लूका 12:5 - Garhwali

⁵ पर मि तुमतै चितै देन्दु कि तुमतै कै बटि डऽरण चयेणु, तुम वे बटि डौऽरा जैका पास मौत का बाद भि नरकलोक मा डलण को अधिकार च, वे बटि ही डौऽरा, हाँ मि तुमतै चितै देन्दु वे बटि ही डौऽरा।

गढवली नयो नियम

⁵ मि तुम तैं चितौंदु कि तुम तैं कै बट्टी डरण चयणु च घात कना का बाद जै तैं नरक मा डलणो कु अधिकार च वे बट्टी ही डैरा बल्कि मा मि तुम मा बुल्णु छौं वे ही बट्टी डैरा।

लूका 12:5 Referans Kwoze

2 पतरस 2:4

किलैकि परमेस्वर न पाप करण वळा ऊं स्वर्गदूतों तैं भि नि छोड़ि, बल्किन मा वेन ऊंतैं सजा दिनी। वेन ऊंतैं नरकलोक का सबसे अन्धेरा वळी जगा मा ढोळि दिनी, ताकि न्याय का दिन तक ऊंतैं उख रखै जौ, अर वे दिन पर ऊंतैं दण्ड दिये जौ।

मत्ती 10:28

अर ऊं लोगु बटि नि डौऽरा जु तुमरि जान त ले सकदिन, मगर तुमरि आत्मा को नास नि कैरी सकदिन। पर मि तुमतै चितै देन्दु कि तुमतै परमेस्वर पर अपणी पूरि सरदा रखण चयेणी, अर वेसे डऽरण भि चयेणु, किलैकि उ तुमरा सरील अर आत्मा दुईयों तैं नरकलोक मा डालि के नास करण की ताकत रखदु।

दिब्य दरस 14:7

अर वेन ऊँची आवाज मा इन बोलि कि, “परमेस्वर पर अपणी पूरि सरदा रखा अर वेकी बडै कैरा, किलैकि न्याय को बगत ऐ गै, इलै वेकी भक्‍ति कैरा जैन आसमान, धरती अर समुन्दर बणै, अर पाणि का छोया भि वेन ही बणैनी।”

इब्रानी 10:31

अर सुणा, ज्यून्दा परमेस्वर का हाथों मा पोड़ण बड़ी खतरनाक बात च।

दिब्य दरस 20:14

अर येका बाद मौत अर अधलोक तैं भि आग का कुण्ड मा डळै गै अर या ही दुसरि मौत च।

1 थिस्सलुनीकी 4:6

इलै तुम मा बटि कुई भि कै बिस्वासी भै या बैंण तैं, अपणी बातों मा फंसै के गळत सम्बन्ध रखण को पाप नि कैरो। किलैकि हमुन तुमतै पैलि ही चितैयाली छौ, कि जु कुई भि इन पाप करदु उ प्रभु बटि दण्ड पालु।

मत्ती 25:41

“तब राजा अपणा बैं तरफा वळो कू बोललु, ‘हे असगार लग्यां लोगु, मेरा समणि बटि दूर ह्‍वे जा, अर सदनि की वीं आग मा नास होणु कू चलि जा, ज्वा शैतान अर वेका दूतों खुणि तयार कैरिके रखी च।

मत्ती 5:22

पर मि तुमतै बतै देन्दु कि, जु कुई भि कै मनखि से नाराज हो, अर वेको अपमान कैरो अर बोलो ‘अरे बेकूप’ त वेतैं कचैरी मा दोषी ठैरै के दण्ड मिललु। अर अगर जु कुई अपणा भै-बैंण कू बोललु ‘अरे मूरख’ त उ नरकलोक की आग मा डळै जालु।

मत्ती 25:46

तब अधरमी लोगु तैं सदनि को दण्ड मिललु, मगर धरमी लोग सदनि का जीवन मा जाला।”

मरकुस 13:23

पर तुम लोग चौकस रा, सुणा, यू सब कुछ मिन तुमतै पैलि ही बतैयालि।