लूका 14:21 - Garhwali

²¹ अर यू सब बात नौकर न अपणा मालिक मा जैके बुलिनी। तब घौर का मालिक तैं भौत गुस्सा ऐ, अर वेन नौकर कू बोलि, ‘तू तुरन्त नगर का बजारों मा अर बाटों मा जा, अर उख बटि गरीबों, लूला-लंगड़ो अर अन्धों तैं लेके इख अऽ।’

गढवली नयो नियम

²¹ वे नौकर ल अपड़ा मालिक मा ऐ के सभि बात सुणैनी त घौर का स्वामि ल गुस्सा मा हवे कै वे नौकर कु बोलि, शहर का बाजारों मा गलियों मा तुरंत जा अर कंगालों लूला लंगड़ों अर अंधों तैं इख ली कै औ।

लूका 14:21 Referans Kwoze

लूका 14:13

पर जब तू दावत दिली, त गरीबों, लूला-लंगड़ो अर अन्धों तैं बुलै।

याकूब 2:5

हे मेरा प्यारा भै-बैंणो, सुणा, दुनियां का लोगु की नजर मा जु गरीब छिन, ऊंतैं परमेस्वर न चुणी। ताकि ऊ बिस्वास मा भरपूर ह्‍वे जा, अर परमेस्वर बटि प्यार करण वळो तैं जै राज को हकदार होणो को करार वेन कैरी, वेका हकदार वु बणि जा।

मत्ती 11:5

‘अन्धा दिखणा छिन, अर लूला-लंगड़ा चलणा-फिरणा छिन, अर कोड़ियों तैं शुद्ध किये जाणु च, बैरा सुनणा छिन अर मुरदो तैं ज्यून्द किये जाणु च, अर गरीबों तैं शुभ समाचार सुणये जाणु च।

यूहन्ना 9:39

तब यीशु न बोलि, “मि इलै अयूं, कि ईं दुनियां को न्याय मेरा द्‍वारा किये जौ, किलैकि जु नि देख सकदिन ऊ दिखण लगि जा, अर जु देखि सकदिन ऊ अन्धा ह्‍वे जा।”

लूका 14:24

किलैकि मि तुमतै बतै देन्दु कि, ऊं न्यूत्यां लोगु मा बटि कैन भि मेरी दावत को खाणु नि चखण।’”

इब्रानी 2:3

त सोचा, अगर जु हम छुटकारा पौण वळा बाटा तैं स्वीकार नि करुला, त हम वेका दण्ड से बचण की उम्मीद कनकै कैरी सकद्‍यां? अर सबसे पैलि पिता परमेस्वर न ही ईं बात का बारा मा बतै, अर जौं लोगु न वेका रैबार तैं सुणी, ऊंन हमतै यू साबित कैरिके दिखै दिनी कि वा बात सच्‍चि छै।

दिब्य दरस 22:17

पवित्र आत्मा अर ब्यौलि इन बिन्ती करदी, “अऽ” अर सुनण वळा भि बोला, “अऽ” जु तिसळु च, उ “अऽ” अर जु मेरा पास औण चान्दु वु भि “अऽ” अर मुफत मा जीवन को पाणि लेके जौ।

दिब्य दरस 19:15

अर वेका गिच्‍चा बटि एक पैनी तलवार निकळणी छै, ताकि उ देस-देस का बुरा लोगु को नास वीं तलवार से कैरो। अर वु लोखरो जांठु लेके बड़ी सख्‍तै से सासन करलु, अर सर्वसक्‍तिमान परमेस्वर का परकोप का द्‍वारा वे रसकुण्ड मा ऊंतैं एक रस की तरौं पितेड़ द्‍यालु।

इब्रानी 13:17

अर जु बिस्वासी समुदाय का मुखिया लोग छिन, तुम ऊंकी आज्ञा माणा अर ऊंका अधीन मा रा, किलैकि वु तुमरा जीवन खुणि बड़ी चिन्ता करदिन, अर वु भौत अच्छे से जणदिन कि ऊंतैं तुमरा जीवन को हिसाब-किताब परमेस्वर तैं देण पोड़लु। अर तुम ऊंकी बात को पालन कैरा, ताकि वु खुशी से ये काम तैं कैरी सैका ना कि दुखी ह्‍वेके। किलैकि अगर जु वु दुखी छिन त वां से तुमतै कुई फैदा नि च।

लूका 24:47

अर वेका नौ से पापों की माफी पौणु खुणि अर मन से पस्ताप करण को परचार यरूशलेम नगर बटि दुनियां का सब देसों मा किये जालु,

मत्ती 11:28

“हे सब मेहनत कैरी-कैरिके थक्यां अर बोझ से दबयां लोगु, मि मू आ, मि तुमतै आराम द्‍यूलु।

लूका 9:10

अर जब यीशु का खास चेला शुभ समाचार को परचार कैरिके वापिस लौटिनी, अर जु कुछ ऊंन कैरी छौ, वेका बारा मा ऊंन यीशु तैं बतै। तब वेन चुपचाप से ऊंतैं अलग कैरी अर अफ दगड़ा बैतसैदा नगर मा लि गै।

मत्ती 18:31

अर जब वेका दगड़ा का दुसरा नौकरों न यू सब होन्द देखि, त भौत उदास ह्‍वे गैनी। अर ऊंन जैके राजा तैं सब कुछ बतै दिनी।

मत्ती 15:12

तब यीशु का चेला न वेका पास ऐके बोलि, “गुरुजी, क्या तुमतै पता च कि तुमरा ये वचन की वजै से फरीसी दल का लोग खिरसयां छिन?”

लूका 14:20

अर उन्‍नि हैंका न भि बोलि, ‘मेरु अभि-अभि नयू ब्यौ होयुं च, मिन नि ऐ सकण।’

लूका 14:22

तब नौकर न वेकू बोलि, ‘साब, जन तुमुन बोलि छौ ठिक उन्‍नि किये गै, पर इख त अभि भि जगा खालि च।’

मत्ती 20:7

ऊंन वेकू बोलि, ‘किलैकि साब, हमतै कैन भि ध्याड़ि पर नि रखी।’ वे मालिक न ऊंकू बोलि, ‘जा, मेरा अंगूर का बगिचा मा जैके ध्याड़ि को काम कैरा।’