लूका 14:23 - Garhwali

²³ तब मालिक न नौकर कू बोलि, ‘सड़कों मा जा अर नगरों का बाटों मा जा अर लोगु तैं इख औणु खुणि मजबूर कैर, ताकि मेरु घौर भुरे जौ।

गढवली नयो नियम

²³ स्वामि ल नौकर कु बोलि, सड़कों मा अर चौबारों मा जा अर और जै कै लुखुं तैं जबरदस्ती ले औ ज्यां से मेरू घौर भरे जौं।

लूका 14:23 Referans Kwoze

कुलुसी 1:28

अर वे ही मसीह को परचार हम लोग करद्‍यां अर लोगु तैं चितै देन्द्‍यां, अर हरेक मनखि तैं अपणा पूरा ज्ञान से सिखौन्द्‍यां, ताकि हरेक मनखि तैं एकदम सिद्ध बणै के पिता परमेस्वर का समणि खड़ु कैरी सैका।

2 कुरिन्थि 5:11

अर हम जणदा छां कि पिता परमेस्वर पर अपणी पूरि सरदा रखण को मतलब क्या च, इलै ही हम लोगु तैं सच्‍चै का बारा मा बतौन्द्‍यां ताकि वु भि सच्‍चै तैं स्वीकार कैरी सैका। अर परमेस्वर ईं बात का बारा मा जणदु च, अर मितैं पूरि उम्मीद च कि तुम भि वांका बारा मा खूब अच्छे से जणद्‍यां।

2 कुरिन्थि 5:20

अर ईं बात की वजै से ही मि अर मेरा दगड़्या यीशु मसीह का राज्य को परचार करद्‍यां। अर जब हम लोगु तैं बतौन्द्‍यां, त यां को मतलब यू च कि पिता परमेस्वर खुद तुमतै अपणा पास बुलाणु च। इलै हे मेरा भै-बैंणो, यीशु मसीह का होण का नाता हम तुम से बिन्ती करद्‍यां, कि तुमरो रिश्ता पिता परमेस्वर का दगड़ा मा ठिक ह्‍वे जौ, इलै वेका पास औणु खुणि वेका पास वचन तैं स्वीकार कैरा।

कुलुसी 1:23

अर यू सब तभि ह्‍वे सकदु, जब तुम बिस्वास मा बणयां रा अर वेकी बुनियाद मा मजबूत ह्‍वेके टिक्यां रा, अर जु शुभ समाचार तुमुन सुणी वां से मिलण वळी आस तैं नि छोड़ा। अर ये ही शुभ समाचार को परचार हर जगा किये जाणु च, अर मि पौलुस ये काम को सेवक छौं।

रोमियों 10:18

मगर मेरु सवाल त यू च, कि क्या लोग न शुभ समाचार तैं नि सुणी? हाँ, ऊंन सुणी च, किलैकि पवित्रशास्‍त्र मा लिख्यूं च कि, “ऊंको रैबार पूरि धरती मा फैली गै, अर ऊंका द्‍वारा बुलयां वचन दुनियां मा चौतरफि फैली गैनी।”

खास चेलों 28:28

“इलै तुम भि जाणि जा कि परमेस्वर को बचौण वळु वचन अब ऊं लोगु का पास भि भेजि गै, जु कि यहूदी जाति का नि छिन अर वु लोग वेका बारा मा सुणला।” [

खास चेलों 18:6

मगर जब उखा लोगु न वेको विरोध कैरी अर वे खुणि अनाप-सनाप बोलि, तब पौलुस न अपणा कपड़ों तैं झाड़ि के बोलि, “जु दण्ड तुमतै मिलण वळु च वांका जबाबदार तुम खुद ही छाँ, मि बेकसूर छौं। अर सुणा, अब बटि मि ऊं लोगु का बीच मा जौलु जु कि यहूदी जाति का नि छिन।”

2 कुरिन्थि 6:1

इलै हे मेरा दगड़्यों, हम लोग परमेस्वर का दगड़ा मा मिली के काम करद्‍यां। अर मि तुमतै समझै देन्दु कि परमेस्वर की महान किरपा तैं पौण का बाद अब वेकी किरपा तैं बेकार नि जाण द्‍या,

खास चेलों 9:15

मगर प्रभु न वेकू बोलि, “तू जा, किलैकि मिन वेतैं अपणी सेवा करणु खुणि चुण्यालि, ताकि जु लोग यहूदी जाति का नि छिन वु ऊंका बीच मा, राजा लोगु का बीच मा, अर इस्राएली लोगु का बीच मा मेरु नौ को परचार कैरो।

मत्ती 21:43

“इलै मि तुमतै बतै देन्दु, कि परमेस्वर को राज तुम बटि लुछे जालु, अर इन्द्रया लोगु तैं दिये जालु, जु कि वेका मुताबिक आज्ञा को पालन करला।

खास चेलों 16:15

अर जब वींन अपणा घौर का सब लोगु समेत बपतिस्मा ले दिनी, त वींन हम से बिन्ती कैरी कि, “अगर तुम सच्‍चि मा मितैं प्रभु पर बिस्वास रखण वळी समझद्‍यां त आज मेरा घौर मा चलि के बासा रा।” अर वींन अपणा घौर औणु खुणि हमतै मणै दिनी।

लूका 24:29

पर ऊंन वेतैं रोकी के बोलि कि, “रुमुक को बगत च अर रात होण वळी च, इलै तू हमरा दगड़ा मा इखि रुकी जा।” तब यीशु ऊंका दगड़ा मा रौणु कू वे गौं मा चलि गै।

मत्ती 5:41

अर अगर कुई त्वेतै अफ दगड़ा जबरदस्ती एक मील लेके जौ, त तू वेका दगड़ा मा दुई मील चलि जा।

लूका 14:22

तब नौकर न वेकू बोलि, ‘साब, जन तुमुन बोलि छौ ठिक उन्‍नि किये गै, पर इख त अभि भि जगा खालि च।’

लूका 14:24

किलैकि मि तुमतै बतै देन्दु कि, ऊं न्यूत्यां लोगु मा बटि कैन भि मेरी दावत को खाणु नि चखण।’”