लूका 11:41 - Garhwali

⁴¹ अगर जु तुम पवित्र मन से दान दिल्या त सुणा, तब तुम खुणि सब कुछ शुद्ध ह्‍वे जालु।

गढवली नयो नियम

⁴¹ अर गरीबों तैं दान दे कै भितर मन बट्टी साफ हवे जावा अर तुम पूरी रीति बट्टी पवित्र हवे जावा।

लूका 11:41 Referans Kwoze

लूका 12:33

अर जु कुछ तुमरा पास च वेतैं बेचि के जरुरतमन्द लोगु तैं दे द्‍या। अर स्वर्ग मा अफु खुणि इन्द्रया बटुवा बणावा जु कभि पुरणा नि होनदिन, अर वामा अफु खुणि इन्द्रयो धन इकट्‍ठा कैरा, जु कभि खतम नि होन्दु अर जैका नजदीक चोर नि ऐ सकदु अर ना ही वे पर कभि कीड़ु लगदु।

याकूब 1:27

पर जु मनखि अनाथों अर विधवाओं का दुख मा ऊंकी देख-रेख करदु, अर खुद तैं दुनियां की बुरै से बचै के रखदु उई परमेस्वर की नजर मा सच्‍चु धरमी च। अर इन्द्रया धरमी ही पिता परमेस्वर की नजर मा बेदाग अर सच्‍चा छिन।

तीतुस 1:15

अर जौं को मन शुद्ध च इन्द्रया लोगु खुणि सब कुछ शुद्ध च, पर जौं लोगु का मन मा बुरै भुरीं च अर जु बिस्वास नि करदिन ऊं खुणि कुछ भि शुद्ध नि च। अर ऊं लोगु की अकल अर मन इन बिगाड़ि गै, अर ऊंतैं इन पता नि च कि क्या जि सही च अर क्या जि गळत।

इब्रानी 13:16

अर भलै करण अर दुसरो की मदद करण नि बिसरा, किलैकि यू भि एक बलिदान का जन च, ज्यां से कि परमेस्वर खुश होन्दु।

खास चेलों 10:15

फिर दुसरि दौं भि वेतैं आवाज सुणै कि, “परमेस्वर न जौं चीजों तैं शुद्ध कैरियाली, तू वेकू अशुद्ध नि बोल।”

लूका 16:9

अर मि तुम बटि बोन्‍नु छौं कि, ‘दुनियां की दौलत का छौन्द तुम अफु खुणि दगड़्या बणैल्या, ताकि जब वा दौलत खतम ह्‍वे जौ, त ऊ तुमरो स्वागत सदनि का घौर मा करला।’

इब्रानी 6:10

अर जै तरीके से तुमुन परमेस्वर का लोगु की सेवा कैरी अर अभि भि कना छाँ, वां से इन साबित होन्दु कि तुम पिता परमेस्वर से कथगा प्यार करद्‍यां, अर उ यों बातों तैं नि बिसरलु, किलैकि उ कै का दगड़ा मा अन्यो नि करदु।

2 कुरिन्थि 8:12

अर ईं बात तैं याद रखा, कि अगर जु तुम सच्‍चि मा मदद करण चाणा छाँ, त अपणी-अपणी हैसियत का मुताबिक दे सकद्‍यां, ताकि या बात देखि के पिता परमेस्वर खुश हो। किलैकि पिता परमेस्वर इन इच्छा नि रखदु कि कु मितैं कथगा द्‍यालु, यू त तुमरि गुंजैस का मुताबिक च कि कु कथगा देण चाणु च।

लूका 19:8

अर जक्‍कई न खड़ु ह्‍वेके यीशु कू बोलि, “प्रभु मि अपणी अधि धन-दौलत गरीबों तैं द्‍यूलु अर जौं बटि मिन अन्यो कैरिके लेई ऊंतैं मि चार गुणा वापिस द्‍यूलु।”

लूका 18:22

अर यू सुणी के यीशु न वेकू बोलि, “त्वेमा अभि भि एक बात की कमी च। इन कैर कि जु कुछ भि त्वेमा च, ऊ सब कुछ बेचि दे अर वे बटि जु कुछ भि मिललु वु सब गरीबों मा बांटि दे, अर ऐके मेरु चेला बणि जा तब त्वेतै स्वर्ग मा खजानु मिललु।”

मत्ती 5:42

अर जु कुई त्वे बटि मांगु, त वेतैं दे अर जु त्वे बटि करज लेण चौ, त वे खुणि मना नि कैर।”

इफिसुस 4:28

इलै सुणा, जु चोरी करदु उ अब से चोरी नि कैरो, बल्किन मा अपणा हाथोंळ भलै का काम कैरो, ताकि जरुरतमन्द लोगु की मदद करणु खुणि वेका पास कुछ हो।

खास चेलों 11:29

अर ये अकाळ का बगत मा ही अन्ताकिया नगर का बिस्वासी लोगु न इन फैसला कैरी, कि हरेक मनखि यहूदिया मुलक मा रौण वळा बिस्वासी लोगु की मदद करणु खुणि जै से जथगा ह्‍वे सकलु, उ उथगा दे सकदु च।

मत्ती 26:11

अर गरीब त हमेसा तुमरा दगड़ा मा रौनदिन, मगर मिन तुमरा दगड़ा हमेसा नि रौण।

खास चेलों 24:17

अर भौत सालों का बाद मि अपणा गरीब लोगु मा दान-दकछिणा देणु खुणि, अर परमेस्वर खुणि बलिदान चड़ौणु कू इख ऐ छौं।

मरकुस 7:19

किलैकि वा चीज वेका मन मा ना, बल्किन मा पुटगुन्द जान्दी, अर मल का रुप मा भैर निकळि जान्दी। अर इन बोलि के यीशु न खाण की सब चीजों तैं शुद्ध ठैरै।