लूका 12:1 - Garhwali

¹ अर जब यीशु शास्‍त्री का इख बटि ऐ गै, त यीशु तैं मिलणु खुणि बिजांम लोगु की भीड़ इकट्‍ठा ह्‍वे गै, अर लोगु की संख्या इथगा छै, कि वु एक-दुसरा पर फरक्योंणा छा। तब यीशु न सबसे पैलि अपणा चेलों कू बोलि कि, “सुणा, फरीसी लोगु का ढोंग रुपी खमीर से चौकस रा।

गढवली नयो नियम

¹ इथग मा जब हजारों कि भीड़ लगि गै इख तक कि एक दुसरा पर गिरदा पड़दा छा त उ सबसे पैली अपड़ा चेलों मा बुल्ण लगि गै कि देखा तुम फरीसियों का कपटरूपी खमीर से सचेत रावा।”

लूका 12:1 Referans Kwoze

1 पतरस 2:1

इलै हे मेरा भै-बैंणो, अपणा जीवनों मा बटि हरेक किसम कि बुरै, छल-कपट अर ढोंग तैं, अर एक-दुसरा बटि जलन रखण अर दुसरो तैं बदनाम करण छोड़ि द्‍या।

याकूब 3:17

पर जु ज्ञान परमेस्वर की तरफा बटि औन्दु, उ सबसे पैलि त पवित्र च। फिर उ ज्ञान मिलणसार, शान्त सभौ को, दुसरो तैं समझण वळु, दया अर अच्छा गुणों से भरपूर च। अर वेमा भेदभाव अर कपट नि होन्दु।

लूका 12:56

हे ढोंगि लोगु, तुम धरती अर आसमान तैं देखि के मौसम का बारा मा समझि जन्द्‍यां, मगर ये बगत मा जु काम होणा छिन, तुम ऊंका बारा मा किलै नि जाणि सकणा?”

1 कुरिन्थि 15:3

अर सच्‍चै को जु वचन यीशु मसीह का द्‍वारा मितैं बतये गै, उई मिन तुमतै बतै। अर पवित्रशास्‍त्र मा वु वचन इन लिख्यूं च कि, “मसीह हमरा पापों खुणि मरे गै।”

खास चेलों 21:20

अर यों बातों तैं सुणी के अध्यक्ष लोगु न परमेस्वर की बडै कैरी। तब ऊंन वेकू बोलि, “पौलुस भै, क्या तुमतै पता च, कि यहूदियों मा बटि भौत सरा लोगु न बिस्वास कैरी, पर वु लोग इन सोचदिन कि मूसा का नियम-कानूनों तैं मनण भौत जरुरी च।

लूका 11:44

अर हाय च तुम पर, किलैकि तुम त ऊं कबरों का जन छाँ जौं को कुई अता-पता नि च, अर लोग बिन जणयां ऊंका मथि चलदिन।”

लूका 6:17

तब यीशु ऊं चेलों का दगड़ा मा पाड़ बटि उतरि के एक सैंणि जगा मा खड़ु ह्‍वे। अर वेका पिछनै चलण वळो की एक बड़ी भीड़ उख जमा होईं छै। अर सरा यहूदिया मुलक, यरूशलेम नगर, अर समुन्दर का छाला पर रौण वळा सूर अर सैदा नगरों का भौत सा लोग भि उख जमा होयां छा। अर वु वेका वचनों तैं सुनणु कू अर अपणी बिमारियों मा बटि खूब होणु कू वेका पास अयां छा।

लूका 5:15

पर यीशु की चर्चा त और भि जादा फैलण लगि गै। अर भीड़ की भीड़ वेका वचनों तैं सुनणु कू अर अपणी बिमारियों मा बटि खूब होणु खुणि वेका पास औन्दी छै।

लूका 5:1

एक बार भौत बड़ी भीड़ यीशु का पास इकट्‍ठा ह्‍वेके परमेस्वर का वचन तैं सुनणी छै। तब उ गन्‍नेसरत की झील का किनरा पर खड़ु छौ, अर जादा लोग होण की वजै से धक्‍का-मुक्‍की होण लगि गै अर वु यीशु पर गिरण लगि गैनी।

इब्रानी 12:22

हे मेरा भै-बैंणो, तुम कै इन्दरि जगा पर नि अयां छाँ, बल्किन मा सिय्योन नौ का ढौंडा का पास, ज्यून्द परमेस्वर का नगर याने की स्वर्गीय यरूशलेम का पास अयां छाँ, अर उख इथगा स्वर्गदूत छिन जौं की कुई गिनती नि च, अर वु सब उख आनन्द मणौन्दिन।