लूका 23:4 - Garhwali

⁴ अर पिलातुस न मुख्य पुरोहितों अर ऊं लोगु कू बोलि, “मितैं नि लगदु कि यू मनखि दोषी च।”

गढवली नयो नियम

⁴ तब पिलातुस ल प्रधान याजक अर लुखुं कु बोलि, “मि त यु मनिख मा कुई भंगार नि पांणु छौं।”

लूका 23:4 Referans Kwoze

यूहन्ना 18:38

तब पिलातुस न वे बटि पूछी, “वा सच्‍चै क्या च?” अर इन बोन्‍न का बाद पिलातुस फिर से यहूदियों का मुख्यों का पास भैर ऐ, अर ऊंकू बोलि, “मिन त वे मनखि मा कुई भि खोट नि पै।

1 पतरस 2:22

अर पवित्रशास्‍त्र मा वेका बारा मा इन लिख्यूं च कि, “वेन कुई पाप नि कैरी, अर ना ही वेका गिच्‍चा बटि कुई छल की बात निकळि।”

1 पतरस 1:19

बल्किन मा यू त तुमतै भौत कीमती ल्वे की वजै से मिली, जु कि यीशु मसीह को च अर वेमा कुई दाग अर दोष नि च, किलैकि उ बेदाग मेम्‍ना च जैन कुई भि पाप नि कैरी।

लूका 23:22

अर वेन तिसरी दौं ऊंकू बोलि, “किलै, येन इन्द्रयो क्या बुरु काम कैरी? अर मितैं येका कियां अपराध का खिलाप कुई भि सबूत नि मिली, जु कि मि येतैं मौत की सजा द्‍यूं। इलै मिन येतैं पिटवै के छोड़ि देण।”

मरकुस 15:14

वेन ऊंकू बोलि, “किलै, वेन क्या अपराध कैरी?” पर लोग और भि चिल्‍लै-चिल्‍लै के बोन्‍न लगि गैनी, “वेतैं क्रूस पर चड़ै द्‍या, वेतैं क्रूस पर चड़ै द्‍या।”

1 पतरस 3:18

हे मेरा भै-बैंणो, यीशु मसीह जु कि एक धरमी मनखि छौ, वेन सब अधरमी लोगु का पापों का खातिर एक बार ही दुख उठे। अर यू सब वेन इलै कैरी, ताकि उ तुम लोगु तैं पिता परमेस्वर का नजदीक लेके ऐ सैको। हालांकि, यीशु का सरील तैं नास किये गै, मगर वे बगत मा वेन कैद होईं आत्माओं का बीच मा भि जैके परचार कैरी। अर पिता परमेस्वर न अपणी आत्मा की ताकत से यीशु तैं मुरदो मा बटि ज्यून्द कैरी।

इब्रानी 7:26

अर यीशु मसीह वु पुरोहित च जैमा कुई कपट नि च अर वु पवित्र अर निरदोष च, अर स्वर्ग मा वेतैं हम सब लोगु से जादा आदर-सम्मान दिये जान्दु, किलैकि वु हम पापि लोगु का जन नि च।

मत्ती 27:19

अर जब पिलातुस न्याय आसन पर बैठयूं छौ, त वेकी घरवळी न वेका पास इन रैबार भेजि कि, “तुम वे धरमी मनखि का मामला मा हाथ नि डलयां, किलैकि ब्याळि राति मिन वेका बारा मा सुपन्या देखि, अर वेकी वजै से आज मि भौत दुख झेली।”

खास चेलों 3:13

अरे, यू सब आदर-सम्मान त हमरा पितरों का परमेस्वर याने कि अब्राहम का परमेस्वर, इसहाक का परमेस्वर अर याकूब का परमेस्वर न अपणा सेवक हमरा प्रभु यीशु तैं देई, हाँ, वे ही यीशु तैं जैतैं तुमुन पकड़वै दिनी। अर गवर्नर पिलातुस न वेतैं छुड़ण को विचार कैरी, पर तुमुन वेका समणि यीशु तैं नकारी दिनी।

खास चेलों 25:25

मगर मि जाणि गै छौ कि ये मनखि न कुई अपराध नि कैरी, ज्यां की वजै से येतैं मौत को दण्ड दिया जौ। इलै जब येन अपणा न्याय खुणि खुद ही महाराज की मांग कैरी, त मिन येतैं महाराजा का पास रोम नगर भेजण को फैसला कैरी।