लूका 12:4 - Garhwali

⁴ अर यीशु न बोलि, “हे मेरा दगड़्यों, मि तुमतै बतै देन्दु कि तुम ऊं बटि नि डौऽरा जु तुमरि जान त ले सकदिन, मगर वेका बाद वु तुम बटि और कुछ नि ले सकदिन।

गढवली नयो नियम

⁴ मेरा दगड़ियों, मेरी सूंणा, ऊं बट्टी डरयां न जु देह तैं नशा करदींनि, पर वेका बाद वे बट्टी जादा अर कुछ नि नाश कैरी सकदो च।

लूका 12:4 Referans Kwoze

मत्ती 10:28

अर ऊं लोगु बटि नि डौऽरा जु तुमरि जान त ले सकदिन, मगर तुमरि आत्मा को नास नि कैरी सकदिन। पर मि तुमतै चितै देन्दु कि तुमतै परमेस्वर पर अपणी पूरि सरदा रखण चयेणी, अर वेसे डऽरण भि चयेणु, किलैकि उ तुमरा सरील अर आत्मा दुईयों तैं नरकलोक मा डालि के नास करण की ताकत रखदु।

दिब्य दरस 2:10

अर सुणा, जु दुख-तकलीफ तुम पर औणिन ऊं बातों से नि डौऽरा, किलैकि शैतान तुम मा बटि कुछ लोगु तैं जेलखाना मा डलवै द्‍यालु, ताकि तुम पूरि तरौं से परखै जा। अर दस दिनों तक तुमतै भौत पीड़ा दिये जालि, मगर अपणी आखिरी सांस तक तुम भरोसेमन्द बणयां रयां, अर मि तुमतै जीवन को मुकुट द्‍यूलु।

फिलिप्पी 1:28

अर मि इन भि सुनण चाणु छौं, कि तुम विरोध करण वळो से नि डऽरद्‍यां। अर तुमरि या हिम्मत ही ऊं लोगु खुणि विणास को चिन्‍न होलि, अर तुम खुणि इन होलु कि तुमतै परमेस्वर का द्‍वारा बचयै जालु।

1 पतरस 3:14

अर अगर जु तुम अच्छा काम करण का बदला मा दुख सौन्द्‍यां, त तुम धन्य छाँ। अर जु लोग तुमतै डऽरौन्दा या धमकौन्दा छिन ऊं से नि डऽरयां अर ना ही घबरयां।

याकूब 2:23

तब पवित्रशास्‍त्र की या बात पूरि ह्‍वे कि, “अब्राहम न परमेस्वर पर बिस्वास कैरी, अर ईं वजै से उ परमेस्वर की नजर मा धरमी ठैरै गै।” इलै पितर अब्राहम कू परमेस्वर को दगड़्या बुले गै।

खास चेलों 20:24

मगर मितैं अपणी जान की भि कुई परवा नि च, ताकि जै काम की शुरुवात मिन कैरी अर जु काम प्रभु यीशु न मि मा सौंपी वेतैं मि पूरु कैरुं, याने कि मि परमेस्वर की किरपा को शुभ समाचार लोगु तैं बतै सैकु।

खास चेलों 4:13

अर यों लोगु न पतरस अर यूहन्‍ना तैं बड़ी हिम्मत से बुलण देखि, अर जब यों तैं पता चलि की यू अनपढ़ अर साधारण मनखि छिन, त यू लोग ताजुब मा पोड़ि गैनी। तब वु लोग यों तैं पछ्याण गैनी कि यू उई छिन जु कि यीशु का दगड़ा मा रौन्दा छा।

यूहन्ना 15:13

अर कुई अपणा दगड़्यों का खातिर अपणी जान दे द्‍यो, येसे महान प्यार कुई नि कैरी सकदु।