लूका 18:19 - Garhwali

¹⁹ अर यीशु न वेकू बोलि, “तू मिकू अच्छु किलै बोन्‍नि छैई? परमेस्वर का अलावा कुई भि अच्छु नि च।

गढवली नयो नियम

¹⁹ यीशु ल वे तैं उत्तर दे के बोलि, “तु की बात कु मि कु अच्छो अर उत्तम बुल्णी छै? कुई उत्तम नि च भस परमेश्वर तैं छोड़ी के कुई अच्छो नि च।”

लूका 18:19 Referans Kwoze

याकूब 1:17

किलैकि हरेक अच्छु अर उत्तम दान-बरदान स्वर्ग बटि औन्दु अर पिता परमेस्वर की तरफा बटि मिलदु च। अर वेन ही आसमान मा चमकण वळी ज्योतियों तैं बणै। अर उ कभि भि नि बदल्दु। अर चै कुई भि अदळौ-बदळौ ह्‍वे जौ, पर वेमा कुई अन्धेरु नि पोड़दु।

इब्रानी 7:26

अर यीशु मसीह वु पुरोहित च जैमा कुई कपट नि च अर वु पवित्र अर निरदोष च, अर स्वर्ग मा वेतैं हम सब लोगु से जादा आदर-सम्मान दिये जान्दु, किलैकि वु हम पापि लोगु का जन नि च।

1 तीमुथियुस 3:16

हम जु बिस्वास करद्‍यां वेकी सच्‍चै भौत गम्भीर च अर ईं बात मा कुई भि सक नि च। किलैकि या बात सच्‍च च कि, यीशु मसीह न मनखि का रुप मा जनम ले, अर उ पवित्र आत्मा का द्‍वारा धरमी ठैरै गै, अर स्वर्गदूतों तैं दिखै, अर हर जगा वेको परचार किये गै। तब ईं दुनियां का लोगु न वे पर बिस्वास कैरी, अर बड़ा आदर-सम्मान का दगड़ा मा उ स्वर्ग मा उठये गै।

लूका 11:13

इलै जब तुम बुरा ह्‍वेके भि अपणा बाल-बच्‍चों तैं अच्छी चीज देण जणद्‍यां, त जु लोग स्वर्ग मा रौण वळा पिता बटि मंगदा छिन ऊंतैं वु पवित्र आत्मा किलै नि द्‍यालु।”

लूका 1:35

तब स्वर्गदूत न वींतैं जबाब देई कि, “पवित्र आत्मा त्वे पर उतरलु, अर सबसे महान परमेस्वर की शक्‍ति त्वेतै चौतरफि बटि घेरि के रखलि। इलै जु बच्‍चा पैदा होण वळु च, उ पवित्र होलु अर वेकू परमेस्वर को पुत्र बुले जालु।

लूका 18:18

तब कै मुखिया न यीशु तैं पूछी, “गुरुजी, तुम अच्छा गुरु छाँ, मि इन्द्रयो कु जि काम कैरुं कि सदनि का जीवन को हकदार ह्‍वे जौ?”

लूका 18:20

तू आज्ञाओं तैं त जणदी ही छैई, ‘दुसरि जनानियों का दगड़ा मा गळत सम्बन्ध नि रखी, हत्या नि कैरी, अर चोरी नि कैरी, झूठ्‍ठी गवै नि देई, अपणा ब्वे-बुबों को आदर-सम्मान कैरी।’”