लूका 21:25 - Garhwali

²⁵ “अर तुमतै सूरज, चाँद अर गैंणो मा चिन्‍न दिख्याला, अर धरती पर देस-देस का लोगु पर संकट आलु, इख तक की वु समुन्दर की लैरों की आवाजळ भि घबरै जाला।

गढवली नयो नियम

²⁵ सूरज अर चांद, अर गैणों मा चिन्ह दिखेला अर धरती म देश-देश अर जाति-जाति का लुखुं कु संकट होलो किलैकि उ समुद्र का घमकण अर बौछट्यूं का स्यूंसाटन घबरै जाला।

लूका 21:25 Referans Kwoze

दिब्य दरस 20:11

तब मिन सफेद रंग की एक बड़ी राजगद्‍दी देखि, और परमेस्वर वेमा बैठयूं छौ। अर वेका होण से धरती अर आसमान भागी गैनी अर ऊंतैं कखि जगा नि मिली।

खास चेलों 2:19

अर मिन मूड़ी धरती पर ल्वे, अर आसमान मा आग अर धुंवा का बादळों का चमत्कारिक चिन्‍न दिखौणिन।

मरकुस 13:26

तब लोग मनखि का पुत्र तैं बादळों मा बड़ी ताकत अर बड़ा आदर-सम्मान का साथ मा वापस औन्द दिखला।

मरकुस 13:24

अर यीशु न चेलों कू इन भि बोलि, “ऊं दिनों मा ये संकट का तुरन्त बाद सूरज अन्धेरु ह्‍वे जालु, अर चाँद भि अपणु उज्याळु देण बन्द कैरी दयालु,

मत्ती 24:29

अर यीशु न चेलों कू इन भि बोलि, “यों सब मुसीबतों का तुरन्त बाद सूरज अन्धेरु ह्‍वे जालु, अर चाँद भि अपणु उज्याळु देण बन्द कैरी दयालु, अर गैंणा आसमान बटि धरती मा पोड़ि जाला, अर आसमान की सब शक्‍तियाँ इनै-उनै ह्‍वे जालि।

मरकुस 15:33

दुफरा का बारह बजी बटि लेके तीन बजी तक पूरा देस मा अन्धेरु होयुं रै।

मत्ती 27:45

अर दुफरे की बारह बजी बटि लेके तीन बजी तक पूरा देस मा अन्धेरु होयुं रै।

लूका 21:24

अर वु लोग तलवार से मरे जाला, अर कैदी बणै के सब देसों मा भेजि जाला। अर जबरि तक ऊंको बगत पूरि नि ह्‍वे जौ जु कि यहूदी जाति का नि छिन, तबरि तक यरूशलेम नगर इन्द्रया लोगु का द्‍वारा बुरी तरौं से सतयै जाला।

लूका 21:26

अर आसमान की सब शक्‍तियाँ इनै-उनै ह्‍वे जालि, अर लोग डौऽर अर दुनियां मा औण वळा संकट का बानो जैकी कैन भि उम्मीद नि कैरी होलि उ ऐ जालु, तब लोगु का ज्यू मा ज्यू नि रालु।