लूका 22:11 - Garhwali

¹¹ अर वे घौर का मालिक कू इन बुलयां कि, ‘गुरुजी को बुलयूं च कि मैमानों को वु कमरा कख च, जख मि अर मेरा चेला मेरा दगड़ा मा खाणु खाला?’

गढवली नयो नियम

¹¹ अर वे घौर का मालिक मा बुल्यां, “गुरु जी कु तुम कु बुल्युं च; कि उ खांणु खांण वलो भितर कु च जै मा मि अपड़ा चेलों का दगड़ा फसह कु भोज खै साको।”

लूका 22:11 Referans Kwoze

यूहन्ना 11:28

तब इन बोलि के मारथा उख बटि चलि गै अर अपणी बैंण मरियम तैं चुपचाप बुलै के वींकू बोलि, “गुरुजी, इख अयां छिन, अर त्वेतै बुलाणा छिन।”

दिब्य दरस 3:20

देखा, मि द्‍वार पर खड़ु ह्‍वेके खखटाणु छौं, अगर कुई मेरी आवाज सुणी के द्‍वार तैं खोली द्‍यालु, त मि भितर औलु तब हम दगड़ा मा खाणुक खौला।

लूका 19:34

अर ऊंन बोलि, “प्रभु तैं येकी जरुरत च।”

लूका 19:31

अर अगर कुई तुम बटि पूछलु, किलै खुलणा छाँ रे येतैं? त इन बुलयां कि, ‘प्रभु तैं येकी जरुरत च।’”

लूका 19:5

जब यीशु वीं जगा पर पौंछी, त वेन मथि देखि के वेकू बोलि, “जक्‍कई, झट मूड़ी उतर, किलैकि यू जरुरी च कि मि आज तेरा घौर मा रौ रौंऽऽ।”

मत्ती 21:3

अर अगर कुई तुम बटि पूछलु, किलै खुलणा छाँ रे येतैं? त इन बुलयां कि, ‘प्रभु तैं यों की जरुरत च,’ तब वु तुरन्त तुमतै लि जाण द्‍याला।”

मरकुस 14:14

अर जै घौर मा उ जालु, तुम वे घौर का मालिक कू इन बुलयां कि, ‘गुरुजी को बुलयूं च कि मैमानों को उ कमरा कख च, जख मिन अपणा चेलों का दगड़ा मा फसह को खाणुक खाण?’

लूका 22:10

अर वेन ऊंकू बोलि, “सुणा, जब तुम नगर मा जैल्या त तुमतै एक मनखि पाणि भाँडु लि जान्द दिख्यालु त तुम वेका पिछनै-पिछनै जयां, अर जै घौर मा उ जालु वे घौर मा तुम भि जयां,

लूका 22:12

तब उ मनखि तुमतै मंज्यूळ लि जालु, अर तयार कर्युं एक बड़ु कमरा दिखालु। अर तुम खाण की तयारी उखि कर्यां।”