लूका 23:11 - Garhwali

¹¹ तब हेरोदेस अन्तिपास न भि अपणा सिपयों का दगड़ा मा यीशु को अपमान कैरिके वेको मजाक उड़ै, अर चटकिलु कपड़ा पैरै के वेतैं पिलातुस का पास वापिस भेजि दिनी।

गढवली नयो नियम

¹¹ तब राजा हेरोदेस ल अपड़ा सिपैयूं का दगड़ी यीशु कु अपमान कैरी कै मजाक उड़ै, अर भड़किला कपड़ा पैरेनि, अर वे तैं पिलातुस मा लौटे दींनि।

लूका 23:11 Referans Kwoze

यूहन्ना 19:5

तब यीशु उन्‍नि बैंगनि कपड़ा अर मुण्ड़ मा कांडों को मुकुट पैरि के भैर ऐ। तब पिलातुस न ऊंकू बोलि, “ये मनखि तैं देखा।”

मरकुस 9:12

वेन ऊंतैं जबाब दिनी, “एलिय्याह सच्‍चि मा पैलि ऐके सब कुछ फिर से ठिक करलु, मगर मनखि का पुत्र का बारा मा इन किलै लिख्यूं च कि, वेतैं भौत दुख झिलण पोड़लु, अर वेको तिरिस्कार किये जालु?

मत्ती 14:1

अर वे बगत गलील मुलक पर सासन करण वळा हेरोदेस अन्तिपास न यीशु की चर्चा सुणी।

मत्ती 14:3

अर यू उई हेरोदेस च, जैन अपणा भै फिलिप्पुस की घरवळी हेरोदियास का दगड़ा मा ब्यौ कैरियाली छौ। अर यूहन्‍ना न वेतैं कई दौं चितै के बोलि छौ कि तू अपणी भै कि घरवळी तैं रखणी छैई, जु कि नियम-कानून का खिलाप मा च, अर या बात त्वे खुणि ठिक नि च। इलै हेरोदियास का बोन्‍न पर राजा हेरोदेस न यूहन्‍ना तैं संगुळों मा बन्धी बणै के जेलखाना मा डलवै दिनी।

मत्ती 14:6

पर जब हेरोदेस अन्तिपास को जनम दिन ऐ, त हेरोदियास कि नौनि न दावत मा नाची के हेरोदेस तैं खुश कैरी दिनी।

लूका 23:10

अर मुख्य पुरोहितों न अर शास्‍त्रियों न उखि खड़ु रै के अपणु पूरु जोर लगै दिनी, ताकि वु वेतैं दोषी ठैरै सैका।

याकूब 2:2

अगर कुई मनखि सोना की अंगुठी अर मैंगा कपड़ा पैरि के तुमरि सभा मा अयूं हो, अर तन्‍नि एक गरीब मनखि भि चिरयां-फटयां कपड़ा पैरि के उख अयूं हो,

याकूब 2:3

अर तुम वे मनखि कू जैन मैंगा कपड़ा पैरयां हो आदर-सम्मान कैरिके बुल्द्‍यां कि, “श्रीमान, तुम ईं अच्छी जगा मा बैठि जा,” पर तुम वे गरीब मनखि कू बुल्द्‍यां, कि “तू इनै खड़ु रौ” या “इख भ्वीं मा बैठि जा,”