लूका 24:45 - Garhwali

⁴⁵ तब यीशु न पवित्रशास्‍त्र मा लिखीं बातों तैं समझणु खुणि ऊंकी समझ खोली दिनी।

गढवली नयो नियम

⁴⁵ तब यीशु ल परमेश्वर का वचन तैं जनणु कु ऊंकी समझ ऊं तैं समझण मा मदद कैरी।

लूका 24:45 Referans Kwoze

खास चेलों 16:14

अर ऊंमा बटि लुदिया नौ की एक जनानि छै अर वा थुआतीरा नगर की छै, वा परमेस्वर की भक्‍त छै अर बैंगनि रंग का कपड़ों को व्यापार करण वळी छै। अर प्रभु न वींका मन तैं खोली दिनी, ताकि वा पौलुस की शिक्षा तैं ध्यान से सुणी सैको।

1 यूहन्ना 5:20

अर हमतै पता च कि परमेस्वर को पुत्र ईं दुनियां मा ऐ, अर वेन हमतै सच्‍चा परमेस्वर तैं पछ्यणनै की समझ दिनी। अर अब हम सच्‍चा परमेस्वर का दगड़ा मा रौन्द्‍यां, किलैकि हम वेका पुत्र यीशु मसीह मा बणयां रौन्द्‍यां। अर उई सच्‍चु परमेस्वर अर सदनि को जीवन च।

खास चेलों 26:18

अर सुण, मि त्वेतै ऊं लोगु का पास इलै भेजणु छौं, ताकि तू ऊंका आंख्यों तैं खोली दे अर वु अन्धेरा से हटि के उज्याळा की तरफा, अर शैतान की ताकत से हटि के परमेस्वर की तरफा ऐ जा। अर तब ऊंका पाप माफ ह्‍वे जाला अर जु लोग मि पर बिस्वास कैरिके पवित्र बणयां छिन, ऊं लोगु मा ऊंतैं भि वारिस बणयै जौ।’

इफिसुस 5:14

इलै ही पवित्रशास्‍त्र मा साफ-साफ लिख्यूं च कि, “हे सियां मनखि उठ, मुरदो मा बटि खड़ु हो, तब मसीह को उज्याळु त्वे पर चमकळु।”

लूका 24:32

तब ऊंन आपस मा बोलि, “पूरा बाटा फुंड जब उ हमरा दगड़ा मा बात-चित कनु छौ, अर पवित्रशास्‍त्र मा लिखीं बातों को मतलब हमतै समझौण छौ, त सच्‍चि मा हमरा मन मा या इच्छा होणी छै कि हम येकी और जादा सुणा।”

दिब्य दरस 3:7

अर येका बाद यीशु न मिकू इन भि बोलि कि, “फिलदिलफिया नगर मा रौण वळा बिस्वासी समुदाय का दूत खुणि इन लिख कि: “यीशु पवित्र अर सच्‍चु च, अर वेका पास राजा दाऊद की चाबी च जैतैं वु खुलदु वेतैं कुई बन्द नि कैरी सकदु, अर जब उ बन्द करदु त वेतैं कुई खोली नि सकदु, उ इन बुल्दु कि: