लूका 16:20 - Garhwali

²⁰ अर लाजर नौ का एक गरीब मनखि तैं वेका द्‍वार का समणि छोड़ दिये जान्दु छौ, जैका पूरु सरील पर फोड़ो का घौ होयां छा।

गढवली नयो नियम

²⁰ वेका चौक मा लाजर नौं कु एक कंगाल जै की देह मा फोड़ा छा लये जान्दु छो अर धनवान मनिख का फाटक पर बठैये जान्दो छो।

लूका 16:20 Referans Kwoze

खास चेलों 3:2

अर ये मन्दिर का गेट पर जैकू सुन्दर गेट बुले जान्दु, लोग जनम का एक लंगड़ा मनखि तैं हर दिन ये गेट का पास बैठे देन्दा छा, ताकि यू भैर-भितर जाण वळा लोगु बटि भीक मांगु, अर इन्‍नि ये दिन भि ह्‍वे।

याकूब 2:5

हे मेरा प्यारा भै-बैंणो, सुणा, दुनियां का लोगु की नजर मा जु गरीब छिन, ऊंतैं परमेस्वर न चुणी। ताकि ऊ बिस्वास मा भरपूर ह्‍वे जा, अर परमेस्वर बटि प्यार करण वळो तैं जै राज को हकदार होणो को करार वेन कैरी, वेका हकदार वु बणि जा।

याकूब 1:9

अगर कुई बिस्वासी जन दीन सभौ को च, त उ अपणा हाल पर बड़ु मोन कैरो। किलैकि परमेस्वर न वेतैं आदर-सम्मान दियूं च।

लूका 16:21

इख तक की कुकर भि ऐके वेका घौ तैं चटदा छा, अर उ चान्दु छौ कि सेठ का बच्यां खाणु मा बटि उ अपणु पुटगु भोरी सैको।

यूहन्ना 11:1

यहूदिया मुलक का बैतनिय्याह गौं मा लाजर नौ को एक मनखि छौ अर उ बिमार पोड़्यूं छौ। वेकी दुई बैंण मरियम अर मारथा छै। (या वा ही मरियम च, ज्वा बाद मा प्रभु यीशु का खुटों मा खुशबुदार तेल डालि के अपणा बाळो से फुंजन्दी च)।

मत्ती 26:71

तब पतरस उख बटि उठी के भैर द्‍वार का पास गै, अर उख एक दुसरि नौकराणि न वेतैं देखि, तब वींन उख जमा होयां लोगु कू बोलि, “अरे यू मनखि भि त नासरत गौं का यीशु का दगड़ा मा छौ।”

लूका 16:19

अर यीशु न बोलि, “एक सेठ मनखि छौ। जु मखमल का बैंगनि कपड़ा पैरदु छौ, अर हर रोज ऐस-आराम अर बड़ा ठाठ-बाट से रौन्दु छौ।