लूका 21:23 - Garhwali

²³ अर ऊं दिनों मा जु गरवति होलि या जु दूद पिलाणि होलि, ऊं जनानियों खुणि बड़ु दुख च, किलैकि देस कि हालत भौत बेकार होलि। अर ऊं दिनों मा परमेस्वर को बड़ु परकोप लोगु पर पोड़लु।

गढवली नयो नियम

²³ ऊं दिनों मा जननों कु भौत भयानक बगत होलि, जु दुबस्ता अर जु बच्चों तैं दूध पिलांदि होलि, ऊंकु दुखों कु बगत होलि, किलैकि वे बगत देश मा भयानक संकट होलि, अर यूं लुखुं मा भौत मुसिबत ऐ जाली।

लूका 21:23 Referans Kwoze

लूका 23:29

किलैकि सुणा, अब ऊ दिन औण वळा छिन जब लोग बुलला, ‘धन्य छिन वु जनानियां जु की बाँझ छिन, अर वु जनानियां जौन बच्‍चों तैं जनम नि देई, ऊ दूदि जौन दूद नि पिलै।’

मरकुस 13:17

अर ऊं दिनों मा जु गरवति होलि, या अपणा बच्‍चों तैं दूद पिलाणि होलि, ऊं खुणि यू दिन भौत पीड़ा देण वळा होला।

मत्ती 24:19

“अर ऊं दिनों मा जु गरवति होलि, या अपणा बच्‍चों तैं दूद पिलाणि होलि, ऊं खुणि यू दिन भौत खतरनाक होला।

1 पतरस 4:17

किलैकि अब न्याय को वु बगत ऐ गै, जब पिता परमेस्वर सबसे पैलि अपणा लोगु को न्याय करलु। इलै जब न्याय कि शुरुवात सबसे पैलि हम बटि होण, त सोचा, ऊं लोगु को क्या जि हाल होलु जौन परमेस्वर का शुभ समाचार तैं स्वीकार नि कैरी?

याकूब 5:1

हे सेठ लोगु, सुणा, तुम अफ पर औण वळी मुसीबतों तैं देखि के वे पर चिल्‍लै-चिल्‍लै के रुविल्या।

1 थिस्सलुनीकी 2:16

किलैकि यू लोग हमतै ऊं लोगु का बीच मा शुभ समाचार को परचार करण से रुकदिन जु यहूदी जाति का नि छिन। अर इन वु इलै करदिन, कखि ऊंतैं भि बचयै नि जौ, पर इन कैरिके विरोध करण वळा वु लोग न्याय का दिन पर अफु खुणि पाप को घौडु भोरी देन्दिन। मगर ऊं लोगु पर परमेस्वर को खतरनाक गुस्सा दण्ड रुप मा ऐ गै।

इब्रानी 13:16

अर भलै करण अर दुसरो की मदद करण नि बिसरा, किलैकि यू भि एक बलिदान का जन च, ज्यां से कि परमेस्वर खुश होन्दु।

लूका 19:43

किलैकि वु दिन औण वळा छिन, जब तेरा दुसमन नगर का चौतरफि नाकाबन्दी कैरी द्‍याला, तब तुमरो नगर बटि बैर-भितर औण-जाण बन्द ह्‍वे जालु।

लूका 19:27

पर अब मेरा वु दुसमन जु नि चाणा छा कि मि ऊं पर राज कैरुं, ऊंतैं इख ला अर मेरा समणि मारी द्‍या।’”

मत्ती 21:44

अर जु कुई भि वे ढुंगा पर लमड़लु वेका टुकड़ा-टुकड़ा ह्‍वे जाला, अर जै पर उ पोड़लु वेतैं त उ पीसी द्‍यालु।”

मत्ती 21:41

तब ऊंन यीशु कू बोलि, “गुरुजी, वु मालिक ऊं बुरा किसानों तैं बुरी तरौं से नास करलु, अर अंगूरों का बगिचा को ठेक्‍का दुसरा किसानों तैं दे द्‍यालु, जु बगत-बगत पर अंगूरों को हिस्सा वेतैं दिणा राला।”

मत्ती 21:16

तब ऊंन यीशु कू बोलि, “क्या तू सुनणी नि छैई कि यू क्या बोन्‍ना छिन?” अर वेन ऊंकू बोलि, “हाँ सुनणु छौं। क्या तुमुन पवित्रशास्‍त्र मा यू कभि नि पैढी कि, ‘तिन बच्‍चों अर दूद पीण वळा छुटा बच्‍चों से अपणी तारीफ करवै?’”

1 कुरिन्थि 7:26

अर आज ब्याळि का हालातों तैं देखि के त मितैं यू ही अच्छु लगदु कि एक आदिम जन च, वु उन्‍नि रौ।