लूका 22:30 - Garhwali

³⁰ ताकि तुम मेरा राज्य मा मेरा भोज तैं खा-प्या, अर राजगद्‍दियों पर बैठि के इस्राएल का बारह गोत्रों को न्याय कैरा।”

गढवली नयो नियम

³⁰ कि तुम मेरा राज्य मा मेरी मेज पर खयां पियां सिंहासनों मा बैठी के इस्राएल का लुखुं का बारह गोत्र कु न्याय करिल्या।

लूका 22:30 Referans Kwoze

मत्ती 19:28

यीशु न ऊंकू बोलि, “मि तुम बटि सच्‍चि बोन्‍नु छौं, कि जब परमेस्वर नयू राज्य बणालु, वे बगत मनखि को पुत्र जु कि अपणा आदर-सम्मान की राजगद्‍दी पर बैठलु, अर तुम जु मेरा पिछनै चलणा छाँ, वे बगत पर तुम बारह राजगद्‍दियों पर बैठि के इस्राएल का बारह गोत्रों को न्याय करिल्या।

मत्ती 8:11

अर मि तुमतै या बात भि बतै देन्दु, कि एक दिन भौत सरा लोग पूरब अर पच्छिम दिसा बटि आला, अर स्वर्ग का राज मा अब्राहम, इसहाक अर याकूब का दगड़ा दावत मा बैठला।

दिब्य दरस 3:21

“जु जीत हासिल करलु, वेतैं मि अफ दगड़ा राजगद्‍दी पर बिठौलु, ठिक जन मिन जीत हासिल कैरी अर मेरा पिता न मितैं अपणी राजगद्‍दी पर बैठे।

लूका 14:15

अर यों बातों तैं सुणी के खाणु-खाण वळा लोगु मा बटि एक मनखि न बोलि, “धन्य च उ जु परमेस्वर का राज मा रुट्‍टी खालु।”

लूका 12:37

अर धन्य छिन ऊ नौकर जौं तैं ऊंको मालिक औन्द का बगत बिज्युं देखो, अर मि तुम बटि सच्‍च बोन्‍नु छौं, कि मालिक अपणी कमर कसी के ऊंकी सेवा करलु अर खाणुक खाणु कू बैठालु, अर ऊं खुणि खाणुक परोसलु।

दिब्य दरस 19:9

फिर स्वर्गदूत न मिकू बोलि, “लिख ले, धन्य छिन ऊ, जु मेम्‍ना का ब्यौ की दावत मा न्यूत्यां छिन।” अर वेन इन भि बोलि, “यू परमेस्वर का सच्‍चा वचन छिन।”

दिब्य दरस 4:4

अर वीं राजगद्‍दी का चौतरफि चौबीस राजगद्‍दीयां और भि छै। अर यों राजगद्‍दियों पर मिन चौबीस अध्यक्षों तैं बैठयूं देखि, जौं का सफेद कपड़ा पैरयां छा अर ऊंका मुण्ड़ो पर सोना का मुकुट रख्यां छा।

मत्ती 5:3

“धन्य छिन ऊ, जु मन का दीन छिन, किलैकि परमेस्वर को राज ऊंको ही च।

2 तीमुथियुस 2:12

अर अगर जु हम यीशु मसीह का दगड़ा मा सबर रखी के दुख उठाणा रौला, त वेका दगड़ा मा राज भि करुला। अर अगर जु हम वेतैं स्वीकार नि करुला, त उ भि हमतै स्वीकार नि करलु।

याकूब 1:1

हे मेरा भै-बैंणो, मि परमेस्वर अर प्रभु यीशु मसीह को सेवक याकूब छौं। अर पूरि दुनियां मा तितर-बितर होयां इस्राएल का बारह गोत्र का बिस्वासी लोगु खुणि या चिठ्‍ठी लिखणु छौं। तुम सभ्यों कू मेरु सलाम।