लूका 14:24 - Garhwali

²⁴ किलैकि मि तुमतै बतै देन्दु कि, ऊं न्यूत्यां लोगु मा बटि कैन भि मेरी दावत को खाणु नि चखण।’”

गढवली नयो नियम

²⁴ किलैकि मि तुम मा बुल्णु छौं कि उ पैली न्यूत्यां लोग मा बट्टी कैल भि मेरा भोज तैं नि चखण।

लूका 14:24 Referans Kwoze

मत्ती 21:43

“इलै मि तुमतै बतै देन्दु, कि परमेस्वर को राज तुम बटि लुछे जालु, अर इन्द्रया लोगु तैं दिये जालु, जु कि वेका मुताबिक आज्ञा को पालन करला।

खास चेलों 13:46

तब पौलुस अर बरनबास न बड़ी हिम्मत से ऊंतैं जबाब देई, “या बात भौत जरुरी छै कि परमेस्वर को वचन सबसे पैलि तुमतै ही सुणये जान्दु। मगर जब तुम ही वेतैं नकरणा छाँ अर अफ तैं सदनि का जीवन का लैख नि समझद्‍यां, त सुणा, अब से हम दुसरि जाति का बीच मा परचार करणु कू जाणा छां।

यूहन्ना 3:36

अर जु कुई वे पुत्र पर बिस्वास करदु, वेतैं ही सदनि को जीवन मिलदु। अर जु कुई पुत्र पर बिस्वास नि करदु, वेतैं जीवन नि मिललु, बल्किन मा परमेस्वर को परकोप वे पर पोड़दु।”

मत्ती 22:8

“तब वेन अपणा नौकरों कू बोलि, ‘ब्यौ को खाणु तयार च, मगर जौं लोगु तैं बुलये गै छौ ऊ लोग ही लैख नि छा।

यूहन्ना 8:24

इलै मिन तुमकु बोलि, कि तुम अपणा पापों की बिना माफी पयां मोरि जैल्या। किलैकि अगर तुम बिस्वास नि करद्‍यां, की मि उई छौं, त फिर तुम अपणा पापों मा मोरि जैल्या।”

यूहन्ना 3:19

अर दोष लगौण को कारण यू च, कि उज्याळु ईं दुनियां मा ऐ, पर मनखियों न उज्याळा बटि ना बल्किन मा अन्धेरा तैं खूब माणी, किलैकि ऊंका काम बुरा छा।

यूहन्ना 8:21

तब यीशु न फिर ऊंकू बोलि, “मि त जाणु छौं। अर तुम मितैं खुजैल्या अर अपणा पापों की बिना माफी पयां मोरि जैल्या। अर जख मि जाणु छौं, उख तुम नि ऐ सकद्‍यां।”

लूका 14:23

तब मालिक न नौकर कू बोलि, ‘सड़कों मा जा अर नगरों का बाटों मा जा अर लोगु तैं इख औणु खुणि मजबूर कैर, ताकि मेरु घौर भुरे जौ।

लूका 14:25

अर जब एक बड़ी भीड़ यीशु का दगड़ा मा जाणि छै, त वेन पिछनै मुड़ि के ऊंकू बोलि कि,