लूका 24:27 - Garhwali

²⁷ तब यीशु न मूसा का द्‍वारा बुलिं बातों बटि शुरु कैरी, अर सब रैबर्यों का द्‍वारा किताबों मा लिखीं भविष्यबाणियों का बारा मा ऊं दुईयों तैं समझौण लगि गै, जु कि वेका बारा मा लिखीं छै।

गढवली नयो नियम

²⁷ यीशु ल ऊं तैं पूरा परमेश्वर का वचन मा, मूसा की व्यवस्था बट्टी शुरू कैरी सभि परमेश्वर का तरपां बट्टी बुल्ण वलो का द्वारा अपड़ा बारा मा दे गै उ बातों तैं समझै।

लूका 24:27 Referans Kwoze

लूका 24:44

तब यीशु न ऊंकू बोलि, “यू मेरी वु बात छिन जब मि तुमरा दगड़ा छौ, तब मिन तुमकु बोलि छौ कि यू जरुरी च कि जथगा भि बात मूसा का द्‍वारा लिख्यां नियम-कानूनों मा, अर रैबर्यों की किताबों मा लिखीं छिन, इख तक की जु बात भजनों की किताबों मा भि मेरा बारा मा लिख्यूं छिन, ऊ सभ्यों को पूरु होण जरुरी च।”

खास चेलों 10:43

अर परमेस्वर का सब रैबर्या वेकी गवै देन्दिन, कि जु कुई वे पर बिस्वास करदु ऊंका पाप वेका नौ का द्‍वारा माफ किये जाला।”

यूहन्ना 5:39

“तुम पवित्रशास्‍त्र को मनन करद्‍यां, किलैकि तुम लोग समझद्‍यां, कि ये मा तुमतै सदनि को जीवन मिलदु, पर यू ही शास्‍त्र मेरी गवै देन्दिन।

यूहन्ना 1:45

तब फिलिप्पुस नतनएल बटि मिली अर वेन वेकू बोलि, “जैका बारा मा मूसा न अपणा नियम-कानून मा अर परमेस्वर का रैबर्यों न अपणी किताबों मा लिख्यूं च, उ हमतै मिली गै। अर उ यूसुफ को नौनु नासरत गौं को यीशु च।”

लूका 24:25

तब वेन ऊंकू बोलि, “अरे लाटों, अर परमेस्वर का रैबर्यों का द्‍वारा बोलि बातों पर देर से बिस्वास करण वळो,

खास चेलों 7:37

अर यू उई च जैन इस्राएल का लोगु कू बोलि छौ कि, ‘परमेस्वर तुम लोगु का बीच मा बटि मि जन एक रैबर्या तैं चुणी के तुम खुणि खड़ु करलु।’

खास चेलों 3:24

अर परमेस्वर का रैबर्या शमूएल न अर वेका बाद औण वळा जथगा भि रैबर्यों न भविष्यबाणी कैरिके बोलि, ऊं सभ्यों न यों दिनों मा होण वळी बातों का बारा मा ही त बतै छौ।

खास चेलों 3:22

हाँ, जन की मूसा रैबर्या न बोलि छौ कि, ‘प्रभु परमेस्वर तुमरा बीच मा बटि मि जन एक रैबर्या तैं चुणी के तुम खुणि खड़ु करलु, अर जु कुछ भि उ तुम मा बोललु तुम वे बटि सुणी के वेका मुताबिक ही कर्यां।

दिब्य दरस 19:10

तब मि स्वर्गदूत की भक्‍ति करणु खुणि वेका खुटों मा पोड़ि ग्यों। मगर वेन मिकू बोलि, “यूहन्‍ना इन नि कैर, बल्किन मा केवल परमेस्वर की ही भक्‍ति कैर, किलैकि मि भि तेरा अर तेरी ही तरौं बिस्वासी भै-बैंणो का जन एक सेवक छौं, जौन यीशु का बारा मा गवै देण को काम कैरी। मि त केवल परमेस्वर को रैबार देण वळु छौं, अर तुम लोग यीशु की गवै पर बिस्वास करद्‍यां अर हम सब वेका सेवक छां।”

मरकुस 4:34

अर यीशु बगैर उदारण दियां लोगु बटि कुछ भि नि बुल्दु छौ, मगर जब यीशु अपणा चेलों का दगड़ा मा होन्दु छौ, त हरेक बात को मतलब ऊंतैं समझै देन्दु छौ।

यूहन्ना 5:37

अर पिता जैन मितैं भेज्यूं च, वेन खुद ही मेरी गवै देई च, पर तुमुन नऽ त कभि वेकी आवाज सुणी, अर ना ही वेको रुप देखि च।

यूहन्ना 12:41

अर यशायाह न यों बातों तैं इलै बोलि, किलैकि वेन वेकी महानता तैं देखियाली छौ, अर वेका बारा मा बोलि भि छौ।

खास चेलों 3:18

अरे, परमेस्वर न पैलि ही अपणा सब रैबर्यों का द्‍वारा इन बुलवै छौ कि जै मसीह तैं मि भेजलु वेतैं यू दुख सौण पोड़लु, अर वेन यीशु मसीह का द्‍वारा वीं भविष्यबाणी तैं इनकै पूरु कैरी दिनी।

खास चेलों 8:35

तब फिलिप्पुस न बतौण शुरु कैरी, अर पवित्रशास्‍त्र का ये वचन बटि शुरु कैरिके यीशु का शुभ समाचार तक वेतैं सुणै दिनी।