लूका 23:2 - Garhwali

² अर उख पौंछी के वु लोग यीशु पर इळजाम लगै के बोन्‍न लगि गैनी कि, “यू आदिम हमरा लोगु तैं भरमौन्दु, अर इन भि बुल्दु कि महाराज तैं कर नि देण चयेणु। अर इन भि बुल्दु कि, ‘मि मसीह छौं अर मि एक राजा भि छौं।’”

गढवली नयो नियम

² अर इन बोलि, कै ऊं पर भंगार लगांणा रैनी “कि हम ल यु तैं लुखुं तैं बहकांण अर कैसर तैं कर दींणु कु मना करद अर अफ तैं मसीह राजा बुल्द सूंणि।”

लूका 23:2 Referans Kwoze

यूहन्ना 19:12

जब पिलातुस न यू सुणी, त यीशु तैं छुड़णे की कोसिस कैरी पर यहूदियों न चिल्‍लै-चिल्‍लै के बोलि, “अगर जु तुम ये मनखि तैं छोड़ि दिल्या, त फिर तुम महाराजा को विरोध करण वळा छाँ, किलैकि जु कुई भि अफ तैं राजा बणादु उ महाराजा को विरोध करदु।”

लूका 23:14

“तुम लोग ये मनखि तैं मेरा पास इन बोलि के लयां कि यू लोगु तैं भरमौणु च। पर सुणा, मिन तुमरा समणि ये मनखि की जाँच-पड़ताल कैरी, अर जै अपराध को तुमुन ये पर दोष लगै छौ, उन्दरि कुई बात मितैं ये मा नि दिखै,

खास चेलों 24:5

“साब, असल मा बात इन च कि ये मनखि को हम खुणि मुण्डरु कैरिके रख्युं च, अर हमुन येतैं पूरि दुनियां का यहूदी लोगु तैं भड़कौन्द अर घपरोळ करद पै। अर नासरत गौं का सिखौण वळा का पिछनै जु लोग चलदिन यू वे नया धरमी दल को एक मुखिया च।

यूहन्ना 18:30

तब ऊंन वेतैं जबाब देई, “अगर यू मनखि अपराधि नि होन्दु, त हम येतैं तुमरा सुपुर्द नि करदा।”

मरकुस 12:17

तब वेन ऊंकू बोलि, “जु रोमी महाराज को च उ महाराज तैं द्‍या, अर जु परमेस्वर को च उ परमेस्वर तैं द्‍या।” अर या बात सुणी के वु भौत ताजुब मा पोड़ि गैनी।

मत्ती 22:21

अर ऊंन वेकू बोलि “रोमी महाराज को।” तब वेन बोलि, “जु रोमी महाराज को च उ महाराज तैं द्‍या, अर जु परमेस्वर को च उ परमेस्वर तैं द्‍या।”

खास चेलों 24:13

अर यू लोग ऊं बातों तैं सच्‍च भि साबित नि कैरी सकदिन, जौं बातों को इळजाम यू मि पर तुमरा समणि लगौणा छिन।

लूका 23:5

पर वु और जादा जिद्‍द कैरिके बोन्‍न लगि गैनी कि, “अरे यू पूरा यहूदिया मुलक का लोगु तैं अपणा उपदेस का द्‍वारा भड़काणु च। अर येन यू काम गलील मुलक बटि शुरु कैरी छौ, अर अब यू यरूशलेम तक पौंछी गै।”

मत्ती 17:27

पतरस सुण, कखि उ हमतै देखि के खिरसे नि जा, इलै तू जा अर झील का छाला पर बळस डाल, अर जु माछु पैलि लगलु, वेतैं ले अर वेका गिच्‍चा तैं खुलण पर त्वेतै एक चांदी को सिक्‍का मिललु, जु हम दुईयों को कर चुकता कैरी द्‍यालु।”

मत्ती 27:11

अर जब यीशु तैं रोमी गवर्नर पिलातुस का समणि लये गै, त वेन वेसे पूछी, “क्या तू यहूदियों को राजा छैई?” यीशु न वेतैं जबाब दिनी, “तुम अफि बोन्‍ना छाँ।”

मरकुस 15:2

तब पिलातुस न यीशु बटि पूछी, “क्या तू यहूदियों को राजा छैई?” वेन वेकू बोलि, “तुम अफि बोन्‍ना छाँ”

यूहन्ना 18:29

इलै पिलातुस न भैर ऐके ऊंतैं पूछी कि, “तुम ये मनखि पर कै बात को दोष लगौणा छाँ?”

रोमियों 13:7

इलै जैको जथगा हक बणदु, वु वेतैं दिये जौ। अर जु कर की मांग करदु वेतैं कर दिये जौ, अर जु चुंगी लेण की मांग करदु वेतैं चुंगी दिये जौ। अर जै से डऽरण चयेणु, वेसे डौऽरा, अर जैतैं आदर देण चयेणु वेतैं पूरु आदर-सम्मान द्‍या।