लूका 17:26 - Garhwali

²⁶ अर ठिक जन नूह का दिनों मा ह्‍वे छौ, उन्‍नि मनखि का पुत्र का दिनों मा भि होलु।

गढवली नयो नियम

²⁶ जन पूर्वज नूह का दिन मा छा उन ही मि मनिख कु नौंनो को औंण भि होलो।

लूका 17:26 Referans Kwoze

2 पतरस 2:5

अर परमेस्वर न पुरणा जमना मा भि दुनियां का बुरा लोगु तैं नि छोड़ि, वेन त ऊं अधरमी लोगु को जल परलय का द्‍वारा नास कैरी, मगर धरम को परचार करण वळा हमरा पितर नूह अर वेका परिवार का सात लोगु तैं बचै।

लूका 17:24

“अर मनखि का पुत्र को दुबरा औण आसमान मा बिजली चमकण जन होलु, जन बिजली आसमान मा एक जगा बटि दुसरि जगा तक चमकदी,

इब्रानी 11:7

अर बिस्वास से ही पितर नूह न परमेस्वर की तरफा से वे पाणि की विपदा का बार मा जाणि जैतैं वेन देखि नि छौ, अर वेन परमेस्वर की बात सुणी अर परमेस्वर की आज्ञा माणी के अपणा परिवार तैं बचौणु खुणि पाणि को एक बड़ु जाज बणै। अर इन्द्रया बिस्वास का बानो परमेस्वर न नूह तैं अपणी नजर मा धरमी पै, मगर वे बगत का लोगु न बिस्वास नि कैरी, इलै परमेस्वर न ऊंतैं दण्ड दिनी।

लूका 17:22

तब वेन चेलों कू बोलि कि, “वु बगत आलु, जब तुम मनखि का पुत्र का दिनों मा बटि एक दिन तैं दिखणु कू तरसिल्या पर देखि नि सकिल्या।

2 पतरस 3:6

अर येका द्‍वारा ही वे बगत मा या धरती पाणि का जल परलय से डुबी अर नास ह्‍वे गै।

लूका 18:8

नऽ रे ना, मि तुमतै बतै देन्दु कि परमेस्वर तुरन्त ऊंको न्याय जरुर करलु। “पर अब बात या च कि जब मनखि को पुत्र आलु, त क्या उ धरती का लोगु मा बिस्वास पालु?”

लूका 17:7

यीशु इन भि बोलि, “तुम मा बटि इन्द्रयो कु च, जैको नौकर पुंगड़ा मा हौळ लगौणु हो या भेड़ चराणु हो, अर जब उ पुंगड़ा बटि वापिस अऽ, त नौकर कू बोल, ‘तुरन्त इख अऽ अर खाणुक खाणु कू बैठ?’ ना, इन नि होन्दु।

लूका 17:27

अर जबरि तक नूह जाज मा नि चैड़ि छौ, तबरि तक लोग खूब खाणा-पीणा छा अर ऊंमा ब्यौ-पग्‍नी होणा छौ। तब जल परलय न ऐके ऊं सभ्यों तैं नास कैरी दिनी।