लूका 11:49 - Garhwali

⁴⁹ इलै परमेस्वर की अकल न बोलियालि छौ कि, ‘मि ऊंका पास रैबर्यों अर खास चेलों तैं भेजलु। अर वु लोग यों भेज्यां लोगु मा बटि कुछ लोगु तैं सताला अर कुछो तैं त मारी भि द्‍याला।’

गढवली नयो नियम

⁴⁹ इलै परमेश्वर कि बुद्धि ल भि बोलि, कि मि ऊंमा परमेश्वर का तरपां बट्टी बुल्ण वलो अर प्रेरितों तैं भिजलु अर तुम ऊंमा बट्टी कुछ तैं मारि डलिल्या अर कथगु तैं दुःख दीला।

लूका 11:49 Referans Kwoze

1 कुरिन्थि 1:30

हे मेरा भै-बैंणो, अब तुमरा पास बड़ु मोन करण को कुई मौका नि च, किलैकि पिता परमेस्वर न ही तुमतै यीशु मसीह का पास बुलै अर तुमतै बचै भि च। अर वेन ही यीशु मसीह तैं हमरु ज्ञान बणै, अर यीशु मसीह ही च जु कि हमतै पिता परमेस्वर का समणि पवित्र बणौन्दु। अर यीशु मसीह न ही अपणु ल्वे देके हमतै पाप से छुटकारु देई।

कुलुसी 2:3

किलैकि वेमा ही अकल अर ज्ञान का सब खजाना छिप्यां छिन।

इफिसुस 4:11

अर वेन कुछ लोगु तैं खास चेला होण खुणि ठैरै, अर कुछ तैं रैबर्या बणै, अर कुछ लोगु तैं शुभ समाचार सुनौण वळु, अर कुछ लोगु तैं देख-रेख करण वळु, अर कुछ लोगु तैं वेन उपदेस देण वळु ठैरै।

1 कुरिन्थि 1:24

पर जौं लोगु तैं पिता परमेस्वर न बुलै, अब चै वु यहूदी जाति का हो या दुसरि का जाति का सब खुणि यीशु मसीह ही परमेस्वर की ताकत अर परमेस्वर को ज्ञान च।

खास चेलों 22:20

अर जब तुमरा गवा स्तिफनुस तैं जान से मरे जाणु छौ, त वे बगत मि भि उखि खड़ु होयुं छौ। अर ऊं लोगु का कपड़ों की देख-रेख कनु छौ, जौन वेकी हत्या कैरी, हाँ, प्रभु वामा मेरु हाथ भि छौ।’

खास चेलों 8:3

अर शाऊल न बिस्वासी समुदाय तैं बरबाद करण शुरु कैर दिनी, अर वु घौरों-घौरों मा घुसी के जनानियों अर बैखों तैं खिखोड़ी-खिखोड़ी के निकळदु छौ अर ऊंतैं जेलखाना मा डालि देन्दु छौ।

खास चेलों 7:57

अर या बात सुणी के ऊंन अपणा कन्दूड़ बन्द कैरी दिनी अर जोर से चिल्‍लैनि, अर वेतैं जान से मरणु खुणि वे जनै झट गैनी।

खास चेलों 1:8

अर जब तुम पवित्र आत्मा तैं पैल्या, त तुमतै सामर्थ मिलेली तब तुम यरूशलेम नगर मा अर पूरा यहूदिया अर सामरिया का मुलकों मा, इख तक की पूरि दुनियां मा तुम मेरा गवा बणि जैल्या।”

यूहन्ना 16:2

किलैकि लोग तुमतै प्रार्थना भवन बटि निकाळि द्‍याला। इथगा ही ना, बल्किन इन बगत औणु वळु च, कि जु कुई भि तुमतै जान से मरलु उ इन समझालु, कि इन कैरिके उ परमेस्वर की ही सेवा कनु च।

लूका 24:47

अर वेका नौ से पापों की माफी पौणु खुणि अर मन से पस्ताप करण को परचार यरूशलेम नगर बटि दुनियां का सब देसों मा किये जालु,

मत्ती 22:6

अर कुछ लोगु न राजा का नौकरों तैं पकड़ी अर ऊंका दगड़ा गळत बरतौ कैरी, अर ऊंतैं मारी भि दिनी।

लूका 11:48

हाँ, तुम ऊंकी ही कबरों तैं बणौन्द्‍यां, जौं तैं तुमरा पितरों न मरवेयलि छौ, इलै तुम अपणा पितरों की यों करतूतों का गवा छाँ, अर ऊंका ऊं कामों से सैमत भि छाँ।

खास चेलों 11:27

अर ऊं दिनों मा यरूशलेम नगर बटि परमेस्वर का कुछ रैबर्या अन्ताकिया नगर मा ऐनी।

दिब्य दरस 16:6

किलैकि ऊंन बिस्वासी लोगु अर तुमरा रैबर्यों को ल्वे बुगै, इलै तुमुन भि ऊंतैं पाणि का बदला मा ल्वे पीणु खुणि दिनी, अर जन ऊंन कैरी उन्‍नि पै।”

दिब्य दरस 18:20

अर येका बाद मिन इन सुणी कि, हे स्वर्ग खुशी मणौ। हे परमेस्वर का रैबर्यों, बिस्वासी भै-बैंणो अर वेका खास चेलों खुशी मणा, किलैकि जै नगर का लोगु न तुमतै सतै छौ परमेस्वर न ऊंतैं दण्ड देके तुमरो बदला ऊं से लियाली।