लूका 16:17 - Garhwali

¹⁷ धरती अर आसमान को नास होण आसान च, मगर नियम-कानूनों मा लिखीं छुटी से छुटी बात भि बदलै नि जै सकदी।

गढवली नयो नियम

¹⁷ आसमान अर धरती त टलि जाली पर मूसा द्वारा लिखीं परमेश्वर की व्यवस्था कि एक भि मात्रा या एक बिंदु भि बगैर पूरी हुयां नि टललो।

लूका 16:17 Referans Kwoze

मत्ती 5:18

अर मि तुम बटि सच्‍चि बोन्‍नु छौं कि जब तक या धरती अर आसमान च, तब तक परमेस्वर का नियम-कानूनों न खतम नि होण, अर वेमा लिखीं हरेक छुटी से छुटी बात भि पक्‍की तरौं से पूरि होलि।

लूका 21:33

“आसमान अर धरती को नास ह्‍वे जालु, मगर मेरी बुलिं बात कभि नि टळळि।

1 पतरस 1:25

मगर प्रभु को वचन हमेसा तक बणयूं रौन्दु।” अर यू शुभ समाचार यीशु मसीह को वु वचन च जु तुमतै सुणये गै।

रोमियों 3:31

अब तुम सुचणा ह्‍वेल्या, कि जु कुछ भि हम बोन्‍ना छां वांको मतलब क्या च? त हम तुमतै बतै देन्द्‍यां कि जब हम इन बुल्द्‍यां की बिस्वास करण से ही हमतै छुटकारा मिलदु, त यां को मतलब यू नि च कि हम नियम-कानूनों तैं रद्‍द कना छां, बल्किन मा हम पिता परमेस्वर की बातों तैं पूरु करणा छां।

दिब्य दरस 21:4

अर परमेस्वर ऊंका आंख्यों का सब आंसुओं तैं फुंजी द्‍यालु, फिर नऽ त मौत रैलि, ना शोक, नऽ रुंण-धुण अर ना ही कुई पीड़ा, किलैकि जु बात पैलि छै अब वु सब खतम ह्‍वे जालि।”

दिब्य दरस 21:1

तब मिन एक नयू स्वर्ग अर एक नयी धरती देखि, अर पैलु आसमान अर पैलि धरती गैब ह्‍वे गै छै, अर समुन्दर भि नि रै।

दिब्य दरस 20:11

तब मिन सफेद रंग की एक बड़ी राजगद्‍दी देखि, और परमेस्वर वेमा बैठयूं छौ। अर वेका होण से धरती अर आसमान भागी गैनी अर ऊंतैं कखि जगा नि मिली।

2 पतरस 3:10

मगर प्रभु को वु दिन एक चोर का जन अचानक से ऐ जालु, अर वे दिन आसमान बड़ी आवाज कैरिके नास ह्‍वे जालु। अर सब चीज बड़ी खतरनाक गरमी से गैळ जालि, धरती अर जु कुछ भि वेमा च वु सब कुछ खतम ह्‍वे जालु।