लूका 17:25 - Garhwali

²⁵ पर यू सब होण से पैलि यू जरुरी च कि उ भौत दुख-तकलीफ उठौ, अर ईं पीढ़ी का लोग वेतैं स्वीकार नि कैरा।

गढवली नयो नियम

²⁵ पर पैली जरूरी च कि भौत जादा दुख उठै, अर ईं पीढ़ी का लोग वे तैं तुच्छ ठैराला।

लूका 17:25 Referans Kwoze

मत्ती 16:21

अर वे बगत बटि यीशु अपणा चेलों तैं बतौण लगि गै कि, “मेरु यरूशलेम नगर कू जाण जरुरी च, अर उख मि अध्यक्षों, मुख्य पुरोहितों अर शास्‍त्री लोगु का द्‍वारा भौत दुख उठौलु अर ऊ मितैं मरवै द्‍याला, अर मि तिसरा दिन मुरदो मा बटि ज्यून्दु ह्‍वे जौलु।”

लूका 9:22

तब यीशु न चेलों तैं बतै, “यू जरुरी च कि मनखि को पुत्र भौत खैरि खौऽ, अर अध्यक्षों, मुख्य पुरोहितों अर शास्‍त्री लोग वेतैं नकारी के मरवै द्‍या, मगर उ तिसरा दिन मुरदो मा बटि ज्यून्दु ह्‍वे जालु।”

मरकुस 8:31

तब यीशु चेलों तैं सिखौण लगि गै कि यू जरुरी च कि मनखि को पुत्र भौत खैरि खौऽ, अर अध्यक्ष, मुख्य पुरोहित अर शास्‍त्री लोग वेतैं नकारी के मरवै द्‍या, मगर उ तिसरा दिन मुरदो मा बटि ज्यून्दु ह्‍वे जालु।

यूहन्ना 1:11

उ अपणा निज लोगु का बीच मा ऐ, पर वेका अपणा लोगु न वेतैं स्वीकार नि कैरी।

लूका 18:33

अर ऊ वे पर कोड़ा मरला, इख तक की जान से मार द्‍याला, पर उ तिसरा दिन ज्यून्दु ह्‍वे जालु।”

मरकुस 12:10

तब यीशु न ऊंकू बोलि, ‘क्या तुम लोगु न पवित्रशास्‍त्र मा इन नि पैढी,’ “‘जै ढुंगा तैं मिस्‍त्रियों न फुंन ढोळि छौ, उई कुणों को खास ढुंगो बणि गै?

मत्ती 21:42

तब यीशु न ऊंकू बोलि, “क्या तुमुन पवित्रशास्‍त्र मा कभि इन नि पैढी कि, “‘जै ढुंगा तैं मिस्‍त्रियों न फुंन ढोळि छौ, उई कुणों को खास ढुंगो बणि गै? अर यू प्रभु की तरफा बटि ह्‍वे, अर हमरा दिखण मा यू अदभुत च।’

यूहन्ना 12:38

इन इलै ह्‍वे, किलैकि ज्वा बात परमेस्वर का रैबर्या यशायाह न बोलि छै, उ सब सच्‍च ह्‍वे जौ। अर वा बात इन च, की “हे प्रभु कैन हमरा वचनों पर बिस्वास कैरी? अर कै पर प्रभु की शक्‍ति परगट ह्‍वेई?”

लूका 24:46

अर वेन ऊंकू बोलि, “इन लिख्यूं च कि मसीह दुख उठालु अर तिसरा दिन मुरयां लोगु मा बटि ज्यून्दु ह्‍वे जालु।

लूका 18:31

फिर यीशु न अपणा बारह चेलों तैं अलग मा लि जैके बोलि, “सुणा, हम लोग यरूशलेम नगर जाणा छां, अर जु-जु बात मनखि का पुत्र का बारा मा परमेस्वर का रैबर्यों की लिखीं छिन, वु सब पूरि होलि।

मरकुस 10:33

वेन बोलि, “सुणा, हम लोग यरूशलेम नगर कू जाणा छां, अर उख मनखि का पुत्र तैं मुख्य पुरोहितों अर शास्‍त्री लोगु का हवाला किये जालु, अर वु वे पर इळजाम लगाला कि वेतैं जान से मार दिये जौ, अर वेतैं ऊं लोगु का हवाला करला जु कि यहूदी जाति का नि छिन।

मरकुस 9:31

अर ऊंतैं सिखौण दौं वेन ऊंकू बोलि कि, “मनखि को पुत्र लोगु का हाथों मा पकड़वै जालु, अर ऊ वेतैं जान से मारी द्‍याला, पर मुरण का बाद तिसरा दिन वु मुरदो मा बटि ज्यून्दु ह्‍वे जालु।”