लूका 14:26 - Garhwali

²⁶ “अगर कुई मनखि मेरु चेला बणण चान्दु हो, मगर उ मनखि अपणा ब्वे-बाब, घरवळी अर अपणा बाल-बच्‍चों तैं अर अपणा भै-बैंणो तैं इख तक की अपणा पराण तैं मिसे भि जादा प्यार करदु हो, त इन्द्रयो मनखि मेरु चेला नि ह्‍वे सकदु।

गढवली नयो नियम

²⁶ जु कुई मि मा औं अर अपड़ा ब्वे-बुबा तैं मि से जादा प्रिय जंणदो उ मेरा लैख नि च अर जु नौंना य नौंनि तैं मि से जादा प्रिय जंणदो उ भि मेरा चेला बनण का लैख नि च।

लूका 14:26 Referans Kwoze

मत्ती 10:37

“अगर कुई मनखि अपणा ब्वे-बाब तैं मिसे जादा प्यार करदु, त वु मेरु चेला होण का लैख नि च। अर ठिक उन्‍नि अगर कुई अपणा नौना या नौनि तैं मिसे जादा प्यार करदु, त उ भि मेरु चेला होण का लैख नि च।

यूहन्ना 12:25

अर जु कुई अपणा पराण बटि प्यार करदु, उ वेतैं ख्वे देन्दु। पर जु कुई ईं दुनियां मा अपणा पराण बटि प्यार नि करदु, उ वेतैं सदनि का जीवन खुणि बचै के रखदु।

फिलिप्पी 3:8

अर इथगा ही ना बल्किन मा मि त प्रभु यीशु तैं पछ्याणदु छौं, अर या बात ही मि खुणि सबसे जादा फैदा की च, अर वेतैं पछ्यणन को जु ज्ञान मितैं मिली वेकी वजै से मि यों सब बातों तैं कूड़ा समझदु, अर इन मि इलै समझदु ताकि मि यीशु मसीह तैं पै सैकु अर वेका दगड़ा मा एक ह्‍वे जौ।

खास चेलों 20:24

मगर मितैं अपणी जान की भि कुई परवा नि च, ताकि जै काम की शुरुवात मिन कैरी अर जु काम प्रभु यीशु न मि मा सौंपी वेतैं मि पूरु कैरुं, याने कि मि परमेस्वर की किरपा को शुभ समाचार लोगु तैं बतै सैकु।

दिब्य दरस 12:11

अर ऊंन प्रभु का रैबार अर मेम्‍ना का ल्वे का द्‍वारा शैतान पर जीत हासिल कैरी, किलैकि ऊंन अपणी जान की भि परवा नि कैरी बल्किन मा मुरणु खुणि भि तयार छा।

रोमियों 9:13

अर ज्वा बात पिता परमेस्वर न वे खुणि बोलि, वा पवित्रशास्‍त्र मा इन लिखीं च कि, “याकूब तैं मिन प्यार कैरी, मगर एसाव तैं नकारी दिनी।”

लूका 14:25

अर जब एक बड़ी भीड़ यीशु का दगड़ा मा जाणि छै, त वेन पिछनै मुड़ि के ऊंकू बोलि कि,

लूका 14:20

अर उन्‍नि हैंका न भि बोलि, ‘मेरु अभि-अभि नयू ब्यौ होयुं च, मिन नि ऐ सकण।’