लूका 13:15 - Garhwali

¹⁵ अर यू सुणी के प्रभु न वेतैं जबाब दिनी, “हे ढोंगि लोगु, जब तुम मा बटि हरेक मनखि सब्त का दिन पर अपणा बल्द या गधा तैं कीला बटि खोली के पाणि पिलाणु कू लि जै सकदु,

गढवली नयो नियम

¹⁵ यु सूंणि प्रभु यीशु ल जवाब दींनि, “हे कपटियों क्य यहूदियों का विश्राम का दिन जु परमेश्वर कु पवित्र दिन च तुम मा बट्टी हर एक अपड़ा बल्द या गधा तैं गुठ्यार बट्टी खोलि के पांणी पिलाणु कु नि लिजांदु?”

लूका 13:15 Referans Kwoze

लूका 14:5

अर वेन इन भि बोलि, “अगर तुम मा बटि कै को नौनु या बल्द सब्त का दिन पर कुआँ मा लमडी जौ, त क्या तुम वेतैं तुरन्त भैर नि निकळद्‍यां?”

मत्ती 23:28

अर इन्‍नि तुम भि दुसरा लोगु का समणि खुद तैं धरमी होण को बड़ु दिखावा करद्‍यां, पर भितर बटि तुम बड़ा ढोंगि अर बुरै से भोर्यां छाँ।

लूका 12:1

अर जब यीशु शास्‍त्री का इख बटि ऐ गै, त यीशु तैं मिलणु खुणि बिजांम लोगु की भीड़ इकट्‍ठा ह्‍वे गै, अर लोगु की संख्या इथगा छै, कि वु एक-दुसरा पर फरक्योंणा छा। तब यीशु न सबसे पैलि अपणा चेलों कू बोलि कि, “सुणा, फरीसी लोगु का ढोंग रुपी खमीर से चौकस रा।

लूका 6:42

अरे, जब तेरा ही आंख मा जांठु च, त तू कनकै अपणा भै कू बोलि सकदी कि, ‘भैजी, ला मि तुमरि आंखा बटि तिण निकाळि द्‍यूं?’ हे ढोंगि, पैलि अपणा आंखा बटि वे जांठा तैं त निकाळ। तब जैके तू अपणा भै की आंख को तिण अच्छी तरौं देखि के निकाळि सकलि।”

मत्ती 23:13

तब यीशु न ऊंकू बोलि, “हे शास्‍त्री अर फरीसी दल का लोगु, तुम बड़ा ढोंगि छाँ अर तुम पर हाय च, किलैकि तुम दुसरा लोगु खुणि परमेस्वर का राज को द्‍वार बन्द कना छाँ, अर नऽ त तुम खुद वेमा जाणा छाँ, अर ना ही ऊंतैं जाण देणा छाँ जु कि वेमा जाण का हकदार छिन।

मत्ती 15:14

अरे, ऊंतैं जाण द्‍या। ऊ खुद त अन्धा छिन, अर दुसरो तैं बाटु बतौन्दिन। अगर एक अन्धु दुसरा अन्धा तैं बाटु दिखालु, त दुईया का दुई खडोळुन्द पोड़ि जाला।”

मत्ती 15:7

हे ढोंगि लोगु, तुमरा बारा मा यशायाह रैबर्या न एकदम ठिक भविष्यबाणी कैरी छै। अर वेन बोलि छौ कि,

मत्ती 7:5

अरे ढोंगि, पैलि अपणा आंख बटि वे जांठा तैं त निकाळ, तब जैके तू अपणा भै की आंख को तिण अच्छी तरौं देखि के निकाळि सकलि।

लूका 7:13

अर वींतैं देखि के प्रभु तैं तरस ऐ। अर वेन वींकू बोलि, “नि रो।”

लूका 7:19

तब यूहन्‍ना न अपणा चेलों मा बटि दुई चेलों तैं बुलै के प्रभु बटि इन पूछणु कू भेजि कि, “क्या तुम उई मसीह छाँ, जु औण वळु छौ, या हम कै दुसरो को इंतजार कैरा?”