लूका 15:24 - Garhwali

²⁴ किलैकि मेरु यू नौनु मोरि गै छौ पर अब यू ज्यून्दु ह्‍वे गै।’ अर यू हरचि गै छौ पर अब मिली गै। तब ऊ सब मिली के खुशी मनौण लगि गैनी।

गढवली नयो नियम

²⁴ किलैकि मेरू यु नौंनो जैका बारा मा सुचदा छा की मोरि गै छो पर अब ज्यूँदो हवे गे: हरचि गै छो, अब मिली गै अर उ अनन्द मनांण लगि गैनी।

लूका 15:24 Referans Kwoze

कुलुसी 2:13

अर तुम त अपणा-अपणा पापों की वजै से मुरयां लोगु का जन छा, अर तुमुन खतना का रिवाज तैं पूरु नि कैरी, मगर फिर भि पिता परमेस्वर न तुमतै यीशु मसीह का दगड़ा मा नयू जनम देई, अर तुमरा सब पापों तैं माफ कैरी।

लूका 19:10

किलैकि मनखि को पुत्र हरच्यां लोगु तैं खुजै के बचौणु खुणि ही अयूं च।”

इफिसुस 2:1

अर जब तुम भि अपणा-अपणा अपराधों अर पापों की वजै से मुरयां लोगु का जन छा, त पिता परमेस्वर न तुमतै ज्यून्दु कैरी अर इथगा ही ना,

लूका 15:4

“अगर तुम मा बटि कै मनखि का मा सौ भेड़ हो अर ऊंमा बटि एक हरचि जौ, त तुम मा बटि इन्द्रयो कु च जु वीं हरचि भेड़ तैं खुज्याण का खातिर ऊं निन्याणबो तैं निर्जन जगा मा छोड़ि द्‍यो, अर वीं एक हरचि भेड़ तैं तब तक खुज्याणु रौ, जब तक वा मिली नि जौ?

लूका 15:32

पर चल, अब हमतै आनन्द अर खुशी मनौण चयेणी, किलैकि तेरु भुला जु मोरि गै छौ पर अब उ ज्यून्दु ह्‍वे गै, जु हरचि गै छौ अब उ वापिस मिली गै।’”

रोमियों 6:11

ठिक इन्‍नि तुम भि अपणा पापि सभौ तैं मारी द्‍या, पर पिता परमेस्वर खुणि अफ तैं यीशु मसीह का द्‍वारा ज्यून्दु समझा।

रोमियों 8:2

किलैकि जीवन देण वळा परमेस्वर की पवित्र आत्मा न अपणा नियम का मुताबिक तुमतै यीशु मसीह पर बिस्वास करण की वजै से पाप अर मौत का बन्धन से आजाद कैरियाली।

रोमियों 12:15

अर खुशी मनौण वळो का दगड़ा मा तुम भि खुशी मणा, अर जु दुख मा रुंणा छिन तुम भि ऊंका दगड़ा मा रुवा।

यूहन्ना 11:25

तब यीशु न वींकू बोलि, “मुरदो मा बटि ज्यून्दु कन वळु, अर मनखियों तैं जीवन देण वळु मि ही छौं। अर जु कुई मि पर बिस्वास करदु, अगर उ मोरि भि जालु, फिर भि ज्यून्दु होलु।

इफिसुस 5:14

इलै ही पवित्रशास्‍त्र मा साफ-साफ लिख्यूं च कि, “हे सियां मनखि उठ, मुरदो मा बटि खड़ु हो, तब मसीह को उज्याळु त्वे पर चमकळु।”

1 कुरिन्थि 12:26

अर जब सरील को एक अंग तैं दुख मिलदु, त हमरा पूरा सरील तैं तकलीफ होन्दी। ठिक उन्‍नि अगर एक तैं इज्‍जत मिलदी, त सरील का दुसरा अंग वेका दगड़ा-दगड़ि खुश होनदिन।

1 तीमुथियुस 5:6

पर जु विधवा जनानि मौज-मस्ती मा रौन्दी, त वा ज्यून्दु होण का बाद भि मुरयां का जन च।

रोमियों 11:15

अर जब पिता परमेस्वर इस्राएली लोगु से दूर ह्‍वे गै, त वेन दुनियां का और लोगु का दगड़ा मा मेल-जोल कैरी। अर जब पिता परमेस्वर इस्राएली लोगु तैं स्वीकार करलु, त उई ऊंतैं मुरदो मा बटि ज्यून्द करण का बाद जीवन दान भि द्‍यालु।

रोमियों 6:13

अर नऽ त खुद तैं पाप करणु खुणि सौपा, किलैकि या बात तुम खुणि भली नि च, कखि इन नि हो कि तुम फिर से गळत काम करण लगि जा। इलै खुद तैं पिता परमेस्वर का सुपुर्द कैरी द्‍या, जु कि मुरदो तैं ज्यून्द करण की ताकत रखदु। अर इन तुम इलै कैरा, ताकि उ तुमरा जीवनों का द्‍वारा भलै का काम कैरी सैको।

यूहन्ना 5:21

जन कि पिता मुरदो तैं उठौन्दु अर ऊंतैं जीवन देन्दु च, ठिक उन्‍नि पुत्र भि जैतैं चान्दु ऊंतैं जीवन देन्दु।

मरकुस 8:22

अर जब यीशु अर वेका चेला बैतसैदा नगर मा ऐनी, त कुछ लोग एक अन्धा मनखि तैं वेका पास लेके ऐनी अर वेसे बिन्ती कैरी कि वेतैं छ्वी द्‍या।

दिब्य दरस 3:1

अर फिर यीशु न मिकू इन बोलि कि, “सरदीस नगर मा रौण वळा बिस्वासी समुदाय का दूत खुणि इन लिख कि: “यीशु जैका पास परमेस्वर की सात आत्मा छिन अर सात गैंणा भि उ इन बुल्दु कि: “मि तुमरा कामों तैं जणदु छौं अर लोगु की नजर मा तुम ज्यून्दा त छाँ मगर छाँ तुम मुरयां का जन।

यहूदा 1:12

अर यू झूठ्‍ठा लोग ढन्ड़ीयों मा छिप्यां चटानों का जन छिन, अर मसीह प्यार से ज्वा दावत तुम अपणा घौरों मा रखद्‍यां, यू लोग वामा तुमरा दगड़ा खान्दा-पीन्दा छिन। अर यू लोग सिरफ अपणु पुटगु ही भोरण चनदिन, अर लोग त बिना पाणि वळा बादळों का जन छिन जौं तैं हवा अफ दगड़ा मा उड़ै के लि जान्दी। अर इन्द्रया डाळों का जन छिन, जौं पर समौ औण पर फल नि लगदिन बल्किन मा यू त दुई बार सूखि गैनी अर जलुड़ो समेत उखड़्यां छिन।

लूका 10:19

अर सुणा, जन लोग गुरौ अर बिच्छीयों तैं खुटों तौळ पितेड़ देन्दी, ठिक उन्‍नि मि भि तुमतै दुसमन की पूरि ताकत पर अधिकार देन्दु। अर कै भि चीज से तुमतै नुकसान नि होलु।

मत्ती 8:22

पर यीशु न वे मनखि कू बोलि, “जु आत्मिक रुप से मुरयां छिन, ऊंतैं अपणा मुरदो तैं दफनौण दे, पर तू मेरा पिछनै अऽ।”

लूका 9:60

पर वेन वे मनखि कू बोलि, “जु आत्मिक रुप से मुरयां छिन, ऊंतैं अपणा मुरदो तैं दफनौण दे, पर तू जैके परमेस्वर का राज को परचार कैर।”

लूका 15:23

अर पळ्यां बखरों मा बटि बड़िया बखरा तैं लेके काटा, ताकि हम खा अर खुशी मणा।

लूका 15:25

“मगर वे बगत वेकू बड़ु नौनु पुंगड़ा मा छौ। अर जब उ पुंगड़ा बटि वापस ऐ अर अभि उ घौर का नजदीक ही छौ, कि वेतैं नचण अर गाजा-बाजों की आवाज सुणै।