लूका 13:35 - Garhwali

³⁵ अर सुणा मि तुमतै बतै देन्दु कि, “तुमरा घौर तैं परमेस्वर न छोड़याली, अर तुमुन मितैं तब तक नि दिखण जब तक तुम इन नि बोलिल्या कि, ‘धन्य च उ जु प्रभु का नौ से औन्दु।’”

गढवली नयो नियम

³⁵ देखा तुमारो मन्दिर तुम कु खन्द्वार छुड़े जांण। किलैकि मि तुम मा बुल्णु छौं कि अब बट्टी जब तक तुम नि बोलिल्या कि धन्य च उ जु परमेश्वर की सामर्थ से औंदु।

लूका 13:35 Referans Kwoze

यूहन्ना 12:13

तब ऊ लोग स्वागत करणु कू खजूर की फौंक्यों तैं हाथ मा लेके वेतैं मिलणु कू गैनी। अर ऊ जोर-जोर से बोन्‍न लगि गैनी, “होसन्‍ना, धन्य च उ जु प्रभु का नौ से औन्दु, उई इस्राएल को राजा च।”

मत्ती 21:9

अर भीड़ का जु लोग वेका अगनै-पिछनै औणा छा, ऊ सब चिल्‍लै-चिल्‍लै के बोन्‍ना छा कि, “दाऊद का वंशजे की होसन्‍ना, धन्य च उ जु प्रभु का नौ से औन्दु, स्वर्ग मा होसन्‍ना।”

लूका 21:24

अर वु लोग तलवार से मरे जाला, अर कैदी बणै के सब देसों मा भेजि जाला। अर जबरि तक ऊंको बगत पूरि नि ह्‍वे जौ जु कि यहूदी जाति का नि छिन, तबरि तक यरूशलेम नगर इन्द्रया लोगु का द्‍वारा बुरी तरौं से सतयै जाला।

मत्ती 23:37

अर यीशु न फिर से बोलि, “हे यरूशलेम का लोगु, तुम परमेस्वर का रैबर्यों तैं मारी देन्द्‍यां, अर जौं लोगु तैं परमेस्वर न तुमरा बीच मा भेजि ऊंतैं तुम ढुंग्यौन्दा छाँ। अर मिन भौत बार इन चै कि जन कुखडि अपणा बच्‍चों तैं अपणा फाँकुड़ो का तौळ इकट्‍ठा कैरिके रखदी, उन्‍नि मि भि तुमतै इकट्‍ठा कैरुं, पर तुम लोगु न इन नि चै।

लूका 19:41

अर जब यीशु यरूशलेम नगर का नजदीक पौंछी, त वे नगर तैं देखि के उ रुंण लगि गै।