लूका 24:51 - Garhwali

⁵¹ अर उ ऊंतैं आसीस देणु ही छौ, कि यीशु ऊं से अलग ह्‍वे गै अर स्वर्ग मा उठये गै।

गढवली नयो नियम

⁵¹ अर आशीष दींद दौं उ ही ऊं बट्टी अलग हवे गै अर स्वर्ग मा उठै गै।

लूका 24:51 Referans Kwoze

खास चेलों 1:9

अर जब यीशु न या बात बोलि दिनी, त उ खास चेलों का दिखदी-दिखदी मथि स्वर्ग मा उठये गै, अर जब उ जाणु छौ, त एक बादळ न वेतैं ऊंका आंख्यों बटि लुके दिनी, वेका चेला वेतैं टक लगै के दिखणा छा। अर देखा, उबरि सफेद कपड़ा पैरयां दुई आदिम चेलों का समणि ऐके खड़ा ह्‍वेनि।

यूहन्ना 20:17

तब यीशु न वींकू बोलि, “मितैं पकड़ी के ही नि रख। किलैकि मि अभि तक मेरा पिता का पास मथि नि ग्यों। पर तू मेरा भैयों का पास जा अर ऊंतैं बतै दे, कि मि मेरा पिता अर तुमरा पिता, अर मेरा परमेस्वर अर तुमरा परमेस्वर का पास मथि जाणु छौं।”

इब्रानी 4:14

हे मेरा प्यारा भै-बैंणो, हम जणदा छां कि हमरा पास एक महा पुरोहित च जु की सबसे महान च। अर उ पिता परमेस्वर को पुत्र यीशु मसीह च, जु कि वेका पास आसमान मा मथि उठये गै।

इब्रानी 1:3

अर परमेस्वर को पुत्र अपणा पिता की अदभुत महानता तैं परगट करदु, अर उ हमतै ठिक उन्‍नि दिखेन्दु जन कि परमेस्वर खुद च। अर परमेस्वर को पुत्र सब चीजों तैं अपणा वचन की ताकत से समळ्दु। अर लोगु तैं ऊंका पापों से शुद्ध करण की बात तैं परमेस्वर का पुत्र न पूरु कैरी, अर वेका बाद उ बड़ा आदर-सम्मान से सबसे महान परमेस्वर का दैंणा हाथ की तरफा जैके बैठि गै।

मरकुस 16:19

अर जब प्रभु यीशु ऊंका दगड़ा बात कैरी दिनी वेका बाद उ स्वर्ग मा उठये गै, अर परमेस्वर की दैंणी तरफा आदर-सम्मान वळी जगा मा बैठि गै।

लूका 24:50

तब यीशु अपणा चेलों अर ऊंका दगड़ा मा जमा होयां लोगु तैं अफ दगड़ा बैतनिय्याह गौं से भैर लेके ऐ, अर अपणा हाथों तैं उठे के वेन ऊंतैं आसीस दिनी।

लूका 24:52

तब ऊंन झुकि के वेतैं परणाम कैरी, अर बड़ी खुशी से यरूशलेम नगर कू लौटी गैनी।