लूका 20:16 - Garhwali

¹⁶ मि तुमतै बतै देन्दु कि, उ ऐके ऊं किसानों को नास कैरी द्‍यालु, अर अंगूरों को बगिचा दुसरो मा सौंपी द्‍यालु।” अर यू सुणी के ऊंन बोलि, “परमेस्वर नि कैरो कि इन हो”

गढवली नयो नियम

¹⁶ उ ऐ के ऊं किसानों तैं बुरी रीति बट्टी नाश करलो अर अंगूर का बगिचा का ठेका और किसानों तैं दयालो, जु बगत पर वे तैं फल दींणा राला, यु सूंणि के ऊंल लुखुं कु बोलि, “परमेश्वर कैरो त इन नि हो।”

लूका 20:16 Referans Kwoze

लूका 19:27

पर अब मेरा वु दुसमन जु नि चाणा छा कि मि ऊं पर राज कैरुं, ऊंतैं इख ला अर मेरा समणि मारी द्‍या।’”

खास चेलों 13:46

तब पौलुस अर बरनबास न बड़ी हिम्मत से ऊंतैं जबाब देई, “या बात भौत जरुरी छै कि परमेस्वर को वचन सबसे पैलि तुमतै ही सुणये जान्दु। मगर जब तुम ही वेतैं नकरणा छाँ अर अफ तैं सदनि का जीवन का लैख नि समझद्‍यां, त सुणा, अब से हम दुसरि जाति का बीच मा परचार करणु कू जाणा छां।

मत्ती 21:41

तब ऊंन यीशु कू बोलि, “गुरुजी, वु मालिक ऊं बुरा किसानों तैं बुरी तरौं से नास करलु, अर अंगूरों का बगिचा को ठेक्‍का दुसरा किसानों तैं दे द्‍यालु, जु बगत-बगत पर अंगूरों को हिस्सा वेतैं दिणा राला।”

मत्ती 22:7

तब वे राजा तैं भौत गुस्सा ऐ, अर वेन अपणी सेना तैं भेजि के ऊं हत्यारों को नास कैरी दिनी, अर ऊंका नगर तैं फूकी दिनी।

मत्ती 21:34

अर जब अंगूरों तैं गड़णो को बगत ऐ, त वे मनखि न अपणा नौकरों तैं ऊं किसानों का पास भेजि, ताकि ऊ लोग अंगूरों को हिस्सा लेके वेका पास आ।

मरकुस 12:9

“इलै अब इन बता, जब बगिचा को मालिक आलु, त ऊं किसानों का दगड़ा मा क्या जि करलु? वु ऊं किसानों को नास करलु, अर अंगूरों को बगिचा दुसरा किसानों तैं दे द्‍यालु।

लूका 20:15

इलै ऊंन वेतैं अंगूरों का बगिचा बटि भैर निकाळि अर वेतैं जान से मारी दिनी। त अब इन बता कि जब बगिचा को मालिक आलु, त ऊंका दगड़ा क्या जि करलु?

रोमियों 3:4

ना इन कभि नि ह्‍वे सकदु। सुणा, दुनियां को हरेक मनखि झूठ्‍ठु साबित ह्‍वे सकदु च, मगर पिता परमेस्वर ही च जु कि अपणा वचन को पालन करदु, इलै वेतैं सच्‍चु साबित होण द्‍या। जन कि पवित्रशास्‍त्र मा भि लिख्यूं च अर वा बात इन च कि, “हे मेरा परमेस्वर तुम अपणा मामला मा सच्‍चा छाँ, अर तुम अपणु फैसला बड़ा न्याय से करद्‍यां।”

रोमियों 3:6

अगर इन होन्दु त पिता परमेस्वर फिर ईं धरती का लोगु को न्याय कनकै करलु?

रोमियों 3:31

अब तुम सुचणा ह्‍वेल्या, कि जु कुछ भि हम बोन्‍ना छां वांको मतलब क्या च? त हम तुमतै बतै देन्द्‍यां कि जब हम इन बुल्द्‍यां की बिस्वास करण से ही हमतै छुटकारा मिलदु, त यां को मतलब यू नि च कि हम नियम-कानूनों तैं रद्‍द कना छां, बल्किन मा हम पिता परमेस्वर की बातों तैं पूरु करणा छां।

रोमियों 6:2

नऽ रे ना इन नि ह्‍वे सकदु। जब एक बार हम पाप करणु खुणि मुरयां मनखि का जन ह्‍वे ग्यां, त फिर हम पाप का अधीन मा कनकै रै सकद्‍यां?

रोमियों 6:15

हे मेरा भै-बैंणो, त ईं बात को क्या मतलब च, कि हम नियम-कानून का मुताबिक नि चलद्‍यां, इलै हम पाप कना रा? तुम मितैं बता क्या या सही बात च? नऽ रे ना इन नि होण चयेणु। हम लोग त पाप का ना, बल्किन मा पिता परमेस्वर की किरपा का अधीन मा छां।

रोमियों 7:7

त अब हम क्या जि बोला कि नियम-कानून पाप तैं जनम देन्दिन? ना इन नि ह्‍वे सकदु, मगर सच्‍च त यू च कि नियम-कानून हमतै बतौन्दिन की पाप क्या च। अर जन कि लिख्यूं भि च कि, “तू लालच नि कैरी” त मितैं कनकै पता चलदु कि लालच क्या च।

रोमियों 7:13

त क्या उ जु मि खुणि भलु छौ, वु ही मि खुणि मौत को कारण बणि गै? नऽ रे ना इन नि च, बल्किन मा यू त पाप छौ जु कि वीं अच्छे का द्‍वारा मि खुणि मौत की वजा बणि, ताकि पाप परगट ह्‍वे जौ। अर जु कुई भि इन करदु उ पिता परमेस्वर का खिलाप मा जैके वेकी आज्ञाओं को पालन नि करदु।

रोमियों 9:14

हे मेरा दगड़्यों, अब ये मामला मा हम क्या बोलि सकद्‍यां? क्या पिता परमेस्वर अन्यो करण वळु च? नऽ रे ना इन नि च।

रोमियों 11:1

अब मि तुम बटि पूछदु, कि क्या परमेस्वर न अपणा इस्राएली लोगु तैं छोड़याली? ना इन कभि नि ह्‍वे सकदु। अरे, मि खुद एक इस्राएली मनखि छौं, अर मि अब्राहम का वंश मदि छौं अर मेरु गोत्र को नौ बिन्यामीन च।

रोमियों 11:11

फिर त यू सवाल बणदु कि क्या पिता परमेस्वर न इस्राएली लोगु तैं बिल्कुल छोड़याली? क्या ऊंका पास कुई आस नि च? नऽ रे ना इन्दरि कुई बात नि च। मगर जब ऊंन यीशु मसीह पर बिस्वास नि कैरी, तब शुभ समाचार दुसरि जाति का लोगु तक पौंछी इलै ऊं लोगु तैं बचयै जाण को मौका मिली गै, जु कि इस्राएली लोग नि छिन। अर यू सब त इलै ह्‍वे, ताकि दुसरि जाति का लोगु तैं देखि के इस्राएली लोगु तैं जलन हो।

1 कुरिन्थि 6:15

अर क्या तुम इन नि जणद्‍यां, कि हमरु सरील यीशु मसीह को अंग च? अर हम जु मसीह का सरील का अंग छां, इलै या बात ठिक नि च कि हम कै दुसरि जनानि का दगड़ा मा गळत सम्बन्ध रखा?

गलातियों 2:17

अर हम जु यीशु मसीह पर बिस्वास कैरिके परमेस्वर की नजर मा धरमी बणणे की कोसिस करण पर लग्यां छां, अर अगर जु हम खुद ही पाप करण लगि जां, त यां को मतलब त इन ह्‍वे गै कि यीशु मसीह खुद पाप को सेवक च अर हमतै पाप करणु खुणि उकसौन्दु, त क्या इन्दरि बात च? नऽ रे ना इन्दरि बात बिल्कुल भि नि च।

गलातियों 3:21

अर तुम क्या सोचद्‍यां कि नियम-कानून परमेस्वर का करारों को विरोध करदिन? ना इन बिल्कुल भि नि च, किलैकि अगर इन्द्रयो नियम-कानून दियूं होन्दु, जु हमतै सदनि को जीवन देन्दु, त नियम-कानून को पालन करण से ही हम लोग धरमी ठैरैये जान्दा।

गलातियों 6:14

अर अब या दुनियां मेरी नजर मा मोरि गै अर मि ईं दुनियां खुणि मोरि ग्यों, किलैकि मि खुणि केवल प्रभु यीशु मसीह की क्रूस ही च जिं का खातिर मि बड़ु मोन करदु।