लूका 16:19 - Garhwali

¹⁹ अर यीशु न बोलि, “एक सेठ मनखि छौ। जु मखमल का बैंगनि कपड़ा पैरदु छौ, अर हर रोज ऐस-आराम अर बड़ा ठाठ-बाट से रौन्दु छौ।

गढवली नयो नियम

¹⁹ यीशु ल एक और मिसाल सुणै एक धनवान मनिख छों जु मलमल का बैंगनी कपड़ा पैरदो छो अर हरेक दिन सबसे बढ़िया खांणु करदो छो।

लूका 16:19 Referans Kwoze

दिब्य दरस 18:16

“‘हे बड़ा नगर, त्वे पर हाय च, तू जु मखमल, बैंगनि अर लाल रंग का कपड़ा पैरदी, अर सोना, मोति अर मणियों का द्‍वारा भौत अच्छे से सजीं छैई,

दिब्य दरस 18:7

जथगा बड़ु वींन मोन कैरी अर अपणी सान-सौकत बढै, अर जथगा अयासी मा वा रै, उथगा ही जादा दुख अर पीड़ा वींतैं द्‍या, किलैकि वा अपणा दिल मा इन बुल्दी कि, ‘मि त महाराणी बणि के बैठि छौं, मि विधवा नि छौं, अर मिन कभि भि शोक नि मणै।’

दिब्य दरस 17:4

अर वीं जनानि न बैंगनि अर लाल रंग को कपड़ा पैरयां छौ, अर वा सोना अर भौत मैंगा हीरा अर मोतियों से सजीं छै। अर वींका हाथ मा सोनो को एक कटोरा छौ, जु की वींका दगड़ा मा गळत सम्बन्ध बणौण वळी अशुद्ध चीजों से भोरयूं छौ।

लूका 16:1

यीशु न अपणा चेलों कू बोलि, “एक सेठ मनखि का इख एक कर्ता-धर्ता छौ। तब सेठ मनखि का पास वे कर्ता-धर्ता का खिलाप सिकैत किये गै, कि उ तुमरि जैजाद सुद्‍दी उड़ौणु च।

मरकुस 15:17

अर ऊंन वेतैं बैंगनि रंग को कपड़ा पेनै, अर कांडों को एक मुकुट बूणी के वेका मुण्ड़ मा रखी,

लूका 15:13

“अर अभि कुछ दिन ही ह्‍वे छा कि, छुटो नौनु अपणु सब कुछ इकट्‍ठा कैरिके एक दूर मुलक मा चलि गै, अर उख वेन अपणी मौज-मस्ती मा पूरि धन-दौलत तैं उड़ै दिनी।

मरकुस 15:20

अर जब ऊंन यीशु को खूब मजाक उड़ै दिनी, तब ऊंन उ बैंगनि कपड़ा उतारि अर फिर वेका कपड़ा वेतैं पेनै दिनी। तब वु यीशु तैं क्रूस पर चड़ौणु खुणि उख बटि भैर लि गैनी।

लूका 16:18

उदारण खुणि, अगर कुई मनखि अपणी घरवळी तैं तलाक देके कै दुसरि जनानि का दगड़ा मा ब्यौ करदु, त उ वीं जनानि का दगड़ा मा गळत सम्बन्ध बणौणु च। अर ठिक उन्‍नि अगर कुई मनखि वीं तलाक दिईं जनानि का दगड़ा मा ब्यौ करदु, त वु मनखि भि वींका दगड़ा मा गळत सम्बन्ध बणौणु च, जु कि गळत च।”

लूका 16:20

अर लाजर नौ का एक गरीब मनखि तैं वेका द्‍वार का समणि छोड़ दिये जान्दु छौ, जैका पूरु सरील पर फोड़ो का घौ होयां छा।