लूका 21:36 - Garhwali

³⁶ इलै हर बगत चौकस रा अर प्रार्थना कना रा, ताकि जु बात होण वळी छिन तुम ऊं सब बातों से बचि सैका। अर मनखि का पुत्र का समणि खड़ु होण का लैख बणि सैका।”

गढवली नयो नियम

³⁶ इलै बिज्यां रावा अर हर बगत परमेश्वर बट्टी प्रार्थना कना रावा कि तुम यूं आंण वली बातों, घटनाओं मा बट्टी बचणु कु तागत पांदा, अर मि मनिख कु नौंनो का संमणी खड़ो हूंण लैख बंणि जैला।

लूका 21:36 Referans Kwoze

1 यूहन्ना 2:28

हे मेरा प्यारा बच्‍चों, यीशु मसीह की संगत मा एक ह्‍वेके बणयां रा। अर अगर जु तुम इन करिल्या, त जब यीशु मसीह परगट होलु त तुमतै खुद पर सरम नि आली, बल्किन मा तुमतै बड़ी हिम्मत मिलली।

1 पतरस 5:8

चौकस अर बिज्यां रा, किलैकि तुमरो बैरी शैतान डुकरताळ मरण वळा शेर का जन च, जु कि इन ताक मा रौन्दु कि कब कैतैं फाड़ी के खै द्‍यो।

मत्ती 25:13

तब यीशु न ऊंकू बोलि, “इलै तुम भि तयार रा, किलैकि तुम नऽ त वे दिन का बारा मा, अर ना ही वे बगत का बारा मा जणद्‍यां, कि कब मनखि को पुत्र वापस ऐ जालु।”

मत्ती 24:42

“इलै चौकस रा, किलैकि तुम नि जणद्‍यां कि तुमरो प्रभु कै दिन ऐ जालु।

1 पतरस 4:7

अर सब बातों को अन्त नजदीक ऐ गै, इलै खुद पर काबू रखा अर साफ सोच रखा, ताकि तुम सही तरीके से पिता परमेस्वर से प्रार्थना कैरी सैका।

1 कुरिन्थि 16:13

हे मेरा भै-बैंणो, चौकस रा, बिस्वास मा मजबूत बणा, हौसला रखा अर हिम्मत रखी के अगनै बढणा रा।

लूका 18:1

अर यीशु न अपणा चेलों तैं हमेसा प्रार्थना करण का बारा मा अर हिम्मत नि छुड़ण का बारा मा बतौणु खुणि ऊंतैं एक उदारण सुणै। वेन ऊंकू बोलि कि,

मरकुस 13:33

इलै चौकस रा अर बिज्यां रा, किलैकि तुम नि जणद्‍यां कि उ बगत कब ऐ जालु।

यहूदा 1:24

अर पिता परमेस्वर ही च, जु कि उतेडु़ लगण पर तुमरि हिफाजत कैरी सकदु, अर अपणा आदर-सम्मान मा तुमतै अपणा समणि बेदाग अर बड़ा आनन्द से खड़ु भि कैरी सकदु।

मत्ती 26:41

इलै बिज्यां रा, अर प्रार्थना कना रा, ताकि शैतान तुमतै नि भकलौ, तुमरो मन त छैई च कि बिज्यां रा, मगर तुमरो सरील साथ नि देणु।”

1 थिस्सलुनीकी 5:17

अर लगातार प्रार्थना कना रा।

मरकुस 13:37

अर जु कुछ मि तुम बटि बोन्‍नु छौं उई मि सभ्यों कू बुल्दु कि, चौकस रा।”

2 तीमुथियुस 4:5

मगर तीमुथियुस, तू हरेक बात मा चौकस रौ, अर दुख उठौ अर शुभ समाचार तैं फैलाण को काम कैर, अर जु सेवा को काम त्वेमा सौप्युं च वेतैं पूरु कैर।

कुलुसी 4:2

हे मेरा भै-बैंणो, चौकस रा, अर प्रार्थना करण मा लग्यां रा, अर हरेक बात मा प्रभु को धन्यवाद द्‍या।

खास चेलों 10:2

अर यू परमेस्वर को भक्‍त छौ, अर यू अर येका घौर का सब लोग परमेस्वर पर अपणी पूरि सरदा रखदा छा। अर यू गरीब लोगु तैं भौत दान-दकछिणा देन्दु छौ, अर जादातर परमेस्वर बटि प्रार्थना कनु रौन्दु छौ।

लूका 20:35

पर जु लोग परमेस्वर की औलाद छिन, वु लोग वे जमना खुणि मौत मा बटि ज्यून्द होण का लैख अर जीवन तैं पौण का लैख छिन। अर फिर वु कभि नि मुरला, किलैकि उख वु स्वर्गदूतों की तरौं होला, वु ना त उख ब्यौ करला अर ना ही वु ब्यौ करणु खुणि दिये जाला। अर फिर वु परमेस्वर की औलाद होला, किलैकि वु मौत मा बटि ज्यून्दा ह्‍वे जाला।

मत्ती 8:20

यीशु न वेकू बोलि, “स्याळों का उड़्यार अर पंछियों का घोल होनदिन, पर मनखि का पुत्र का पास इन्दरि कुई जगा नि च जख उ रुकी के आराम कैरो।”

मत्ती 24:43

अर ईं बात तैं अच्छे से समझि ल्या, अगर घौर का मालिक तैं इन पता हो कि राति चोरळ कब औण, त उ उठयूं रालु अर अपणा घौर मा चोरी नि होण द्‍यालु।

मत्ती 24:44

इलै तुम लोग भि तयार रा, किलैकि जै बगत का बारा मा तुमुन सोची भि नि होलु, वे बगत मनखि को पुत्र ऐ जालु।”

लूका 1:19

तब स्वर्गदूत न वेतैं जबाब देई कि, “मि जिब्राईल छौं, अर मि परमेस्वर का समणि खड़ु रौन्दु, अर मितैं त्वे बटि बात करणु कू अर त्वेतै यू शुभ समाचार सुनाणु कू भेज्यूं च।

लूका 21:35

किलैकि पूरि दुनियां मा रौण वळो पर वु दिन इन्‍नि आलु।

2 कुरिन्थि 4:14

अर हमतै यू भि यकीन च कि जै पिता परमेस्वर न प्रभु यीशु तैं ज्यून्दु कैरी, उ हमतै भि वेका दगड़ा मा ज्यून्दु करलु, अर उ हम सभ्यों तैं यीशु का दगड़ा मा रौण खुणि अपणा समणि खड़ु भि करलु।

दिब्य दरस 6:17

किलैकि ऊं दुईयों का गुस्सा को दिन ऐ गै अर अब कुई भि नि च जु की ऊंका समणि खड़ु रै सकदु।”

दिब्य दरस 7:9

अर येका बाद मिन भौत सा लोगु तैं देखि, जौं तैं गिणै नि जै सकदु। अर वु अलग-अलग देसों, गोत्रों अर जातियों का छा जु कि अलग-अलग भाषा बुल्दिन। अर ऊंका सफेद कपड़ा पैरयां छा अर अपणा हाथों मा खजूर का फौंकों तैं लेके राजगद्‍दी अर मेम्‍ना का समणि खड़ा होयां छा,

दिब्य दरस 8:2

तब मिन ऊं सात स्वर्गदूतों तैं देखि, जु कि परमेस्वर का समणि खड़ा रौनदिन, अर ऊंतैं सात बिगुला दिये गैनी।

दिब्य दरस 11:4

यू दुई गवा जैतून का दुई डाळा अर दुई दीपदान का जन छिन, जु पूरि धरती पर राज करण वळा प्रभु का समणि खड़ा रौनदिन।