लूका 23:34 - Garhwali

³⁴ तब यीशु न बोलि, “मेरा पिता, यों तैं माफ कैरी द्‍या, किलैकि यों तैं पता नि च कि यू क्या कना छिन।” अर ऊं सिपयों न पांसा डालि के वेका कपड़ा आपस मा बांट दिनी।

गढवली नयो नियम

³⁴ तब यीशु ल बोलि, “हे बुबा यूं तैं माफ कैर किलैकि यु नि जणदींनि कि यु क्य कना छिन” ऊंल वेका कपड़ोंं तैं बंटणु कु पर्ची बणै कि जै तैं जु भि मिललो वे तैं आपस मा बांटि द्याला।

लूका 23:34 Referans Kwoze

मत्ती 5:44

पर मि तुमतै बतै देन्दु, कि अपणा दुसमनों बटि भि प्यार कैरा, अर जु लोग तुमतै सतौणा छिन ऊं खुणि प्रार्थना कैरा।

खास चेलों 7:60

फिर वेन घुंडा टिकनी अर चिल्‍लै के बोलि, “मेरा प्रभु, ये पाप को दोष यों पर नि लग्यां” अर इन बोलि के वेन ईं दुनियां तैं छोड़ि दिनी।

1 पतरस 3:9

बुरै का बदला मा बुरै नि कैरा अर ना ही गळी का बदला मा गळी द्‍या, मगर इन्द्रया लोगु तैं बदला मा आसीस ही द्‍या, किलैकि पिता परमेस्वर न तुमतै यां खुणि ही बुलयूं च, ताकि तुम आसीस का वारिस बणि जा।

रोमियों 12:14

अर ऊं लोगु तैं आसीस द्‍या, जु तुमतै सतौन्दा छिन, हाँ आसीस ही द्‍या कैतैं असगार नि द्‍या।

1 कुरिन्थि 2:8

अर ये जमना मा राज करण वळा लोगु न वे ज्ञान का बारा नि जाणि, किलैकि अगर वु जाणि जान्दा, त महान प्रभु यीशु तैं क्रूस पर नि चड़ौन्दा।

1 तीमुथियुस 1:13

हालांकि, मि पैलि वेकी बेजती करण वळु, वेका लोगु तैं सतौण वळु अर हुणदंग मचौण वळु छौ, पर फिर भि वेन अपणी दया मि पर कैरी। किलैकि तब मि यीशु मसीह पर बिस्वास नि करदु छौ, अर नि जणदु छौ कि मि क्या कनु छौ।

खास चेलों 3:17

“हे मेरा भै-बैंणो, मि जणदु छौं कि तुमुन अर तुमरा अधिकारीयों न यीशु का दगड़ा मा जु कुछ भि कैरी, तुम वीं बात का बारा मा नि जाणि सक्यां कि तुमुन इन किलै कैरी।

1 कुरिन्थि 4:12

अर अपणा हाथोंळ बड़ी मेनत कैरिके थकी जन्द्‍यां। अर फिर भि लोग हमरु अपमान करदिन, मगर हम ऊंतैं आसीस देन्द्‍यां। अर वु लोग हमतै सतौन्दा छिन, मगर हम ऊंकी सौन्द्‍यां।

मत्ती 11:25

अर वे ही बगत यीशु न पिता परमेस्वर बटि प्रार्थना कैरिके बोलि, “हे मेरा पिता, स्वर्ग अर धरती का प्रभु, मि तुमरो धन्यवाद करदु, कि यू सब बात तुमुन समझदारों अर अकलमन्दो बटि छिपै, अर ऊं लोगु पर परगट कैरी जु बच्‍चों का जन छिन।

यूहन्ना 19:11

तब यीशु न जबाब देई, “अगर तुमतै परमेस्वर की तरफा बटि यू अधिकार नि दिये जान्दु, त तुमरो मि पर कुई भि अधिकार नि होन्दु। इलै जैन मितैं तुमरा सुपुर्द कैरी, वेको पाप और भि जादा बड़ु च।”

मरकुस 15:24

तब ऊंन वेतैं क्रूस पर चड़ै, अर वेका कपड़ों खुणि पांसा डलिनी कि वु कैतैं जि मिलला, अर इन कैरिके ऊंन कपड़ा आपस मा बांट दिनी।

मत्ती 11:26

हाँ पिता किलैकि तुमतै यू ही अच्छु लगि।”

लूका 22:42

“हे पिता, अगर जु तुमरि मरजी हो, त दुख का ये बगत तैं मेरा समणि बटि हटै द्‍या, पर फिर भि मेरी इच्छा ना, बल्किन मा तुमरि मरजी पूरि हो।”

यूहन्ना 17:9

“अर अभि मि दुनियां का लोगु कू ना, पर ऊं चेलों खुणि ही जु तुमुन मि मा सौंप्यां छिन, ऊं खुणि ही प्रार्थना कनु छौं। किलैकि वु तुमरा ही छिन।

खास चेलों 16:28

कि तबरि पौलुस न जोर से चिल्‍लै के बोलि, “अरे भैजी, अफ तैं नुकसान नि पौंछौ, किलैकि हम सब इखि छां।”