लूका 23:14 - Garhwali

¹⁴ “तुम लोग ये मनखि तैं मेरा पास इन बोलि के लयां कि यू लोगु तैं भरमौणु च। पर सुणा, मिन तुमरा समणि ये मनखि की जाँच-पड़ताल कैरी, अर जै अपराध को तुमुन ये पर दोष लगै छौ, उन्दरि कुई बात मितैं ये मा नि दिखै,

गढवली नयो नियम

¹⁴ तुम यु मनिख तैं लुखुं तैं बहकांण वलो ठैरे कै मि मा ली कै अयां अर देखा मिल तुमारा संमणी येको जांच अर न्याय कैरी पर जूं बातों कु तुम वे पर भंगार लगाण छा ऊं बातों का बारा मा मिल वेमा कुई भि भंगार नि पै।

लूका 23:14 Referans Kwoze

इब्रानी 7:26

अर यीशु मसीह वु पुरोहित च जैमा कुई कपट नि च अर वु पवित्र अर निरदोष च, अर स्वर्ग मा वेतैं हम सब लोगु से जादा आदर-सम्मान दिये जान्दु, किलैकि वु हम पापि लोगु का जन नि च।

खास चेलों 13:28

हालांकि ऊंन यीशु मा जान से मरण को कुई दोष नि पै, मगर फिर भि ऊं लोगु न गवर्नर पिलातुस बटि बिन्ती कैरी कि वेतैं मौत की सजा दिये जौ।

मत्ती 27:54

अर जु रोमी सुबेदार अर दुसरा सिपै यीशु की पैरेदारी कना छा, ये भ्वींचळा का औण से अर जु कुछ भि ह्‍वे वां से ऊ भौत डौऽरी गैनी। तब ऊंन बोलि, “सच्‍चि मा यू परमेस्वर को पुत्र छौ।”

मत्ती 27:24

जब पिलातुस न देखि कि कुई फैदा नि होणु, बल्किन मा हल्‍ला और भि जादा होणु च, त वेन पाणि ले अर भीड़ का समणि अपणा हाथ ध्वेके बोलि, “ये निरदोष मनखि का ल्वे मा मेरु कुई हाथ नि च येका बारा मा तुम ही जाणा।”

मत्ती 27:19

अर जब पिलातुस न्याय आसन पर बैठयूं छौ, त वेकी घरवळी न वेका पास इन रैबार भेजि कि, “तुम वे धरमी मनखि का मामला मा हाथ नि डलयां, किलैकि ब्याळि राति मिन वेका बारा मा सुपन्या देखि, अर वेकी वजै से आज मि भौत दुख झेली।”

मत्ती 27:4

अर वेन ऊंकू बोलि, “मिन एक निरदोष मनखि की मौत खुणि वेका दगड़ा मा बिस्वासघात कैरिके पाप कैरियाली,” पर ऊंन वेकू बोलि, “हमतै ईं बात से कुई भि मतलब नि च, तू खुद ही निस्तारि ले।”

खास चेलों 17:11

बिरीया नगर का यहूदी लोग थिस्सलुनीकी नगर का यहूदी लोगु से भौत जादा भला छा। अर यों लोगु न परमेस्वर का वचन तैं बड़ी इच्छा से स्वीकार कैरी, अर हर दिन पवित्रशास्‍त्र मा खुज्याणा रैनी कि जु कुछ भि पौलुस बतौणु च वु सब बात इन्‍नि लिखीं छैई भि छिन, कि ना।