लूका 20:26 - Garhwali

²⁶ इलै वु ईं बात पर लोगु का समणि वेतैं पकड़ी नि सकिनी, बल्किन मा वेका जबाब तैं सुणी के हकदक रै गैनी।

गढवली नयो नियम

²⁶ उ लुखुं का संमणी ई बात पर यीशु तैं पकड़ी नि सकिनि बल्कि वेका जवाब से हक बक रै के चुप हवे गैनी।

लूका 20:26 Referans Kwoze

लूका 20:20

इलै वु वेकी ताक मा लग्यां रैनी, इख तक की ऊंन जासूसों तैं भि भेजि कि वु धरमी मनखियों का जन बणि के वेकी कै बात तैं पकड़ा, ताकि तब वु वेकी वीं बात पर दोष लगै के वेतैं रोमी गवर्नर मा सौंपी सैका।

तीतुस 1:10

अर यू इलै जरुरी च, किलैकि भौत सा लोग छिन, जु आज्ञाओं तैं नि मणदिन अर बेमतलब की बात करदिन, धोखा देन्दिन, अर खास कैरिके यू ऊ यहूदी लोग छिन, जु इन सिखौन्दिन कि खतना का रिवाज तैं पूरा करण जरुरी च।

रोमियों 3:19

अर अब हम या बात जणदा छां की नियम-कानून हमतै जु कुछ भि बतौन्दिन, वु सिरफ ऊं लोगु खुणि ही च जु नियम-कानूनों तैं मणदिन, ताकि ऊं लोगु की टुपटी बन्द ह्‍वे जौ। अर पिता परमेस्वर ही च जु की सब गळत काम करण वळा लोगु को न्याय करण वळु च।

लूका 13:17

जब वेन या बात बोलि त जु लोग वेका खिलाप मा छा ऊं सभ्यों की बेजती ह्‍वे गै, पर भीड़ का सब लोग वेका यों चमत्कारिक कामों से जु वेन करिनी आनन्द मनौणा छा।”

मत्ती 22:34

अर जब फरीसी दल का लोगु न या बात सुणी की यीशु न सदूकियों की बोलती बन्द कैरियाली, त ऊ सब इकट्‍ठा ह्‍वेनि।

मत्ती 22:22

अर या बात सुणी के वु हकदक ह्‍वे गैनी, अर यीशु तैं छोड़ि के उख बटि चलि गैनी।

मत्ती 22:12

वेन वेकू बोलि, ‘दगड़्या, तू बगैर ब्यौ का कपड़ा पैरयां इख किलै ऐ?’ अर उ आदिम सन्ट रै गै।

मत्ती 8:10

अर यों बातों तैं सुणी के यीशु हकदक रै गै। अर मुड़ि के अपणा पिछनै औण वळी भीड़ कू बोलि, “मि तुम बटि सच्‍चि बोन्‍नु छौं, कि इन्द्रयो बिस्वास मिन इस्राएल का लोगु मा भि नि देखि।”

लूका 11:54

अर ऊ ईं ताक मा छा कि वेका गिच्‍चा बटि कुई इन्दरि बात निकळि जौ, जैका बाना ऊ वेतैं पकड़ी सैका।