लूका 13:32 - Garhwali

³² तब वेन ऊंकू बोलि, “तुम जैके वे स्याळ कू बोलि द्‍या कि, देख, मिन आज अर भोळ खबेसों तैं निकळण अर बिमारों तैं खूब करण, अर परस्यों खुणि मिन अपणु काम पूरु कैरी देण।

गढवली नयो नियम

³² वेल ऊंकु बोलि, जु वे आदिम जु एक शियाल का जन चालाक च बोल दियां कि देखि ले मि आज अर भोल दुष्टात्माओं तैं निकलणु छौं अर बिमारों तैं खूब कनु छौं, तिसरा दिन मा अपड़ा काम तैं पूरो कैरी दयुलु।

लूका 13:32 Referans Kwoze

इब्रानी 2:10

अर जन पिता परमेस्वर न चै, वेन अपणी ताकत का मुताबिक सब कुछ बणै। अर इन वेन इलै कैरी, ताकि उ यीशु मसीह का द्‍वारा भौत सा लोगु तैं अपणी महानता मा सामिल कैरी सैको। अर लोगु तैं बचौणु खुणि वेन अपणी योजना तैं पूरु कैरी, ज्वा कि यीशु तैं मौत का दुख तैं झिलण की छै। अर फिर वेन यीशु तैं मुरदो मा बटि ज्यून्द कैरिके ईं बात तैं सिद्ध कैरियाली, कि वेका द्‍वारा लोग पिता परमेस्वर का पास आ।

इब्रानी 5:9

अर दुख-तकलीफो तैं झिलण पर भि उ खरु निकळि। अर जथगा भि लोग यीशु मसीह की आज्ञा को पालन करदिन वु ऊं सब लोगु खुणि सदनि तक बचयै जाण की वजा बणि गै।

इब्रानी 7:28

ईं दुनियां को मनखि कमजोर अर पापि च फिर भि मूसा रैबर्या का द्‍वारा दियां नियम-कानूनों न ऊंतैं मुख्य पुरोहित का रुप मा चुणी, मगर बाद मा पिता परमेस्वर न कसम खै के अपणा पुत्र यीशु तैं पुरोहित ठैरै दिनी, अर यीशु मसीह हमेसा सब बातों मा खरु निकळदु।

यूहन्ना 10:32

पर यीशु न ऊंकू बोलि, “मिन त अपणा पिता की तरफा बटि भौत सरा भला काम कैरिके दिखैनि। अर ऊं मदि कौं कामों का बानो तुम मि पर ढुंगे मरण चन्द्‍यां?”

मरकुस 6:14

राजा हेरोदेस अन्तिपास तक या चर्चा पौंछी गै, कि यीशु को नौ भौत जादा फैली गै। अर लोग बोन्‍ना छिन कि, “यूहन्‍ना बपतिस्मा देण वळु मुरदो मा बटि ज्यून्दु ह्‍वे गै, इलै वेका द्‍वारा अब यू सामर्थ का काम किये जाणा छिन।”

यूहन्ना 19:30

तब यीशु न वे सिरका तैं चुसी के बोलि, “पूरु ह्‍वे गै।” अर मुण्ड़ झुकै के वेन अपणा पराण छोड़ि दिनी।