लूका 19:12 - Garhwali

¹² “एक बार एक राज वंश को मनखि राज्य पर अधिकार पौण का बाना दूर देस कू चलि गै, ताकि वे अधिकार तैं पैके वापिस ऐ जौ।

गढवली नयो नियम

¹² त वेल बोलि, “एक धनवान मनिख दूर देश चलि गै कि उख वे तैं राजपद पै के लौटि के ऐ जौं।”

लूका 19:12 Referans Kwoze

1 पतरस 3:22

अर अब वु स्वर्ग मा जैके परमेस्वर की दैंणी तरफा बैठयूं च, अर सब स्वर्गदूत अर अधिकार अर ताकत वेका अधीन मा ही छिन।

इब्रानी 9:28

ठिक उन्‍नि यीशु मसीह भि भौत सा लोगु का पापों तैं उठौणु खुणि एक ही बार बलिदान ह्‍वे। पर जब उ फिर से वापस आलु त उ मनखि का पापों तैं माफ करणु खुणि ना, बल्किन मा ऊंतैं छुटकारा देणु खुणि आलु जु कि वेको इंतजार कना छिन।

यूहन्ना 18:37

तब पिलातुस न यीशु तैं पूछी, “त क्या फिर तू राजा छैई?” वेन जबाब देई, “तुम ठिक ही बोन्‍ना छाँ, कि मि राजा छौं, अर मि त इलै ही जनमियूं अर ईं दुनियां मा मि इलै अयूं, कि सच्‍चै का बारा मा लोगु तैं बतौ। अर हरेक जु सच्‍चै का छिन, ऊ मेरी आवाज तैं सुणदिन।”

लूका 20:9

तब यीशु न लोगु तैं एक उदारण सुणै अर बोलि कि, “एक बार एक मनखि न अंगूरों को बगिचा बणै, अर भौत दिनों खुणि परदेस मा जाण से पैलि वेन ये बगिचो को ठेक्‍का किसानों तैं दे दिनी।

दिब्य दरस 1:7

देखा, यीशु बादळों का दगड़ा-दगड़ि औण वळु च, अर हरेक आंख वेतैं दिखली, अर ऊ भि वेतैं दिखला जौन वेतैं मारी छौ। अर धरती मा जथगा भि गोत्र का लोग छिन, ऊ सभ्या का सभि अपणी-अपणी छति भटकाला। हाँ, यू ही सच्‍च च। आमीन।

1 कुरिन्थि 15:25

किलैकि जब तक उ अपणा सब दुसमनों तैं हरै नि द्‍यो, तब तक यीशु मसीह को राज करण जरुरी च।

खास चेलों 17:31

अर मि तुमतै बतै देन्दु, कि वेन एक दिन ठैर्युं च वे दिन उ पूरि दुनियां को न्याय धरमी रीति से करलु, अर न्याय करणु खुणि परमेस्वर न वे मनखि तैं चुण्यूं भि च, जु कि यीशु ही च। अर परमेस्वर न वेतैं मुरदो मा बटि ज्यून्दु कैरिके या बात साबित भि कैरियाली।”

लूका 24:51

अर उ ऊंतैं आसीस देणु ही छौ, कि यीशु ऊं से अलग ह्‍वे गै अर स्वर्ग मा उठये गै।

मरकुस 16:19

अर जब प्रभु यीशु ऊंका दगड़ा बात कैरी दिनी वेका बाद उ स्वर्ग मा उठये गै, अर परमेस्वर की दैंणी तरफा आदर-सम्मान वळी जगा मा बैठि गै।

मरकुस 12:1

फिर यीशु यहूदियों का मुख्य लोगु का दगड़ा मा उदारण देके बात करण लगि गै। अर वेन बोलि कि, “एक मनखि न अंगूरों को एक बगिचा बणै, अर वेका चौतरफि बाड़ कैरी, अर रस जमा करणु खुणि खडलु बणै, अर बगिचे मा पैरा देणु खुणि एक जगा भि तयार कैरी। अर बगिचा को ठेक्‍का किसानों तैं देके खुद वु मनखि कै दुसरा देस कू चलि गै।

मत्ती 21:38

अर जब ऊं किसानों न मालिक का नौना तैं देखि त आपस मा बुलण लगि गैनी, ‘अरे, यू त वारिस च। ऐ जा, हम येतैं मारी देन्द्‍यां, अर यू सब कुछ हम ले लिन्द्‍यां।’

मत्ती 28:18

तब यीशु न ऊंका पास ऐके बोलि, “स्वर्ग अर ईं धरती को पूरु अधिकार मितैं दियूं च।