लूका 20:21 - Garhwali

²¹ तब जासूसों न यीशु कू बोलि, “गुरुजी, हम जणदा छां कि तुम बिल्कुल सही बुल्द्‍यां अर सिखौन्द्‍यां। अर ना ही कै का दगड़ा मा पक्षपात करद्‍यां, पर सच्‍चै से परमेस्वर का बाटा का बारा मा सिखौन्द्‍यां। पर हमतै एक बात बता कि,

गढवली नयो नियम

²¹ “हे गुरु हम जंणदा छा कि तुम हमेशा सच बुल्दियां अर कै से नि डरदयां की लोग क्य सुचला किलैकि तु सभियूं तैं समान आदर से चाहे उ कुई भि हो बरतौ करदी अर परमेश्वर कु बाटु सचै से बतौंदयां?”

लूका 20:21 Referans Kwoze

मत्ती 22:16

तब ऊंन अपणा चेला-चआँटों तैं राजा हेरोदेस का कुछ खास लोगु का दगड़ा यीशु का पास इन बुलणु कू भेजि, कि वेकू बुलयां, “गुरुजी, हम जणदा छां कि तुम सच्‍चा छाँ, अर सच्‍चै से परमेस्वर का बाटा का बारा मा सिखौन्द्‍यां। अर तुम कै से भि नि डऽरद्‍यां, अर ना ही तुम कै का दगड़ा मा पक्षपात कैरिके बात करद्‍यां।

गलातियों 1:10

अर तुमतै क्या लगदु, कि क्या अब मि लोगु तैं मनौण की कोसिस कनु छौं? ना, मि त परमेस्वर तैं मनौण चान्दु। अर तुमतै क्या लगदु कि मि मनखियों तैं खुश कनु छौं? नऽ रे ना, अगर जु मि अभि तक मनखियों तैं खुश कनु रौन्दु, त मि परमेस्वर को सेवक नि होन्दु।

2 कुरिन्थि 2:17

अर हम ऊं ठगों की तरौं नि छां जु कि अपणा फैदा खुणि परचार को काम करदिन, पर हम त शुभ समाचार तैं बड़ी इमानदारी से सुणौन्द्‍यां, अर यीशु मसीह का द्‍वारा दियां अधिकार से परमेस्वर का वचन को परचार करद्‍यां। अर यू सब हम इन जाणि के करद्‍यां कि पिता परमेस्वर हमतै दिखणु च।

यूहन्ना 3:2

उ एक रात यीशु का पास ऐ अर बोलि, “गुरुजी, हम जणदा छां, कि तुम परमेस्वर की तरफा बटि गुरु ह्‍वेके अयां छाँ, किलैकि जौं चमत्कारिक कामों तैं तुम करद्‍यां, यू सिरफ उई कैरी सकदु जैका दगड़ा मा परमेस्वर हो।”

मरकुस 12:14

अर ऊंन यीशु का पास ऐके बोलि, “गुरुजी, हम जणदा छां कि तुम सच्‍चा छाँ, अर कै की परवा नि करद्‍यां, किलैकि तुम कै का दगड़ा मा पक्षपात नि करद्‍यां, पर सच्‍चै से परमेस्वर का बाटा का बारा मा सिखौन्द्‍यां। इलै हमतै बता, कि तुम क्या सोचद्‍यां कि हमतै नियम का मुताबिक रोमी महाराजा तैं कर देण चयेणु, या नि देण चयेणु?”

गलातियों 2:6

अर मेरा दगड़्यों, शुभ समाचार को जु परचार मिन ऊं लोगु का बीच मा कैरी, जु कि यहूदी जाति का नि छिन। जब मिन ईं बात का बारा अध्यक्ष लोगु तैं बतै, त ऊंन मेरी बातों मा कुई फेर बदल नि कैरी, बल्किन उई बात मितैं वापस बतैनि। जब कि ऊ लोग त खास मणै जनदिन। (अर मितैं ईं बात से कुई फर्क नि पोड़दु, कि ऊंको पद क्या च, किलैकि पिता परमेस्वर कै भि मनखि का दगड़ा मा भेदभाव नि करदु)।

लूका 20:20

इलै वु वेकी ताक मा लग्यां रैनी, इख तक की ऊंन जासूसों तैं भि भेजि कि वु धरमी मनखियों का जन बणि के वेकी कै बात तैं पकड़ा, ताकि तब वु वेकी वीं बात पर दोष लगै के वेतैं रोमी गवर्नर मा सौंपी सैका।

लूका 20:22

क्या हमतै महाराजा तैं कर देण चयेणु, या नि देण चयेणु?”