लूका 20:22 - Garhwali

²² क्या हमतै महाराजा तैं कर देण चयेणु, या नि देण चयेणु?”

गढवली नयो नियम

²² इलै हम तैं बतौ क्य हम तैं कैसर तैं कर दींण ठिक च, की नि च?

लूका 20:22 Referans Kwoze

खास चेलों 5:37

अर वेका बाद जनगणना का दिनों मा गलील मुलक को रौण वळु यहूदा नौ एक और मनखि मुखिया बणि के ऐ, अर वेन कुछ लोगु तैं अपणु चेला बणै दिनी। पर जब वु मोरि गै, त जथगा भि लोग वेकी मणदा छा वु सब भि तितर-बितर ह्‍वे गैनी।

मत्ती 17:25

तब वेन बोलि, “हाँ, गुरुजी देन्दा छिन।” अर जब पतरस घौर मा ऐ, त वेका बोन्‍न से पैलि ही यीशु न वेसे पूछी, “शमौन, तू क्या सोचदी? कि दुनियां का राजा कै बटि चुंगी अर कर लेन्दिन, अपणा नौना बटि या दुसरा लोगु बटि?”

लूका 20:21

तब जासूसों न यीशु कू बोलि, “गुरुजी, हम जणदा छां कि तुम बिल्कुल सही बुल्द्‍यां अर सिखौन्द्‍यां। अर ना ही कै का दगड़ा मा पक्षपात करद्‍यां, पर सच्‍चै से परमेस्वर का बाटा का बारा मा सिखौन्द्‍यां। पर हमतै एक बात बता कि,

लूका 20:23

पर यीशु ऊंकी चकड़ैति तैं समझि गै अर ऊंकू बोलि,

लूका 23:2

अर उख पौंछी के वु लोग यीशु पर इळजाम लगै के बोन्‍न लगि गैनी कि, “यू आदिम हमरा लोगु तैं भरमौन्दु, अर इन भि बुल्दु कि महाराज तैं कर नि देण चयेणु। अर इन भि बुल्दु कि, ‘मि मसीह छौं अर मि एक राजा भि छौं।’”

रोमियों 13:7

इलै जैको जथगा हक बणदु, वु वेतैं दिये जौ। अर जु कर की मांग करदु वेतैं कर दिये जौ, अर जु चुंगी लेण की मांग करदु वेतैं चुंगी दिये जौ। अर जै से डऽरण चयेणु, वेसे डौऽरा, अर जैतैं आदर देण चयेणु वेतैं पूरु आदर-सम्मान द्‍या।