Biblia Todo Logo
Bib sou entènèt

- Piblisite -




लूका 16:2 - Garhwali

2 तब सेठ न वे कर्ता-धर्ता तैं बुलै अर वेकू बोलि, ‘तेरा बारा मा मि यू क्या सुनणु छौं? अपणा काम को हिसाब-किताब बतौ, किलैकि अब तिन कर्ता-धर्ता नि रौण।’

Gade chapit la Kopi

गढवली नयो नियम

2 त धनवान ल भण्डारी तैं बुलै कै बोलि, यु क्य च जु मि तेरा बारा मा सुनणु छौं? तिल मेरा धन कु क्य कैरी अपड़ो हिसाब बतौ किलैकि अगनैं अब तिल भंडारी नि रांण।

Gade chapit la Kopi




लूका 16:2
23 Referans Kwoze  

तब मिन राजगद्‍दी का समणि छुटा-बड़ा सब मुरयां लोगु तैं खड़ु होयुं देखि, अर किताब खुलै गैनी अर वेका बाद एक और किताब खुलै गै ज्वा कि जीवन की किताब च। अर यों किताबों मा लिखी बातों का मुताबिक ही, सब मुरयां लोगु को न्याय ऊंका कामों का मुताबिक किये गै।


अर पिता परमेस्वर की किरपा से जु-जु दान-बरदान तुमतै मिल्यां छिन, ऊं दान-बरदानों को इस्तेमाल एक-दुसरा की सेवा मा कैरा, अर एक अच्छु सेवक बणा।


पर एक दिन ऊं सब लोगु तैं अपणु-अपणु हिसाब-किताब पिता परमेस्वर तैं देण पोड़लु, जु कि ज्यून्दा अर मुरयां लोगु को न्याय करणु खुणि तयार बैठयूं च।


अर कुछ लोग पाप करदिन अर ऊंकी जाँच-पड़ताल होण से पैलि ही लोगु तैं पता चलि जान्दु, कि वु लोग पापि छिन। पर कुछ लोग त लुकि-छिपी के पाप करदिन, अर ऊंकी जाँच-पड़ताल होण तक कैतैं भि कुछ पता नि चलदु। अर ठिक उन्‍नि कुछ लोगु का भला काम भि सभ्यों तैं पता चलि जनदिन। अर जौं भला कामों का बारा मा पता नि होन्दु, वु काम भि हमेसा खुणि छिप्यां नि रै सकदिन।


अर जब बिस्वासी समुदाय का अध्यक्ष लोगु न तेरा मुण्ड़ मा हाथ रखी के भविष्यबाणी कैरी छै, तब त्वेतै जु दान-बरदान मिली छा, ऊं पर ध्यान देणु रौ।


किलैकि हम मा बटि हरेक तैं मसीह का न्याय आसन का समणि हाजिरा होण पोड़लु, ताकि हर मनखि जैन ये सरील मा रै के जन-जन काम कैरी होला, ऊंतैं ऊंका कामों का मुताबिक बदला दिये जौ अब चै वु अच्छा हो या बुरा।


इलै जबरि तक न्याय को बगत नि ऐ जान्दु, तबरि तक कै का दगड़ा मा कुई गळत काम नि कैरा। अर जब हमरु प्रभु यीशु आलु, त उई ईं बात को न्याय करलु, अर लोगु तैं ऊंका भला-बुरा कामों का बारा मा बतालु, जु ऊंन लुकि-छिपी के करिनी। अर उ इन भि बतालु, कि ऊंका मनों मा क्या च। तब पिता परमेस्वर ऊं लोगु की तारीफ करलु, जु वेका काम खुणि वफादार छिन।


अर अगर कै सेवक मा मालिक का द्‍वारा कुई काम सौंपे गै, त वेको यू फरज बणदु कि उ वेकी आज्ञा को पालन कैरो। अर वे सेवक तैं वे काम खुणि भरोसा का लैख बणयूं रौण चयेणु।


अर इन मि इलै बोन्‍नु छौं, किलैकि हे मेरा दगड़्यों, हमरि बिस्वासी बैंण खलोए का घौर का लोगु न मितैं तुमरा बारा मा बतै, कि तुमरा बीच मा झगड़ा होणा छिन।


इलै याद रखा, कि हम लोगु मा बटि हरेक मनखि तैं पिता परमेस्वर का समणि अपणा-अपणा कामों को हिसाब-किताब देण होलु।


तब यीशु न एक और उदारण देके बोलि, “उ वफादार अर अकलमन्द कर्ता-धर्ता कु च? जैको मालिक वेतैं सब नौकरों का मथि एक मुखिया बणौन्दु, ताकि उ ऊंतैं बगत-बगत खाणुक को समान द्‍यो।


पर परमेस्वर न वेकू बोलि, ‘अरे मूरख, अगर आज राति ही तेरु पराण त्वे बटि ले लिये जौ, त इन बतौ जु कुछ भि तेरु इकट्‍ठा कर्युं च, उ सब कै को होलु?’”


मि तुम बटि बोन्‍नु छौं कि न्याय का दिन पर हरेक मनखि तैं वेकी बुलिं बेकार बातों को हिसाब-किताब देण पोड़लु।


अर जब रुमुक ह्‍वे गै, त बगिचा का मालिक न अपणा कर्ता-धर्ता कू बोलि, ‘सब मजदूरों तैं बुलौ, अर जु लोग आखिरी मा ऐ छा ऊं बटि लेके शुरु तक सभ्यों तैं ध्याड़ि दे।’


यीशु न अपणा चेलों कू बोलि, “एक सेठ मनखि का इख एक कर्ता-धर्ता छौ। तब सेठ मनखि का पास वे कर्ता-धर्ता का खिलाप सिकैत किये गै, कि उ तुमरि जैजाद सुद्‍दी उड़ौणु च।


तब कर्ता-धर्ता सुचण लगि गै, ‘अब मि क्या कैरुं? किलैकि मेरु मालिक मितैं कर्ता-धर्ता का काम बटि हटाणु च। अर माटु त मिन खैणी नि सकण, अर भीक मंगण मा सरम आली।


Swiv nou:

Piblisite


Piblisite