लूका 15:2 - Garhwali

² तब फरीसी दल का लोग अर शास्‍त्री लोग कुड़कुड़ै के बोन्‍न लगि गैनी, “यू त पापि मनखियों का दगड़ा मा मेल-जोल रखदु, अर ऊंका दगड़ा मा खान्दु-पीन्दु च।”

गढवली नयो नियम

² पर फरीसी अर मूसा की व्यवस्था तैं सिखांण वला कुड़कड़ै कै बुल्ण लगि गैनी “यु त पापियों तैं मिल्द जुलदो च अर ऊंका दगड़ा मा खांणु भि खांदु।”

लूका 15:2 Referans Kwoze

मत्ती 9:11

अर यू देखि के फरीसी दल का लोगु न यीशु का चेलों कू बोलि, “तुमरो गुरु चुंगी लेण वळो कि, अर ऊंका ही जन दुसरा पापि लोगु का दगड़ा मा खाणुक किलै खान्दु?”

लूका 19:7

अर यू देखि के भीड़ का लोग न बबड़णान्द-बबड़णान्द बोलि, “अरे, यू त एक पापि मनखि का घौर मा रुकणु कू जाणु।”

लूका 7:39

अर यू देखि के उ फरीसी, जैन यीशु तैं अपणा घौर मा बुलै छौ, उ अपणा मन मा सुचण लगि गै कि, “अगर जु यू परमेस्वर को रैबर्या होन्दु, त यू जाणि जान्दु, की या जनानि क्‍वा च, अर कन्दरि च, ज्वा वेतैं छूणि च। अर उ इन भि जाणि जान्दु, कि वा एक पापि च।”

लूका 5:30

तब फरीसी दल का लोग अर शास्‍त्री लोग कुड़कुड़ै के यीशु का चेलों कू बोन्‍न लगि गैनी, “तुम चुंगी लेण वळो अर ऊंका ही जन दुसरा पापि लोगु का दगड़ा मा खान्दा-पीन्दा किलै छाँ?”

खास चेलों 11:3

अर ऊंन वेकू बोलि कि, “तू इन्द्रया लोगु का घौर मा गै, जौन अपणा सरील मा खतना का रिवाज तैं पूरु नि कर्युं छौ अर तिन ऊंका दगड़ा मा खाणु भि खै।”

लूका 7:34

जब की मनखि को पुत्र ऐ, अर खान्दु-पीन्दु च, अर तुम बुल्द्‍यां कि, ‘देखा, यू त पेटू अर जादा खाण-पीण वळु मनखि च, अर चुंगी लेण वळो को अर इन्द्रया ही दुसरा पापि लोगु को दगड़्या च।’

गलातियों 2:12

अर मिन वेको विरोध इलै कैरी, किलैकि पैलि उ ऊं लोगु का दगड़ा मा खान्दु-पीन्दु छौ जु यहूदी जाति का नि छिन, पर जब याकूब भै का दगड़ा का कुछ यहूदी लोग अन्ताकिया नगर मा ऐनी, त कैफा भै यहूदी लोगु की डौऽर की वजै से ऊं लोगु का दगड़ा मा खाण-पीण से पिछनै हटणु छौ अर इन कैरिके वु कनि कटण लगि गै।

मत्ती 11:19

जब की मनखि को पुत्र ऐ, अर खान्दु-पीन्दु च त लोग बुल्दिन कि, ‘देखा, यू त पेटू अर जादा खाण-पीण वळु मनखि च, अर चुंगी लेण वळो को अर इन्द्रया ही दुसरा पापि लोगु को दगड़्या च।’ पर फिर भि परमेस्वर का ज्ञान का द्‍वारा जु कुछ भि काम निकळि के औन्दिन, वु इन साबित कैरी देन्दिन कि उ ज्ञान सच्‍चु च।”

लूका 15:3

तब यीशु न ऊंतैं एक उदारण देके बोलि कि,

1 तीमुथियुस 1:15

अर या बात सच्‍च च अर पूरि तरौं से मनण का लैख च कि, “यीशु मसीह ईं दुनियां मा पापियों तैं बचौणु खुणि ऐ,” किलैकि ऊं सब पापियों मा बटि सबसे बड़ु पापि मि छौं।