लूका 19:47 - Garhwali

⁴⁷ अर यीशु हर दिन मन्दिर मा उपदेस देणु रै, पर मुख्य पुरोहित, शास्‍त्री अर कुछ खास लोग वेतैं जान से मरणे की फिराक मा लग्यां छा।

गढवली नयो नियम

⁴⁷ उ हमेशा यरूशलेम शहर का मन्दिर मा उपदेश दींदु छो, अर प्रधान याजक अर मूसा की व्यवस्था तैं सिखांण वला अर लुखुं का मुखिया यीशु तैं नाश कनु कु मौका खुज्योंण लगि गैनी।

लूका 19:47 Referans Kwoze

मरकुस 11:18

अर ईं बात तैं सुणी के मुख्य पुरोहित अर शास्‍त्री लोग वेतैं जान से मरणे की फिराक मा लगि गैनी, मगर यू लोग यीशु से डऽरदा छा, किलैकि लोग वेका उपदेस तैं सुणी के दंग रै जान्दा छा।

मत्ती 26:55

अर जु लोग वेतैं पकड़णु खुणि अयां छा, यीशु न वे ही बगत ऊं लोगु कू बोलि, “क्या तुम मितैं डाकु समझद्‍यां, कि जु तुम तलवार अर लाठा लेके अयां छाँ? अरे जब मि हरेक दिन मन्दिर मा बैठि के तुमतै सिखौन्दु छौ, तब त तुमुन मितैं पकड़ी के गिरफ्तार नि कैरी।

यूहन्ना 18:20

तब यीशु न वेतैं जबाब देई, “मिन सब लोगु का समणि खुलाआम बात करिनी। अर जख सब यहूदी लोग जमा होनदिन, जन कि प्रार्थना भवनों अर मन्दिर मा भि उपदेस देई। अर मिन लुकि-छिपी के कुछ भि नि बोलि।

यूहन्ना 10:39

तब ऊंन यीशु तैं फिर से पकड़णे की कोसिस कैरी, पर उ ऊंका हाथ बटि बचि के निकळि गै।

यूहन्ना 7:44

तब ऊं लोगु मा बटि कुछ वेतैं पकड़ण चान्दा छा, पर कुई भि वेतैं पकड़ी नि पै।

यूहन्ना 7:19

क्या मूसा न तुमतै नियम-कानून नि दिनी? फिर भि तुम मा बटि कुई भि ऊं नियम-कानूनों पर नि चलदु। त फिर तुम मितैं किलै मरण चाणा छाँ?”

मरकुस 14:1

अर दुई दिन का बाद फसह को त्योवार अर अखमीरी रुट्‍टी को त्योवार औण वळु छौ। अर मुख्य पुरोहित अर शास्‍त्री लोग, ईं बात की फिराक मा छा कि कनकै यीशु का दगड़ा मा छल कैरिके वेतैं पकड़ै जौ अर जान से मरे जौ।

मरकुस 12:12

अर ईं बात तैं सुणी के यहूदियों का मुख्य लोग समझि गैनी, कि यीशु न यू उदारण हमतै सुनौण खुणि बोलि, इलै ऊ यीशु तैं पकड़ण की कोसिस करण लगि गैनी। मगर ऊंतैं लोगु की डौऽर लगि, अर ऊ यीशु तैं छोड़ि के चलि गैनी।

मत्ती 21:23

अर एक बार इन ह्‍वे कि यीशु मन्दिर मा जैके उपदेस देणु छौ। तबरि तक उख कुछ मुख्य पुरोहित, अर लोगु का कुछ यहूदी अध्यक्षों न वेका पास ऐके पूछी, “गुरुजी, हमतै इन बता कि तुम कै का दियां अधिकार से यू काम करद्‍यां? अर कु च उ जैन तुमतै यू अधिकार देई?”

मरकुस 14:49

मि त हरेक दिन मन्दिर मा तुमरा समणि रै के ही लोगु तैं सिखौन्दु छौ, तब त तुमुन मितैं नि पकड़ी, पर यू सब त इलै होणु च ताकि पवित्रशास्‍त्र की बात पूरि हो, जु कि मेरा बारा मा लिखी छिन।”

लूका 19:48

मगर ऊंकी समझ मा नि ऐ कि यू काम कनकै करै जौ, किलैकि सब लोग यीशु की बातों तैं ध्यान से सुणदा छा।

लूका 20:19

अर शास्‍त्री अर मुख्य पुरोहित समझि गैनी, कि वेन यू उदारण हम खुणि बोलि, इलै वु यीशु तैं वे बगत ही पकड़ण चाणा छा, मगर ऊंतैं लोगु की डौऽर लगि।