लूका 21:37 - Garhwali

³⁷ अर यीशु दिन का बगत पर मन्दिर मा उपदेस देन्दु छौ, अर राति का बगत उ नगर का भैर जैतून नौ का पाड़ पर चलि जान्दु छौ।

गढवली नयो नियम

³⁷ उ दिन मा यरूशलेम शहर का मन्दिर मा उपदेश दींण रै अर राती कु भैर जैतून डाला का डांडा पर रौंदु छो।

लूका 21:37 Referans Kwoze

लूका 22:39

अर यीशु भैर निकळि अर हमेसा की तरौं जैतून नौ का पाड़ पर चलि गै। अर वेका चेला भि वेका पिछनै-पिछनै गैनी।

मरकुस 11:19

अर जब रुमुक ह्‍वे गै, त ऊ वे नगर से भैर चलि गैनी।

मत्ती 26:55

अर जु लोग वेतैं पकड़णु खुणि अयां छा, यीशु न वे ही बगत ऊं लोगु कू बोलि, “क्या तुम मितैं डाकु समझद्‍यां, कि जु तुम तलवार अर लाठा लेके अयां छाँ? अरे जब मि हरेक दिन मन्दिर मा बैठि के तुमतै सिखौन्दु छौ, तब त तुमुन मितैं पकड़ी के गिरफ्तार नि कैरी।

मत्ती 21:17

तब यीशु ऊंतैं छोड़ि के यरूशलेम नगर का भैर बैतनिय्याह गौं कू चलि गै, अर वीं राति उ उखि रै।

मत्ती 21:1

अर जब यीशु अर वेका चेला यरूशलेम नगर का नजदीक पौंछिनी, त वु जैतून नौ का पाड़ पर बस्यां बैतफगे गौं मा ऐनी, त वेन अपणा दुई चेलों तैं इन बोलि के भेजि कि,

खास चेलों 1:12

तब यीशु का खास चेला जैतून नौ का ढौंडा बटि यरूशलेम नगर कू वापिस ऐनी। अर यू ढौंडो यरूशलेम नगर बटि लगभग एक किलोमीटर की दूरी पर च।

यूहन्ना 12:1

अर यीशु फसह का त्योवार से छह दिन पैलि बैतनिय्याह गौं मा ऐ। अर जै लाजर तैं यीशु न ज्यून्दु कैरी छौ उ इखि रौन्दु छौ।

लूका 19:37

अर जब उ जैतून नौ का पाड़ की उन्दार मा पौंछी, त वेका चेलों न अर वेका पिछनै चलण वळा लोगु की भीड़ न आनन्दित ह्‍वेके ऊँची आवाज मा परमेस्वर को गुणगान कैरी। किलैकि ऊंन भौत सा चमत्कारिक कामों तैं देखि छौ। तब ऊंन बोलि,

मरकुस 11:12

अर दुसरा दिन जब यीशु अर वेका चेला बैतनिय्याह गौं बटि निकळिनी, त वेतैं भूक लगि।

मत्ती 26:30

अर खाणुक खाण का बाद ऊंन पिता परमेस्वर की भक्‍ति कैरी। अर वेका बाद ऊ जैतून नौ का पाड़ पर चलि गैनी।

मरकुस 14:49

मि त हरेक दिन मन्दिर मा तुमरा समणि रै के ही लोगु तैं सिखौन्दु छौ, तब त तुमुन मितैं नि पकड़ी, पर यू सब त इलै होणु च ताकि पवित्रशास्‍त्र की बात पूरि हो, जु कि मेरा बारा मा लिखी छिन।”

लूका 19:29

अर जब उ जैतून नौ का पाड़ पर बैतफगे अर बैतनिय्याह गौं का पास पौंछी, त वेन अपणा दुई चेलों तैं इन बोलि के भेजि कि,

लूका 19:47

अर यीशु हर दिन मन्दिर मा उपदेस देणु रै, पर मुख्य पुरोहित, शास्‍त्री अर कुछ खास लोग वेतैं जान से मरणे की फिराक मा लग्यां छा।

यूहन्ना 18:2

अर वेतैं पकड़ौण वळा यहूदा तैं भि ईं जगा का बारा मा पता छौ। किलैकि यीशु जादातर अपणा चेलों का दगड़ा मा उखि जान्दु छौ।