लूका 19:44 - Garhwali

⁴⁴ अर वु तुमरा द्‍वारा करीं चिणैं तैं ढोळि द्‍याला, इख तक की वु त्वेतै अर त्वेमा रौण वळा बाल-बच्‍चों को भि नास कैरी द्‍याला, अर तुमरो छत्यनास ह्‍वे जालु। किलैकि तिन वे मौका तैं नि पछ्याणी जब त्वे पर किरपा करै गै।”

गढवली नयो नियम

⁴⁴ तेरु बैरी त्वे तैं पूरा ढंग से नष्ट कैरी दयाला अर तेरु पूरो शहर का लुखुं तैं माटा मा मिलै दयाला अर तेरा ढुंगा मा ढुंगा भि नि राला जु ढोळे नि जालो किलैकि तिल वे मौका तैं जब त्वे पर कृपा की नजर करे गै छै नि पछयांणी।”

लूका 19:44 Referans Kwoze

लूका 21:6

तब यीशु न बोलि, “जौं चीजों तैं तुम आज दिखणा छाँ एक दिन आलु, जब ये मन्दिर को एक ढुंगो भि अपणी जगा पर नि रालु, किलैकि वु सब ढुळै जाला।”

1 पतरस 2:12

हे मेरा दगड़्यों, यीशु मसीह पर बिस्वास नि करण वळा लोगु का बीच मा तुमरो चाल-चलन भलु हो, ताकि जौं-जौं बातों मा वु तुमरा खिलाप मा जैके तुमरि बुरै करदिन, वु लोग ही तुमरा भला कामों तैं देखि के प्रभु का औणा वळा दिन पर परमेस्वर की बडै कैरा।

लूका 19:42

अर वेन बोलि, “कास, आज का दिन पर अगर तू यू समझि जान्दी कि त्वेतै शान्ति कै बटि मिलण, मगर देख अब त यू सब बात तेरी आंख्यों बटि छिपी छिन।

लूका 1:68

अर बुलण लगि गै कि, “प्रभु जु की इस्राएली लोगु को परमेस्वर च, उ धन्य च। किलैकि उ अपणा लोगु की मदद करणु कू अयूं च, अर वेन ऊंतैं छुटकारा भि दियाली।

मत्ती 24:2

तब यीशु न ऊंकू बोलि, “जौं चीजों तैं तुम आज इख दिखणा छाँ मि तुम बटि सच्‍च बोन्‍नु छौं एक दिन आलु, जब ये मन्दिर को एक ढुंगो भि अपणी जगा पर नि रालु, किलैकि वु सब ढुळै जाला।”

लूका 1:78

अर यू सब हमरा परमेस्वर की बड़ी दया से होलु। अर ईं दया का बाना मथि बटि हम पर सुबेर को उज्याळु चमकलु।

मरकुस 13:2

तब यीशु न ऊंकू बोलि, “तुम यों बड़ी-बड़ी दिवालों तैं दिखणा छाँ, इख एक ढुंगो दुसरा ढुंगा का मथि नि रालु, किलैकि वु सब ढुळै जाला।”