लूका 20:5 - Garhwali

⁵ तब ऊ आपस मा बुलण लगि गैनी, “अगर जु हम बुल्द्‍यां कि, ‘वेतैं यू अधिकार परमेस्वर बटि मिल्यूं छौ,’ त फिर येन बोन्‍न कि ‘तुमुन वे पर बिस्वास किलै नि कैरी?’

गढवली नयो नियम

⁵ “तब उ आपस मा बातचित कन लगि गैनी कि जु हम बुलुला कि स्वर्ग बट्टी त वेल हम तैं पुछण, फिर तुम ल वेको विश्वास किलै नि कैरी?”

लूका 20:5 Referans Kwoze

खास चेलों 13:25

अर जब यूहन्‍ना का काम को बगत पूरु होण वळु छौ त वेन लोगु तैं पूछी, ‘बता तुमतै क्या लगदु, कि मि कु छौं? मि वु मसीह नि छौं। मगर सुणा, मेरा बाद एक औण वळु च, अर मि इथगा लैख भि नि छौं, कि वेका जुतों का तसमा भि खोली सैकु।’

यूहन्ना 3:36

अर जु कुई वे पुत्र पर बिस्वास करदु, वेतैं ही सदनि को जीवन मिलदु। अर जु कुई पुत्र पर बिस्वास नि करदु, वेतैं जीवन नि मिललु, बल्किन मा परमेस्वर को परकोप वे पर पोड़दु।”

यूहन्ना 3:26

अर ऊंन यूहन्‍ना का पास ऐके वेकू बोलि, “गुरुजी, जु मनखि यरदन गाड का वे छाला तुमरा दगड़ि छौ, अर जैका बारा मा तुमुन गवै दे छै, उ बपतिस्मा देणु च, अर सब मनखि वेका पास जनदिन।”

यूहन्ना 1:34

अर मिन यू खुद देखि च अर इन गवै देन्दु छौं, कि यू ही परमेस्वर को पुत्र च।”

यूहन्ना 1:30

अर यू उई च जैका बारा मा मिन बोलि छौ कि, ‘उ जु मेरा बाद औण वळु च, उ मिसे भि महान च किलैकि उ मिसे भि पैलि बटि छौ।’

मत्ती 16:7

अर या बात सुणी के वु आपस मा विचार कैरिके बोन्‍न लगि गैनी ऊंन बोलि, “हम रुट्‍टी नि लयां क्या पता उ इलै ही हम कू इन बोन्‍नु च।”

मत्ती 21:25

चला इन बता कि यूहन्‍ना तैं बपतिस्मा देण को अधिकार परमेस्वर न दे छौ, या यू अधिकार वेतैं लोगु न दे छौ?” तब ऊ आपस मा बात-चित कैरिके बोन्‍न लगि गैनी, “अगर जु हम इन बुलला कि, ‘वेतैं यू अधिकार परमेस्वर की तरफा बटि मिल्यूं च,’ तब वेन हम कू बोन्‍न कि, ‘त फिर तुमुन वेका वचनों पर बिस्वास किलै नि कैरी?’

लूका 20:4

यूहन्‍ना तैं बपतिस्मा देण को अधिकार परमेस्वर न दे छौ, या यू अधिकार वेतैं लोगु न दे छौ?”

लूका 20:6

अर अगर जु हम इन बुलला कि, ‘वेतैं यू अधिकार मनखियों की तरफा बटि मिल्यूं छौ,’ त सब लोगु न हमतै ढुंग्योण च। किलैकि लोगु तैं यकीन छौ कि यूहन्‍ना बपतिस्मा देण वळु एक रैबर्या च।”