन से पस्तावा कैरियाली। अर अपणा-अपणा मनों मा यू नि सोचा कि, ‘हम अब्राहम का वंश मदि छां, इलै हमतै परमेस्वर दण्ड नि द्‍यालु।’ पर मि तुमतै बतै देन्दु कि, परमेस्वर यू ढुंगो मा बटि भि अब्राहम खुणि औलाद पैदा कैरी सकदु च।

खास चेलों 9:6

पर अब तू खड़ु उठ, अर नगर मा जा अर जु कुछ त्वेतै करण होलु वु सब त्वेतै उखि बतये जालु।”

लूका 3:12

अर तब चुंगी लेण वळा भि वेका पास बपतिस्मा लेणु कू ऐनी, अर वे बटि पूछी, “गुरुजी, हमतै क्या करण चयेणु?”

खास चेलों 2:38

तब पतरस न ऊंकू बोलि, “अपणा-अपणा पापों बटि पस्ताप कैरा अर पापों बटि माफी पौणु खुणि तुम मा बटि हरेक मनखि यीशु मसीह का नौ से बपतिस्मा ल्यो, अर तब तुमतै पवित्र आत्मा को दान मिललु।