लूका 11:42 - Garhwali

⁴² “हे फरीसी दल का लोगु, तुम पर हाय च, किलैकि तुम पुदीना अर सुदाब नौ का पौधा को अर इन्‍नि बन्‍नि-बन्‍नि किसम का साग-पातो को भि दसुं हिस्सा देन्दयां। पर न्याय अर परमेस्वर का प्यार तैं टाळि देन्दयां, जब की तुमरो यू फरज छौ कि अपणा मन तैं शुद्ध बणै के परमेस्वर का प्यार तैं अर वेकी आज्ञा को पालन तुम खुद भि कना रौन्दा, अर यू ही तरीका लोगु तैं भि सिखौन्दा।

गढवली नयो नियम

⁴² पर हे फरीसियों हाय च तुम पर तुम पुदीना अर सूदाबो को अर सब किस्मै का साग-पातों को दसवां अंश दींदां पर न्याय तैं अर परमेश्वर का प्रेम तैं टालि दींदयां।

लूका 11:42 Referans Kwoze

मत्ती 23:23

“हे शास्‍त्री अर फरीसी दल का लोगु, तुम पर हाय च अर तुम भौत बड़ा ढोंगि छाँ, किलैकि तुम पुदीना, सौंफ अर जीरा की तरौं छुटी-छुटी चीजों को भि दसुं हिस्सा देन्द्‍यां, पर परमेस्वर का नियम-कानूनों मा जु खास-खास बात छिन ऊंतैं तुम छोड़ि देन्द्‍यां, जु कि जादा जरुरी छौ, जन कि न्याय करण, खरु मनखि बणण, दुसरा लोगु पर दया करण, अर भरोसा का लैख बणण। अर हरेक चीज को दसुं हिस्सा देण अच्छी बात च, मगर येका दगड़ा-दगड़ि तुमतै परमेस्वर का नियम-कानूनों की खास बातों पर भि ध्यान देण चयेणु छौ।

लूका 18:12

मि हप्‍ता मा दुई बार उपवास रखदु अर जु कुछ मितैं मिलदु, वांको दसुं हिस्सा चड़ौन्दु छौं।’

1 यूहन्ना 4:20

अर अगर कुई इन बुल्दु कि, “मि परमेस्वर से प्यार करदु,” मगर दुसरा लोगु से उ नफरत करदु हो, त ईं बात तैं जाणि ल्या कि इन्द्रयो मनखि झूठ्‍ठों च। किलैकि जौं लोगु तैं वेन अपणा समणि देखि, ऊं से उ प्यार नि कैरी सकणु च। अर जै परमेस्वर तैं वेन कभि नि देखि, त वेसे उ कनकै प्यार कैरी सकलु।

मत्ती 23:27

“हे शास्‍त्री अर फरीसी दल का लोगु, तुम पर हाय च अर तुम भौत बड़ा ढोंगि छाँ। तुम त चुना पूथिं कबरों का जन छाँ, जु भैर बटि त भौत सुन्दर दिख्योंदिन, पर ऊंका भितर मुरदो का हड़गा अर बन्‍नि-बन्‍नि किसम कि गन्दगी ही भुरीं रौन्दी।

यूहन्ना 5:42

पर मि तुमरा बारा मा जणदु छौं, कि तुमरा मनों मा पिता परमेस्वर खुणि प्यार नि च।

मत्ती 23:13

तब यीशु न ऊंकू बोलि, “हे शास्‍त्री अर फरीसी दल का लोगु, तुम बड़ा ढोंगि छाँ अर तुम पर हाय च, किलैकि तुम दुसरा लोगु खुणि परमेस्वर का राज को द्‍वार बन्द कना छाँ, अर नऽ त तुम खुद वेमा जाणा छाँ, अर ना ही ऊंतैं जाण देणा छाँ जु कि वेमा जाण का हकदार छिन।